• Download our app

Telangana

News May 1, 2024

మెదక్: అరచేతిలో అంతర్జాలంతో జాగ్రత్త

image

అరచేతి అంతర్జాలంతో జాగ్రత్తగా ఉండాలని సైబర్ సెక్యూరిటీ బ్యూరో డీఎస్పీ సుభాష్ చంద్రబోస్ పేర్కొన్నారు. మెదక్ మహిళా డిగ్రీ కళాశాలలో మెదక్ పట్టణ సీఐ దిలీప్ కుమార్ ఆధ్వర్యంలో సైబర్ నేరాలపై అవగాహన సదస్సు నిర్వహించారు. సాధారణంగా ప్రజలు ఆశ, భయం వల్ల సైబర్ నేరాలకు గురవుతున్నారని తెలిపారు. సైబర్ నేరాలు ఏమిటి, సైబర్ నేరాల బారిన పడకుండా తీసుకోవాల్సిన జాగ్రత్తల గురించి తెలియజేశారు.

News May 1, 2024

NZB: మాజీ గవర్నర్‌ను కలిసిన కోటపాటి

image

ఆర్మూర్ నియోజకవర్గ బీజేపీ నాయకుడు, ప్రవాస భారతీయ సంక్షేమ సంఘం అధ్యక్షుడు కోటపాటి నరసింహనాయుడు తెలంగాణ రాష్ట్ర మాజీ గవర్నర్ తమిళి సై సౌందరరాజన్‌ను హైదరాబాద్‌లో మర్యాదపూర్వకంగా కలిశారు. పార్లమెంట్ ఎన్నికల ప్రచారంలో భాగంగా బీజేపీ తరఫున హైదరాబాద్‌లో ప్రచారం నిర్వహించారు. ఈ సందర్భంగా ఆమెను కలిసి శాలువాతో సన్మానించారు.

News May 1, 2024

రాష్ట్ర కిక్ బాక్సింగ్ పోటీలు ప్రారంభించిన చిన్నారెడ్డి

image

వనపర్తి జిల్లా కేంద్రంలో నిర్వహిస్తున్న రాష్ట్రస్థాయి బాక్సింగ్ పోటీల సందర్భంగా జిల్లా కిక్ బాక్సింగ్ అసోసియేషన్ వారు ఏర్పాటు చేసిన సమావేశానికి చిన్నారెడ్డి ముఖ్యఅతిథిగా విచ్చేసి జ్యోతి ప్రజ్వలన చేయడం జరిగింది. ఈ సందర్భంగా ఆయన మాట్లాడుతూ.. విద్యార్థులు చదువులతో పాటు క్రీడలు, కరాటే కిక్ బాక్సింగ్ వంటివి నేర్చుకోవాలన్నారు. ఈ కార్యక్రమంలో కాంగ్రెస్ పార్టీ నాయకులు తదితరులు పాల్గొన్నారు.

News May 1, 2024

మరికల్: సోడా గ్యాస్ సిలిండర్ పేలి ఇద్దరికి గాయాలు

image

మరికల్ మండల కేంద్రంలో బుధవారం సాయంత్రం ఫ్రూట్ జ్యూస్ సెంటర్‌లో సోడా సిలిండర్ పేలడంతో ఇద్దరికి తీవ్రమైన గాయాలయ్యాయి. స్థానికులు తెలిపిన వివరాల ప్రకారం.. జ్యూస్ సెంటర్ వద్ద ప్రమాదవశాత్తు సోడా సిలిండర్ పేలింది. దీంతో జ్యూస్ తాగేందుకు నిలిచి ఉన్న ఇద్దరు గాయపడ్డారు. క్షతగాత్రుల్లో ఒకరు కోటకొండ ప్రభుత్వ ఆసుపత్రిలో ల్యాబ్ టెక్నీషియన్‌గా పని చేస్తున్న గోపాల్ కాగా.. మరొకరి వివరాలు తెలియాల్సి ఉంది.

News May 1, 2024

ఈనెల 6న తాండూరుకు ప్రియాంక గాంధీ

image

ఈనెల 6న తాండూర్ పట్టణానికి కాంగ్రెస్ అగ్రనేత ప్రియాంక గాంధీ, సీఎం రేవంత్ రెడ్డి రానున్నట్లు తాండూర్ ఎమ్మెల్యే మనోహర్ రెడ్డి తెలిపారు. ఈ సందర్భంగా ఈనెల 6న జరగనున్న బహిరంగ సభ ఏర్పాట్లను బుధవారం పరిశీలించారు. ఎమ్మెల్యే మాట్లాడుతూ.. చేవెళ్ల పార్లమెంట్ అభ్యర్థి రంజిత్ రెడ్డికి మద్దతుగా ప్రచారం చేయనున్నట్లు చెప్పారు. ఈ కార్యక్రమంలో ఎన్నికల ఇన్‌ఛార్జ్ మహేశ్ పాల్గొన్నారు.

