India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News May 19, 2024
MBNR: ‘దోస్త్’ రిజిస్ట్రేషన్‌కు కావలసిన సర్టిఫికెట్స్!!
✓ దోస్త్ రిజిస్ట్రేషన్ కోసం పదో తరగతి మెమో.
✓ ఇంటర్మీడియట్ హాల్ టికెట్ నెంబర్.
✓ కులం, ఆదాయం ధ్రువపత్రాలు (01-04-2024 తర్వాత జారీ చేసినవి.)
✓ మూడో తరగతి నుంచి ఇంటర్ వరకు స్టడీ సర్టిఫికెట్స్.
✓ ఆధార్ కార్డు నంబర్ పాస్ ఫోటో.
✓ విద్యార్థుల ఆధార్ కార్డు నెంబర్ మొబైల్ నెంబర్ కు అనుసంధానమై ఉండాలి.
✓ రిజిస్ట్రేషన్ ప్రక్రియ మొబైల్ నెంబర్ కు వచ్చిన ఓటీపీ ద్వారా చేయబడుతుంది.
News May 19, 2024
విజిలెన్స్ ఎంక్వయిరీని ఆహ్వానించిన కేయూ వీసీ
కాకతీయ విశ్వవిద్యాలయం వీసీగా మూడు సంవత్సరాల పదవీ కాలంలో ఎక్కడా నిబంధనలను ఉల్లంఘించలేదని, కాకతీయ విశ్వవిద్యాలయం వైస్ ఛాన్సలర్ తాటికొండ రమేశ్ అన్నారు. ఈ సందర్భంగా ఆయన తనపై వేసిన విజిలెన్స్ విచారణ కమిటీని స్వాగతిస్తున్నానని తెలిపారు. తాను ఇక్కడే ఓ నిరుపేద కుటుంబంలో పుట్టి, ఇక్కడే ఉన్నత విద్యను అభ్యసించి ఇక్కడే ఉద్యోగం పొంది 30 సంవత్సరాలకు పైగా నిబద్ధతగా పనిచేశానన్నారు.
News May 19, 2024
మహబూబ్‌నగర్: ‘అంతటా అదే చర్చ!!’
ఉమ్మడి జిల్లాలో పోలింగ్ ప్రక్రియ ముగియడంతో ఎక్కడికి వెళ్లినా ఫలితాలపై అందరూ చర్చించుకుంటున్నారు. ఉదయం వేళలో మైదానంలో రన్నింగ్ చేస్తున్న వారి దగ్గరి నుంచి సాయంత్రం టీ దుకాణాల దగ్గర ముచ్చట్లు పెట్టే వ్యక్తుల వరకు ప్రతి ఒక్కరు దీనిపైనే చర్చలు పెట్టారని స్థానికులు తెలిపారు. టీకొట్టు, హోటళ్లు, స్నాక్స్ దుకాణాలు, పని చేసే ప్రదేశాలు, వాకింగ్ మైదానాలు, ఎక్కడికి వెళ్లినా ఫలితాలపై చర్చలు నడుస్తున్నాయి.
News May 19, 2024
HYD: వికలాంగులకు ప్రత్యేక డిప్లమా కోర్సులు
HYD నగరం సికింద్రాబాద్ మనోవికాస్ నగర్ NIEPID కేంద్ర విద్యా సంస్థ మేధో వైకల్యం ఉన్నవారి నుంచి డిప్లమా కోర్సులు చేసేందుకు దరఖాస్తులు ఆహ్వానిస్తున్నట్లు అధికారులు తెలిపారు. SSC, ఇంటర్మీడియట్ చేసిన వారు అర్హులు కాగా.. డిప్లమా స్పెషల్ ఎడ్యుకేషన్, రిహాబిలిటేషన్ సంబంధించిన కోర్సులు ఉన్నాయి. కేంద్రం స్కాలర్షిప్ సైతం అందిస్తుంది. హాస్టల్ ఫెసిలిటీ సైతం ఉంది. మిగతా వివరాల కోసం18005726422 సంప్రదించండి.
News May 19, 2024
ఖమ్మంలో ఫుడ్ పార్క్ ప్రారంభించడానికి కారణమిదే..!
మెగా ఫుడ్ పార్క్ ఖమ్మంలోని బుగ్గపాడులో వచ్చే నెలలో ప్రారంభంకానున్న విషయం తెలిసిందే. ఇక్కడ ఏర్పాటు చేయడానికి కారణం ముడి వనరులు పుష్కలంగా లభించడం. ఇప్పటికే సత్తుపల్లి, అశ్వారావుపేట నియోజకవర్గాల్లో 203 ఎకరాల్లో జామ, మామిడి, జీడిమామిడి, కొబ్బరి, ఆయిల్‌పామ్, సపోటా, నిమ్మ, మొక్కజొన్న పంటలను సాగు చేసేలా రైతుల్ని అధికారులు ప్రోత్సహించారు. అంతేగాక ఫుడ్‌పార్క్‌కు రవాణా సదుపాయాలు చేరువుగా ఉండడం.
