India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News March 28, 2024
ఉమ్మడి కరీంనగర్ జిల్లాలో నేటి టాప్ న్యూస్
@ మల్లాపూర్ పోలీస్ స్టేషన్ కు చెందిన ఇద్దరు కానిస్టేబుల్స్ సస్పెండ్. @ తాగునీటి కొరత లేకుండా చూడాలన్న జగిత్యాల కలెక్టర్. @ రాయికల్ మండలంలో గంజాయి సరఫరా చేస్తున్న ఇద్దరు వ్యక్తుల అరెస్ట్. @ వేములవాడలో వైభవంగా శివ కళ్యాణం. @ చందుర్తి మండలంలో చోరీ. @ జగిత్యాల మండలంలో హత్యకు పాల్పడిన నిందితుడి అరెస్ట్. @ గంభీరావుపేట మండలంలో చెక్ పోస్ట్ ను తనిఖీ చేసిన సిరిసిల్ల కలెక్టర్.
News March 28, 2024
MBNR: పరీక్షల టైం టేబుల్ విడుదల
మహబూబ్ నగర్ ఉమ్మడి జిల్లా పాలమూరు యూనివర్సిటీ పరిధిలో ఎంఈడి మొదటి, మూడవ సెమిస్టర్ రెగ్యులర్, మొదటి సెమిస్టర్ బ్యాక్ లాగ్ పరీక్షల టైం టేబుల్‌ను యూనివర్సిటీ అధికారులు విడుదల చేశారు. ఏప్రిల్ 15 తేదీ నుంచి పరీక్షలు ప్రారంభం అవుతాయని తెలిపారు. టైం టేబుల్ యూనివర్సిటీ వెబ్ సైట్‌లో పొందుపర్చినట్లు తెలిపారు. విద్యార్థులు గమనించాలని కోరారు.
News March 28, 2024
తాండూరు: వడ్డీ వ్యాపారి రవి రిమాండ్
డబ్బులు ఇవ్వలేదని ఆటో డ్రైవర్‌ను చిత్రహింసలు పెట్టిన వడ్డీ వ్యాపారి మ్యాదరి రవి‌పై IPC 342, 324, 323, 504, 506 సెక్షన్ల కింద కేసు నమోదు చేసి రిమాండ్‌కు తరలించినట్లు సీఐ సంతోశ్, ఎస్ఐ కాశీనాథ్ గురువారం తెలిపారు. తాండూర్ పట్టణంలోని రాజీవ్ కాలనీకి చెందిన ఆటో డ్రైవర్ బాలయ్య రూ.5 వేలకు సంబంధించి వడ్డీ చెల్లించకపోవడంతో రవి విచక్షణా రహితంగా కొట్టాడు. ఈ వీడియోలు వైరల్ అవగా పోలీసులు చర్యలు తీసుకొన్నారు.
News March 28, 2024
MBNR: భారీ చోరీ.. 40 తులాల బంగారం, రూ.10లక్షలు అపహరణ
ఇంట్లో నుంచి భారీగా బంగారు ఆభరణాలు, నగదు అపహరించుకు పోయిన సంఘటన గద్వాల టౌన్ పోలీస్ స్టేషన్ పరిధిలోని లింగ బాయి కాలనీలో చోటు చేసుకుంది. యజమాని ఇంటికి తాళం వేసి కుటుంబ సభ్యులతో కలిసి బెంగళూరు వెళ్లి వచ్చేసరికి దొంగలు చోరీకి పాల్పడ్డారు. బీరువాలో ఉన్న 40 తులాల బంగారు ఆభరణాలు సుమారు రూ.10 లక్షలు అపహరణకు గురైందని బాధిత కుటుంబ సభ్యులు పోలీసులకు తెలిపారు. పోలీసులు కేసు నమోదు చేసి దర్యాప్తు చేస్తున్నారు.
News March 28, 2024
కాంగ్రెస్ ఎంపీ అభ్యర్థి డ్రగ్స్ వ్యాపారంలో కూరుకుపోయారు: గాదరి కిషోర్
NLG: పార్లమెంట్ ఎన్నికల్లో కాంగ్రెస్, బిజెపి పార్టీలను బొంద పెడతామని తుంగతుర్తి మాజీ ఎమ్మెల్యే డాక్టర్ గాదరి కిషోర్ కుమార్ అన్నారు. ఈరోజు నల్లగొండలో ఆయన విలేకరులతో మాట్లాడుతూ కాంగ్రెస్ ఎంపీ అభ్యర్థి కుందూరు రఘువీర్ రెడ్డి డ్రగ్స్ వ్యాపారంలో కూరుకుపోయారని విమర్శించారు. అలాంటి వ్యక్తిని పార్లమెంటుకు పంపొద్దని యువతను కోరారు. ఢిల్లీలో గొంతుక వినబడాలంటే బిఆర్ఎస్ పార్టీ అభ్యర్థులను గెలిపించాలన్నారు.
