India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News April 29, 2024
HYD: ఓయూ చీఫ్ వార్డెన్‌కు షోకాజ్ నోటీసు
ఉస్మానియా యూనివర్సిటీలో విద్యుత్, నీటి ఎద్దడి నెలకొన్నదని పేర్కొంటూ వేసవి సెలవులను ప్రకటిస్తూ చీఫ్ వార్డెన్ డాక్టర్ కొర్రెముల శ్రీనివాస్ ఉత్తర్వులు జారీ చేశారు. ఈ ఉత్తర్వులు రాష్ట్రవ్యాప్తంగా సంచలనం సృష్టించాయి. ఇదీ ప్రభుత్వ తీరు అంటూ మాజీ CM KCR విమర్శలకు దిగారు. తాజా ఉత్తర్వులపై సమాధానం చెప్పాలంటూ చీఫ్ వార్డెన్‌కు వర్సిటీ రిజిస్ట్రార్ ప్రొఫెసర్ లక్ష్మీనారాయణ షోకాజ్ నోటీసు జారీ చేశారు.
News April 29, 2024
లింగాల: వివాహిత దారుణ హత్య !
నాగర్‌కర్నూల్ జిల్లా లింగాల మండలం అంబటిపల్లిలో దారుణం జరిగింది. గ్రామానికి చెందిన విజయ(37)ను గొంతు నులిమి హత్య చేసిన ఘటన స్థానికంగా కలకలం రేపింది. విజయను భర్తతోపాటు కుటుంబ సభ్యులు హత్య చేసినట్లు పోలీసులు భావిస్తున్నారు. పోలీసులు ఘటనా స్థలానికి చేరుకొని వివరాలు సేకరించారు. ఈ ఘటనకు సంబంధించి మరిన్ని వివరాలు తెలియాల్సి ఉంది.
News April 29, 2024
కాంగ్రెస్ విజయమే లక్ష్యంగా పనిచేయాలి: దీపాదాస్ మున్సీ
మహబూబ్ నగర్ పార్లమెంటు నియోజకవర్గంలో కాంగ్రెస్ పార్టీ గెలుపే లక్ష్యంగా ప్రతి ఒక్కరు పని చేయాలని పార్టీ తెలంగాణ వ్యవహారాల ఇన్చార్జి దీపాదాస్ మున్సీ అన్నారు. జిల్లా కేంద్రంలో సోమవారం జరిగిన పార్లమెంటరీ పార్టీ సమావేశంలో ఆమె పాల్గొని ప్రసంగించారు. పార్లమెంటు నియోజకవర్గంలో నెలకొన్న పార్టీ పరిస్థితిపై ఆమె చర్చించారు. ఈ పది రోజులు ప్రతి ఒక్కరు అప్రమత్తంగా ఉండాలని కోరారు.
News April 29, 2024
ఎన్నికల ఏర్పాట్లపై సమీక్షా సమావేశం నిర్వహించిన కలెక్టర్
పాల్వంచ సమీకృత కలెక్టరేట్ కార్యాలయంలో జిల్లాలోని ఏ.ఆర్.ఓలు, ఆర్డీవోలు, తహసిల్దారులు, ఎంపీడీవోలు, మున్సిపల్ కమిషనర్లు, పోలీస్ సిబ్బందితో ఎన్నికల ఏర్పాట్లపై జిల్లా కలెక్టర్ ప్రియాంక అల సమీక్ష సమావేశం నిర్వహించారు. ఈ సందర్భంగా జిల్లా కలెక్టర్ డాక్టర్ ప్రియాంక అలా మాట్లాడుతూ.. మే 13న జరగనున్న సార్వత్రిక ఎన్నికలకు అన్ని ఏర్పాట్లు పూర్తి చేయాలని అధికారులను ఆదేశించారు.
News April 29, 2024
ఖమ్మం అంటేనే కాంగ్రెస్ పార్టీకి కంచుకోట: భట్టి
ఈ దేశాన్ని, ప్రజాస్వామ్యాన్ని కాపాడేందుకు యువ నేత రాహుల్ గాంధీ ప్రయత్నిస్తున్నారని డిప్యూటీ సీఎం భట్టి విక్రమార్క అన్నారు. సోమవారం ఖమ్మంలో అయన మీడియాతో మాట్లాడుతూ.. దేశంలో సంపద, వనరులను జనాభా సంఖ్యకు అనుగుణంగా పంచాలనేది రాహుల్ గాంధీ లక్ష్యమన్నారు. కేసీఆర్ పదేళ్లుగా రాష్ట్రాన్ని దోచేసి సిగ్గులేకుండా ఇప్పుడు బస్సు యాత్ర చేస్తున్నారని ఎద్దేవా చేశారు. ఖమ్మం అంటేనే కాంగ్రెస్ పార్టీకి కంచుకోట అన్నారు.