News May 1, 2024

ఈనెల 6న తాండూరుకు ప్రియాంకా గాంధీ

image

ఈనెల 6న తాండూర్ పట్టణానికి కాంగ్రెస్ అగ్రనేత ప్రియాంకా గాంధీ, సీఎం రేవంత్ రెడ్డి రానున్నట్లు తాండూర్ ఎమ్మెల్యే మనోహర్ రెడ్డి తెలిపారు. ఈ సందర్భంగా ఈనెల 6న జరగనున్న బహిరంగ సభ ఏర్పాట్లను బుధవారం పరిశీలించారు. ఎమ్మెల్యే మాట్లాడుతూ.. చేవెళ్ల పార్లమెంట్ అభ్యర్థి రంజిత్ రెడ్డికి మద్దతుగా ప్రచారం చేయనున్నట్లు చెప్పారు. ఈ కార్యక్రమంలో ఎన్నికల ఇన్‌ఛార్జ్ మహేశ్ పాల్గొన్నారు.

News May 1, 2024

వనస్థలిపురం: కాంగ్రెస్‌లో చేరిన బీజేపీ కార్పొరేటర్

image

రంగారెడ్డి జిల్లా ఎల్బీనగర్ నియోజకవర్గం వనస్థలిపురం బీజేపీ కార్పొరేటర్ రావుల వెంకటేశ్వర్ రెడ్డి కాంగ్రెస్‌లో చేరారు. ఈ సందర్భంగా సీఎం రేవంత్ రెడ్డి ఆయనకు పార్టీ కండువాను కప్పి పార్టీలోకి ఆహ్వానించారు. ఈ కార్యక్రమంలో ఇబ్రహీంపట్నం ఎమ్మెల్యే మల్ రెడ్డి రంగారెడ్డి, లింగోజిగూడ కార్పొరేటర్ ధర్పల్లి రాజశేఖర్ రెడ్డి, తదితరులు ఉన్నారు.

News May 1, 2024

రుణమాఫీ చేయకపోతే మళ్లీ మీ ముందుకు రాము: కోమటిరెడ్డి

image

నల్గొండ పట్టణంలో నల్గొండ అసెంబ్లీ బూత్ స్థాయి కార్యకర్తల సమావేశంలో మంత్రి కోమటిరెడ్డి వెంకటరెడ్డి బుధవారం పాల్గొన్నారు. ఈ సందర్భంగా మంత్రి మాట్లాడుతూ.. ఆగస్టు 15 వరకు రూ.2 లక్షల రుణమాఫీ చేయకపోతే భవిష్యత్తులో మీ ముందుకు రామని అన్నారు. కాంగ్రెస్ ప్రభుత్వం 30 కిలోమీటర్ల ఎస్ఎల్బీసీ టన్నెల్‌ను పూర్తి చేస్తే పదేళ్ల కేసీఆర్ పాలనలో మూడు కిలోమీటర్లు కూడా పూర్తి చేయలేకపోయారని విమర్శించారు.

News May 1, 2024

రుణమాఫీ తప్పకుండా చేస్తాం: మంత్రి తుమ్మల

image

రైతులకు రూ. 2లక్షల రుణ మాఫీని ఆగస్టు 15 లోపు ప్రభుత్వం తప్పకుండా చేస్తుందని మంత్రి తుమ్మల నాగేశ్వరరావు వెల్లడించారు. దమ్మపేట మండలంలోని అల్లిపల్లి గ్రామంలో అశ్వారావుపేట నియోజకవర్గ స్థాయి పార్లమెంటు ఎన్నికల సన్నాహక సమావేశం నిర్వహించారు. ముఖ్య అతిథులుగా మంత్రి తుమ్మల, ఎమ్మెల్యే జారే ఆదినారాయణ పాల్గొనగా మంత్రి మాట్లాడారు. అందరి సమష్టి కృషితో పనిచేసి ఎంపీ అభ్యర్థి రఘురాంరెడ్డిని గెలిపించాలని కోరారు.

News May 1, 2024

HNK: గ్రూప్1 ఉద్యోగాలంటూ.. రూ.20 కోట్లు దోచాడు!

image

తెలుగురాష్ట్రాల్లో గ్రూప్1 ఉద్యోగాలు ఇప్పిస్తానంటూ ఓ వ్యక్తి మోసం చేశాడు. బుధవారం సుబేదారి పోలీసులు హనుమకొండలో అరెస్ట్ చేశారు. సీఐ సత్యనారాయణ తెలిపిన వివరాలిలా.. ఆంధ్రప్రదేశ్‌కు చెందిన బుచ్చిబాబు అనే వ్యక్తి ప్రభుత్వ ఉద్యోగాలు ఇప్పిస్తానంటూ రూ.20 కోట్లు దండుకున్నాడు. ఆ డబ్బును రియల్ ఎస్టేట్‌లో పెట్టుబడి పెట్టి నష్షపోయాడు. ఈ క్రమంలో ఎవరికీ దొరకకుండా తిరుగుతుండగా బుధవారం పట్టుకున్నట్లు సీఐ తెలిపారు.

Featured News

Sorry, no posts matched your criteria.

↑