India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News July 19, 2024
లాల్‌దర్వాజా సింహవాహిని ఉత్సవాలను ప్రారంభించిన సీపీ
ఆషాఢ మాసం బోనాల జాతర ఉత్సవాల్లో భాగంగా పాతబస్తీ లాల్‌దర్వాజా సింహవాహిని మహంకాళి జాతర ఉత్సవాలు శుక్రవారం ఘనంగా ప్రారంభమయ్యాయి. నగర పోలీస్ కమిషనర్ కొత్తకోట శ్రీనివాస్ రెడ్డి ముఖ్య అతిథిగా పాల్గొని శిఖర పూజతో లాల్‌దర్వాజా బోనాల ఉత్సవాలను ప్రారంభించారు. ఆలయ కమిటీ ఛైర్మన్ రాజేందర్ యాదవ్, కమిటీ ప్రతినిధి వెంకటేశ్ తదితరులు పాల్గొన్నారు.
News July 19, 2024
వరంగల్: మక్కల ధరలకు బ్రేక్!
వరంగల్ ఎనుమాముల వ్యవసాయ మార్కెట్లో కొద్ది రోజులుగా రికార్డులు సృష్టిస్తున్న మొక్కజొన్న ధరలకు ఈరోజు బ్రేక్ పడింది. వారం రోజులుగా పెరుగుతూ వచ్చిన మక్కల ధర ఈరోజు తగ్గింది. గురువారం రూ.2,780 పలికిన ధర.. ఈరోజు రూ.2,750 కి చేరింది. నిన్నటికి, నేటికీ స్వల్ప తేడా ఉన్నప్పటికీ ధరలు భారీగా పలుకుతుండడంతో రైతన్నలు హర్షం వ్యక్తం చేస్తున్నారు.
News July 19, 2024
జగిత్యాల: కూలిన చెట్టు.. విరిగిన స్తంభాలు
జగిత్యాల జిల్లాలో ఈదురు గాలులు బీభత్సం సృష్టించాయి. గురువారం రాత్రి మేడిపల్లి గ్రామంలో 11 కేవీ లైన్‌పై పెద్ద చెట్టు కూలి 2 స్తంభాలు, ట్రాన్స్‌ఫార్మర్ దెబ్బతిన్నాయి. దీంతో గ్రామంలో విద్యుత్ సరఫరాకు అంతరాయం ఏర్పడిందని అధికారులు తెలిపారు. TGNPDCL సిబ్బంది విద్యుత్ పునరుద్ధరణకు చర్యలు చేపట్టినట్లు చెప్పారు.
News July 19, 2024
మిర్యాలగూడ బాలుడికి వరల్డ్ బుక్ ఆఫ్ రికార్డ్‌లో స్థానం
మిర్యాలగూడకు చెందిన ఓరుగంటి పవన్ కుమార్, రూప రేణుక దంపతుల కుమారుడు ఓరుగంటి రేయాన్ష్ వరల్డ్ బుక్ ఆఫ్ రికార్డ్స్‌లో స్థానం సంపాదించాడు. రేయాన్ష్ పలు దేశాలు, జంతువులు, పక్షులు, గ్రహాల పేర్లు, జనరల్ నాలెడ్జ్, జాతీయ చిహ్నాల పేర్లను 15 నిమిషాల్లో 150కు పైగా చెప్పాడు. దీంతో వరల్డ్ బుక్ ఆఫ్ రికార్డ్‌ లభించింది. జిల్లా కలెక్టర్ నారాయణరెడ్డి చేతుల మీదుగా రేయాన్ష్ మెడల్, సర్టిఫికెట్ అందుకున్నాడు.
News July 19, 2024
HYD: వ్యభిచారం.. జూనియర్ ఆర్టిస్ట్ ARREST
వ్యభిచారం నిర్వహిస్తున్న ముగ్గురిని HYD జగద్గిరిగుట్ట పోలీసులు అరెస్ట్ చేశారు. పోలీసులు తెలిపిన వివరాలు.. జూనియర్ ఆర్టిస్ట్‌గా పనిచేస్తున్న ఓ మహిళ NTR నగర్‌లో గదిని అద్దెకు తీసుకొని వ్యభిచారం నిర్వహిస్తోంది. పక్కా సమాచారంతో SOT ఎస్ఐ రంజిత్ కుమార్ రెడ్డి సిబ్బందితో వ్యభిచార గృహంపై దాడి చేశారు. నిర్వాహకురాలితో పాటు మరో మహిళ, శ్రీను అనే వ్యక్తిని అరెస్ట్ చేశారు. ఈ మేరకు దర్యాప్తు చేస్తున్నామన్నారు.