News April 29, 2024
HYD: గౌలిపుర మాజీ కార్పొరేటర్ మృతి
టీఎస్ఎస్ పార్టీ గౌలిపుర డివిజన్ మాజీ కార్పొరేటర్ కె.శంకర్ (79) కన్నుమూశారు. గత కొంతకాలంగా అనారోగ్యంతో బాధపడుతూ సోమవారం ఉదయం తుదిశ్వాస విడిచారు. ఆయనకు భార్య, ముగ్గురు కుమారులు, ఒక కుమార్తె ఉన్నారు. శంకర్ మరణవార్త తెలుసుకున్న వివిధ పార్టీలకు చెందిన నాయకులు, దేవాలయాల ప్రతినిధులు పెద్దఎత్తున గౌలిపురలోని ఆయన నివాసానికి చేరుకున్నారు. శంకర్ భౌతికకాయానికి నివాళులర్పించారు.
News April 29, 2024
HYD: గౌలిపుర మాజీ కార్పొరేటర్ మృతి
టీఎస్ఎస్ పార్టీ గౌలిపుర డివిజన్ మాజీ కార్పొరేటర్ కె.శంకర్ (79) కన్నుమూశారు. గత కొంతకాలంగా అనారోగ్యంతో బాధపడుతూ సోమవారం ఉదయం తుదిశ్వాస విడిచారు. ఆయనకు భార్య, ముగ్గురు కుమారులు, ఒక కుమార్తె ఉన్నారు. శంకర్ మరణవార్త తెలుసుకున్న వివిధ పార్టీలకు చెందిన నాయకులు, దేవాలయాల ప్రతినిధులు పెద్దఎత్తున గౌలిపురలోని ఆయన నివాసానికి చేరుకున్నారు. శంకర్ భౌతికకాయానికి నివాళులర్పించారు.
News April 29, 2024
జహీరాబాద్ ఎంపీ బరిలో 19 మంది అభ్యర్థులు
జహీరాబాద్ ఎంపీ బరిలో నామినేషన్ల ఉపసంహరణ అనంతరం 19 మంది నిలిచారు. ఇక్కడ మొత్తం 44 మంది నామినేషన్ దాఖలు చేయగా.. 18 నామినేషన్లు తిరస్కరించారు. సోమవారం వరకు 7 నామినేషన్లను అభ్యర్థులు ఉపసంహరించుకున్నారు. రికగ్నైజ్డ్ జాతీయ, రాష్ట్ర పార్టీల తరఫున ముగ్గురు, రిజిస్టర్డ్ పార్టీల తరఫున ఆరుగురు, స్వతంత్ర అభ్యర్థులుగా పోటీలో ఉన్నారు. ప్రధానంగా కాంగ్రెస్, బీజేపీ, బీఆర్ఎస్ మధ్యే ఇక్కడ పోటీ నెలకొని ఉంది.
News April 29, 2024
ఫ్రీ బస్సు పేరుతో జనం మధ్య గొడవలు పెడుతున్న కాంగ్రెస్: డీకే అరుణ
మహబూబ్‌నగర్ రూరల్ మండలం వెంకటాపురం, చిన్నదర్పల్లి, నాయినోని పల్లిలో బీజేపి అభ్యర్థి డీకే అరుణ ఎన్నికల ప్రచారం నిర్వహించారు. ఈ సందర్భంగా మాట్లాడుతూ.. రేవంత్ రెడ్డి మోదీ కాలి గోటికి సరిపోడు అంటూ వ్యాఖ్యానించారు. ఫ్రీ బస్ పేరుతో ప్రభుత్వం హడావుడి చేస్తున్నా.. ఫ్రీ బస్సు పేరుతో ప్రజల మధ్య గొడవలు సృష్టిస్తోందని అన్నారు. మహిళల మధ్య గొడవలు పెట్టకుండా చిత్తశుద్ధి ఉంటే మహిళలకు స్పెషల్ బస్సులు వేయాలన్నారు.
News April 29, 2024
గజ్వేల్, సిద్దిపేటపై కాంగ్రెస్, BJP ఫోకస్..!
MP ఎన్నికల్లో విజయం సాధించాలని భావిస్తున్న కాంగ్రెస్, BJP.. హరీశ్ రావు, కేసీఆర్ ప్రాతినిధ్యం వహిస్తున్న సిద్దిపేట, గజ్వేల్ నియోజకవర్గాలపై ఫోకస్ చేసినట్టు తెలుస్తోంది. ఈ 2 నియోజకవర్గాల్లో BRSకు మంచి ఓటు బ్యాంకు ఉండటంతో దాన్ని తమ పార్టీలవైపు మలుపుకోవాలని చూస్తున్నాయి. దీంతో తమ అభ్యర్థుల గెలుపు అవకాశాలు మరింత మెరుగవుతాయని ఆయా పార్టీల నేతలు వ్యూహాలకు పదునుపెడుతున్నట్లు రాజకీయ విశ్లేషకులు అంటున్నారు.
Featured News
Sorry, no posts matched your criteria.