India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News July 18, 2024
మెదక్ కలెక్టర్‌ను కలిసిన నూతన ఎస్పీ
మెదక్ జిల్లాకు నూతనంగా బాధ్యతలు చేపట్టిన జిల్లా ఎస్పీ ఉదయ్ కుమార్ రెడ్డి గురువారం జిల్లా కలెక్టర్ రాహుల్ రాజ్‌ను మర్యాద పూర్వకంగా కలిశారు. ఈ సందర్భంగా జిల్లా ఎస్పీ మాట్లాడుతూ.. మెదక్ జిల్లా శాంతిభద్రతలకు పరిరక్షించడంలో కింది స్థాయి అధికారులను సమన్వయం చేస్తూ ప్రజలకు సత్వర న్యాయం జరిగేలా పగడ్బందీగా చర్యలు చేపడతామని చెప్పారు.
News July 18, 2024
మేడిగడ్డ బ్యారేజీకి 53,400 క్యూసెక్కుల ఇన్ ఫ్లో
ఎడతెరిపి లేకుండా కురుస్తున్న వర్షాల వల్ల మేడిగడ్డ బ్యారేజీకి వరద పెరుగుతోంది. ప్రస్తుతం బ్యారేజికి 53,400 క్యూసెక్కుల ఇన్ ఫ్లో వస్తుండగా.. గేట్లు ఎత్తి దిగువకు అంతే నీటిని బయటకు పంపిస్తున్నారు.
News July 18, 2024
ఉమ్మడి KNRలో అత్యంత భారీ వర్షాలు
ఉమ్మడి కరీంనగర్ జిల్లాలో రాగల రెండు రోజుల్లో భారీ వర్షాలు కురుస్తాయని వాతావరణ శాఖ వెల్లడించింది. కరీంనగర్, జగిత్యాల, పెద్దపల్లి, రాజన్న సిరిసిల్ల జిల్లాల్లో అతి నుంచి అత్యంత భారీ వర్షాలు కురిసే అవకాశం ఉందని పేర్కొంది. ఈ మేరకు జిల్లాలకు వాతావరణ శాఖ రెడ్ అలర్ట్ జారీ చేసింది. ఇప్పటికే పలు చోట్ల వానలు పడుతున్న సంగతి తెలిసిందే.
News July 18, 2024
KNR: బ్యాంకర్లు నిబంధనలు పాటించాలి: కలెక్టర్
రైతు రుణమాఫీ అంశంలో బ్యాంకర్లు ప్రభుత్వ నిబంధనలు కచ్చితంగా పాటించాలని కలెక్టర్ పమేలా సత్పతి ఆదేశించారు. గురువారం కరీంనగర్ కలెక్టర్ కాన్ఫరెన్స్ హాల్లో రైతు రుణమాఫీ అంశంపై బ్యాంకర్లతో సమన్వయ సమావేశం నిర్వహించారు. జిల్లాలో 35,686 రైతు కుటుంబాలకు సంబంధించిన 37,745 బ్యాంకు ఖాతాల్లో ప్రభుత్వం 194.64 కోట్లు జమ చేయనుందన్నారు. రేషన్ కార్డును కేవలం రైతు కుటుంబాల గుర్తింపు కోసమే ప్రభుత్వం తీసుకుంటుందన్నారు.
News July 18, 2024
HYD: ఈ నెల 20న గోపాన్‌పల్లి ఫ్లై ఓవర్ ప్రారంభం
గచ్చిబౌలి డివిజన్ పరిధి గోపన్‌పల్లి ఫ్లై ఓవర్ నిర్మాణ పనులను ఎమ్మెల్యే అరికెపూడి గాంధీ అధికారులతో కలిసి గురువారం పరిశీలించారు. ఈ నెల 20న వంతెనను సీఎం రేవంత్ రెడ్డి ప్రారంభించనున్నట్లు వెల్లడించారు. పనులు తుదిదశకు చేరుకున్నాయని MLA చెప్పారు. ప్రారంభోత్సవ ఏర్పాట్లు చేయాలని అధికారులను ఆయన ఆదేశించారు.
News July 18, 2024
ADB: కాంగ్రెస్ పార్టీ నుంచి 8 మంది సస్పెండ్
కాంగ్రెస్ పార్టీ నుంచి ఎనిమిది మంది నాయకులను సస్పెండ్ చేశారు. పార్టీవ్యతిరేక కార్యకలాపాలకు పాల్పడినందుకు వారిపై ఆరేళ్లపాటు సస్పెన్షన్ విధిస్తూ కాంగ్రెస్ పార్టీ ఆదిలాబాద్ పట్టణ అధ్యక్షుడు గుడిపల్లి నగేష్ గురువారం ఉత్తర్వులు జారీ చేశారు. సస్పెన్షన్ కు గురైన వారిలో నలుగురు కాంగ్రెస్ పార్టీ మున్సిపల్ కౌన్సిలర్లు ఉన్నారు.