News July 19, 2024
HYD: వ్యభిచారం.. జూనియర్ ఆర్టిస్ట్ ARREST
వ్యభిచారం నిర్వహిస్తున్న ముగ్గురిని HYD జగద్గిరిగుట్ట పోలీసులు అరెస్ట్ చేశారు. పోలీసులు తెలిపిన వివరాలు.. జూనియర్ ఆర్టిస్ట్‌గా పనిచేస్తున్న ఓ మహిళ NTR నగర్‌లో గదిని అద్దెకు తీసుకొని వ్యభిచారం నిర్వహిస్తోంది. పక్కా సమాచారంతో SOT ఎస్ఐ రంజిత్ కుమార్ రెడ్డి సిబ్బందితో వ్యభిచార గృహంపై దాడి చేశారు. నిర్వాహకురాలితో పాటు మరో మహిళ, శ్రీను అనే వ్యక్తిని అరెస్ట్ చేశారు. ఈ మేరకు దర్యాప్తు చేస్తున్నామన్నారు.
News July 19, 2024
జన్నారం: ‘నాకు రుణమాఫీ కాలేదు’
జన్నారం మండలంలోని కిష్టాపూర్ గ్రామానికి చెందిన చిందం రాజమౌళి అనే రైతుకు ఇందంపల్లి గ్రామీణ బ్యాంకులో రూ.45 వేల అప్పు తీసుకున్నారు. రాష్ట్ర ప్రభుత్వం రూ.లక్ష లోపు రుణమాఫీ చేసిన లిస్టులో తన పేరు లేకపోవడంతో ఆ రైతు ఆందోళన చెందుతున్నారు. శుక్రవారం ఉదయం ప్రెస్ కార్యాలయానికి వచ్చి మీడియాకు తన గోడును వినిపించాడు. అర్హతలు ఉన్నప్పటికీ మాఫీ కాలేదన్నారు.
News July 19, 2024
HYD: హుస్సేన్ సాగర్ నీటి మట్టం 513.21 మీటర్లు..!
గ్రేటర్ హైదరాబాద్ వ్యాప్తంగా విస్తరంగా వర్షాలు కురుస్తున్నాయి. దీంతో హుస్సేన్ సాగర్‌లో వర్షపునీరు చేరి నీటిమట్టం పెరిగింది. ప్రస్తుతం 513.21 మీటర్ల నీటిమట్టం నమోదైనట్లు అధికారులు వెల్లడించారు. ఈరోజు, రేపు భారీ వర్షాల నేపథ్యంలో నీటిమట్టం మరింతగా పెరిగే అవకాశం ఉందని అధికారులు తెలిపారు. హుస్సేన్ సాగర్ పరిసర ప్రాంతాల ప్రజలు జాగ్రత్తగా ఉండాలన్నారు.
News July 19, 2024
HYD: హుస్సేన్ సాగర్ నీటి మట్టం 513.21 మీటర్లు..!
గ్రేటర్ హైదరాబాద్ వ్యాప్తంగా విస్తరంగా వర్షాలు కురుస్తున్నాయి. దీంతో హుస్సేన్ సాగర్‌లో వర్షపునీరు చేరి నీటిమట్టం పెరిగింది. ప్రస్తుతం 513.21 మీటర్ల నీటిమట్టం నమోదైనట్లు అధికారులు వెల్లడించారు. ఈరోజు, రేపు భారీ వర్షాల నేపథ్యంలో నీటిమట్టం మరింతగా పెరిగే అవకాశం ఉందని అధికారులు తెలిపారు. హుస్సేన్ సాగర్ పరిసర ప్రాంతాల ప్రజలు జాగ్రత్తగా ఉండాలన్నారు.
News July 19, 2024
సమాచారం ఇస్తే నగదు బహుమతి: వరంగల్ సీపీ
వరంగల్ పోలీస్ కమిషనరేట్ పరిధిలో ఎవరైనా గంజాయి, ఇతర మత్తు పదార్థాలను విక్రయిస్తున్నా లేదా తాగుతున్నట్లు సమాచారం ఇస్తే నగదు బహుమతి అందజేస్తామని సీపీ అంబర్ కిషోర్ ఝూ తెలిపారు. సమాచారం తెలియజేసినవారి వివరాలను గోప్యంగా ఉంచుతామని చెప్పారు. పెద్ద మొత్తంలో గంజాయి సమాచారం ఇచ్చిన వారికి భారీగా నగదు బహుమతి అందజేస్తామన్నారు. 87125 84473 నంబర్‌కు సమాచారం ఇవ్వాలని కోరారు.
Featured News
Sorry, no posts matched your criteria.