News March 28, 2024
రెండో ప్రధాన పంటగా పత్తి: తుమ్మల
వచ్చే ఖరీఫ్ సీజన్ పై మంత్రి తుమ్మల నాగేశ్వర్ రావు సమీక్ష నిర్వహించారు. వర్షాకాలానికి సంబంధించి సాగు వివరాలు, విత్తన లభ్యతపై సమావేశం నిర్వహించారు. ఈ సందర్భంగా మంత్రి మాట్లాడుతూ.. రాష్ట్రంలో పత్తి రెండో ప్రధాన పంటగా ఉందన్నారు. వానాకాలంలో 60.53 లక్షల ఎకరాల్లో పత్తి సాగు కావచ్చని అంచనా వేశారు. అన్ని ప్రైవేట్ విత్తన కంపెనీలు పత్తి విత్తనాలు సరఫరా చేయాలని అధికారులను ఆదేశించారు.
News March 28, 2024
MBNR: ఎమ్మెల్సీ ఎన్నికలలో జయం పై ఎవరి ధీమా వారిదే..!
ఎమ్మెల్సీ ఎన్నికలలో హోరాహోరీగా తలపడిన కాంగ్రెస్, బీఆర్ఎస్ పార్టీ అభ్యర్థులు విజయం పై ఎవరికి వారే ధీమా వ్యక్తం చేస్తున్నారు. ఈరోజు జరిగిన ఎన్నికలు ప్రశాంతంగా ముగిసినప్పటికీ ఫలితాలపై ఉత్కంఠ నెలకొంది. స్థానిక సంస్థలలో బీఆర్ఎస్ ప్రతినిధులు అధికంగా ఉన్నందున నా విజయం ఖాయం అంటూ నవీన్ రెడ్డి ధీమా వ్యక్తం చేస్తున్నారు. కాంగ్రెస్ అభ్యర్థి మన్నె జీవన్ రెడ్డి సైతం విజయం పై ధీమాతో ఉన్నారు.
News March 28, 2024
అంతర్రాష్ట్ర సరిహద్దుల్లో అక్రమ రవాణా కట్టడి చేయాలి: సీపీ
అంతర్ రాష్ట్ర సరిహద్దు పోలీసుల సమిష్టి కృషి, సమాచార మార్పిడితో ఫ్రీ & ఫెయిర్ ఎన్నికలు నిర్వహించాలని సీపీ సునీల్ దత్, ఏలూరు ఎస్పీ మేరి ప్రశాంతి అన్నారు. పార్లమెంటు ఎన్నికల నేపథ్యంలో అంతర్రాష్ట్ర సరిహద్దు జిల్లాలో అక్రమ రవాణా, చట్ట వ్యతిరేక కార్యకాలాపాలకు కట్టడి చేసేందుకు చేపట్టిన చర్యల్లో భాగంగా వీడియో కాన్ఫరెన్స్ ద్వారా ఖమ్మం, ఏలూరు జిల్లాల పోలీస్ అధికారుల సమన్వయ సమావేశం గురువారం నిర్వహించారు.
News March 28, 2024
HYD: ఓటరు జాబితాలో మీ పేరుందా..?
ప్రతి ఒక్కరూ తమ ఓటు హక్కును తప్పనిసరిగా వినియోగించుకోవాలని జిల్లా ఎన్నికల అధికారి, GHMC కమిషనర్ రోనాల్డ్ రాస్ అన్నారు. గురువారం బల్దియా ప్రధాన కార్యాలయంలో సమావేశం నిర్వహించారు. 18 సం.లు నిండిన వారందరూ ఓటరుగా నమోదు చేసుకోవాలన్నారు. కాని వారు ఏప్రిల్ 15 వరకు నమోదు చేసుకోవచ్చని తెలిపారు. ఓటరు జాబితాలో పేరు ఉన్నదీ, లేనిదీ కూడా చెక్ చేసుకోవాలని కమిషనర్ సూచించారు. వెబ్‌సైట్: https://voters.eci.gov.in
News March 28, 2024
HYD: ఓటరు జాబితాలో మీ పేరుందా..?
ప్రతి ఒక్కరూ తమ ఓటు హక్కును తప్పనిసరిగా వినియోగించుకోవాలని జిల్లా ఎన్నికల అధికారి, GHMC కమిషనర్ రోనాల్డ్ రాస్ అన్నారు. గురువారం బల్దియా ప్రధాన కార్యాలయంలో సమావేశం నిర్వహించారు. 18 సం.లు నిండిన వారందరూ ఓటరుగా నమోదు చేసుకోవాలన్నారు. కాని వారు ఏప్రిల్ 15 వరకు నమోదు చేసుకోవచ్చని తెలిపారు. ఓటరు జాబితాలో పేరు ఉన్నదీ, లేనిదీ కూడా చెక్ చేసుకోవాలని కమిషనర్ సూచించారు. వెబ్‌సైట్: https://voters.eci.gov.in
Featured News
Sorry, no posts matched your criteria.