News July 18, 2024
బాలుడి మృతి.. జవహర్‌నగర్ కౌన్సిల్ అత్యవసర సమావేశం
జవహర్‌నగర్ మున్సిపల్ కార్పొరేషన్‌ మేయర్ శాంతి కోటేశ్ గౌడ్ అధ్యక్షతన ఈరోజు జరిగిన అత్యవసర కౌన్సిల్ సమావేశంలో మేడ్చల్ ఎమ్మెల్యే చామకూర మల్లారెడ్డి పాల్గొన్నారు. 18 నెలల బాలుడు విహాన్ కుక్కల దాడిలో మరణించిన నేపథ్యంలో జవహర్‌నగర్‌లో ఇలాంటి ఘటనలు పునరావృతం కాకుండా తగిన చర్యలు చేపట్టాల్సిందిగా అధికారులను ఎమ్మెల్యే ఆదేశించారు. కుక్కల బెడదను తగ్గించేందుకు చర్యలు తీసుకోవాలన్నారు. పలు సూచనలు చేశారు.
News July 18, 2024
బాలుడి మృతి.. జవహర్‌నగర్ కౌన్సిల్ అత్యవసర సమావేశం
జవహర్‌నగర్ మున్సిపల్ కార్పొరేషన్‌ మేయర్ శాంతి కోటేశ్ గౌడ్ అధ్యక్షతన ఈరోజు జరిగిన అత్యవసర కౌన్సిల్ సమావేశంలో మేడ్చల్ ఎమ్మెల్యే చామకూర మల్లారెడ్డి పాల్గొన్నారు. 18 నెలల బాలుడు విహాన్ కుక్కల దాడిలో మరణించిన నేపథ్యంలో జవహర్‌నగర్‌లో ఇలాంటి ఘటనలు పునరావృతం కాకుండా తగిన చర్యలు చేపట్టాల్సిందిగా అధికారులను ఎమ్మెల్యే ఆదేశించారు. కుక్కల బెడదను తగ్గించేందుకు చర్యలు తీసుకోవాలన్నారు. పలు సూచనలు చేశారు.
News July 18, 2024
NZB: కలెక్టర్‌కు జాతీయ మానవ హక్కుల కమిషన్ నోటీసులు
నిజామాబాద్ జిల్లా ఆర్మూర్ మండలం చేపూర్ గ్రామంలో 2022 ఆగస్టులో బాలికపై జరిగిన అత్యాచార ఘటనలో జాతీయ మానవ హక్కుల కమిషన్ తాజాగా జిల్లా కలెక్టర్‌కు నోటీసులు జారీ చేసింది. ఘటనలో బాధితురాలికి పరిహారం చెల్లింపులో కాలయాపన జరుగుతోందని వరంగల్‌కు చెందిన పౌర హక్కుల సంఘం ప్రతినిధి బక్క జడ్సన్ కమిషన్‌కు ఫిర్యాదు చేశారు. దీనిపై నివేదిక కోరుతూ కమిషన్ జిల్లా కలెక్టర్‌కు సమన్లు జారీ చేసిందని జడ్సన్ తెలిపారు.
News July 18, 2024
మంత్రుల పర్యటన సందర్భంగా పటిష్ట బందోబస్తు: పోలీస్ కమీషనర్
ఓదెల, కాల్వ శ్రీరాంపూర్ మండల పరిధిలోని కొలనూర్, పెద్దరాత్ పల్లి, కాల్వ శ్రీరాంపూర్ ప్రాంతాల్లో మంత్రులు శ్రీధర్ బాబు, తుమ్మల నాగేశ్వరరావు, పొంగులేటి సహా పలువురు పర్యటనకు పటిష్ట బందోబస్తు ఏర్పాటు చేస్తున్నట్టు రామగుండం పోలీస్ కమీషనర్ ఎం.శ్రీనివాస్ ఐపీఎస్ తెలిపారు. పెద్దపల్లి కలెక్టర్ శ్రీహర్షతో కలిసి హెలిపాడ్, ప్రాథమిక ఆరోగ్య కేంద్రం పరిశీలించారు. ఎలాంటి అవాంచనీయ సంఘటనలు జరగకుండా చూడాలన్నారు.
Featured News
Sorry, no posts matched your criteria.