News May 19, 2024
KZR: గుర్తు తెలియని మృతదేహం లభ్యం
కాగజ్ నగర్ రైల్వే స్టేషన్ సమీపంలో గుర్తు తెలియని మృతదేహం లభ్యం అయినట్లు రైల్వే హెడ్ కానిస్టేబుల్ సురేశ్ గౌడ్ ఒక ప్రకటనలో తెలిపారు. ఆయన తెలిపిన వివరాల ప్రకారం.. కాగజ్ నగర్ రైల్వే స్టేషన్ సమీపంలో రైలు ఢీకొని ఒకరు మృతి చెందారు. మృతునికి సంబంధించి ఎలాంటి ఆధారాలు లభించలేదు. మృతదేహాన్ని సిర్పూర్ టి మార్చురీకి తరలించారు.
News May 19, 2024
MBNR: ఉమ్మడి జిల్లా వ్యాప్తంగా వర్షపాతం వివరాలు
ఉమ్మడి జిల్లా వ్యాప్తంగా శనివారం నమోదైన వర్షపాతం వివరాలు ఇలా ఉన్నాయి. అత్యధికంగా వనపర్తి జిల్లా సోలిపూర్‌లో 41.0 మిల్లీ మీటర్ల వర్షపాతం నమోదయింది. మహబూబ్‌నగర్ జిల్లా జడ్చర్లలో 36.5 మి.మీ, గద్వాల జిల్లా సాటేర్లలో 29.5 మి.మీ, నాగర్ కర్నూల్ జిల్లా ఉరవకొండలో 22.0 మి.మీ, నారాయణపేట జిల్లా కొత్తపల్లిలో 4.8 మిల్లీమీటర్ల వర్షపాతం నమోదైంది.
News May 19, 2024
KMM: టెట్ అభ్యర్థులకు ఎన్ని కష్టాలో..!
టెట్ అభ్యర్థులకు ఈసారి కష్టాలు తప్పడం లేదు. దరఖాస్తుల సమయంలో రుసుము రూ.400 నుంచి 1000 పెంచగా అనేకమంది విద్యార్థులు ఇబ్బందులు పడ్డారు. ఇదిలా ఉంటే పరీక్షా కేంద్రాల కేటాయింపులో సైతం సొంత జిల్లాలో కాకుండా దూరపు ప్రాంతాల్లో కేంద్రాలు కేటాయించడంతో అభ్యర్థులు ఆవేదన వ్యక్తం చేస్తున్నారు. దరఖాస్తుకు రూ.1000 తీసుకొని దూరపు ప్రాంతాల్లో పరీక్షా కేంద్రాలు కేటాయించడం పట్ల తీవ్ర అసంతృప్తి వ్యక్తం చేస్తున్నారు.
News May 19, 2024
సిద్దిపేట: మద్యం మత్తులో లారీ డ్రైవర్ బీభత్సం
మద్యం మత్తులో అతివేగంతో ఓ లారీ డ్రైవర్ బీభత్సం సృష్టించిన సంఘటన సిద్దిపేట జిల్లా కేంద్రంలో చోటు చేసుకుంది. స్థానికులు తెలిపిన వివరాల ప్రకారం.. కోదాడకు చెందిన లారీ డ్రైవర్ శనివారం సరుకులు దింపి తిరిగి వెళుతున్న క్రమంలో సిద్దిపేటలోని బీజేఆర్ చౌరస్తాలో లారీ అదుపు తప్పింది. చౌరస్తాలో ఉన్న బాబు జగ్జీవన్ రామ్ విగ్రహంకు వద్ద ఫౌంటేన్‌లోకి లారీని ఎక్కించాడు. పోలీసులు డ్రైవర్‌పై కేసు నమోదు చేశారు.
News May 19, 2024
HYD బిర్యానీ రుచి సూపర్: ట్రావిస్ హెడ్
బంజారాహిల్స్ సమీపాన ఉన్న ఓ రెస్టారెంట్లో HYD బిర్యానీ రుచి చూసిన SRH క్రికెటర్ ట్రావిస్ హెడ్ అద్భుతంగా ఉందని తెలియజేశారు. అంతేగాక తన భార్య జెస్సికాకు మొదటిసారిగా HYD బిర్యానీ రుచి చూపించినట్లుగా తెలుపుతూ.. HYD బిర్యానీ ఫర్ మై లవ్ అంటూ X వేదికగా ట్వీట్ చేశారు. కాగా నేడు SRH VS పంజాబ్ కింగ్స్ మధ్య ఐపీఎల్ మ్యాచ్ హైదరాబాదులో జరగనుంది.
Featured News
Sorry, no posts matched your criteria.