India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News July 17, 2024
నిజమాబాద్‌లో దారుణ హత్య
నిజామాబాద్‌లో ఓ యువకుడు దారుణ హత్యకు గురయ్యాడు. ఈ ఘటన బుధవారం తెల్లవారుజామున వెలుగు చూసింది. వినాయక నగర్లోని ఓ టీ హోటల్ ముందు యువకుడు రక్తపు మడుగులో చనిపోయి ఉండటాన్ని హోటల్ యజమాని గుర్తించి పోలీసులకు సమాచారం అందించాడు. 4వ టౌన్ పోలీసులు, నగర సీఐ నరహరి అక్కడికి చేరుకొని వివరాలు సేకరించారు. అతడిని మంగళవారం రాత్రి హత్య చేసి ఉంటారని అనుమానిస్తున్నారు. మరిన్ని వివరాలు తెలియాల్సి ఉంది.
News July 17, 2024
కరీంనగర్: ఎస్సారెస్పీకి కొనసాగుతున్న వరద
శ్రీరాంసాగర్ ప్రాజెక్టులోకి మంగళవారం వరద నీరు చేరుతుండడంతో ప్రాజెక్టు నీటి మట్టం క్రమంగా పెరుగుతోంది. ఎగువ ప్రాంతాల్లో కురిసిన వర్షాలతో పాటు, బాబ్లీ గేట్లు ఎత్తివేయడంతో ఎస్సారెస్పీకి 5,150 క్యూసెక్కుల ఇన్‌ఫ్లో వచ్చి చేరుతోంది. ప్రాజెక్టు నీటి నిల్వ 90.323 సామర్థ్యానికి ప్రస్తుతం 13.485 టీఎంసీల నీరు నిల్వ ఉంది. గతేడాది ఇదే సమయానికి ప్రాజెక్టులో 22.053 TMCల నీరు ఉంది.
News July 17, 2024
జిల్లాలో వర్షపాత వివరాలు
నల్గొండ జిల్లాలో 6.0 మిల్లీమీటర్ల వర్షపాతం నమోదైంది. సోమవారం ఉదయం నుంచి మంగళవారం ఉదయం వరకు కురిసిన వర్షపాతం వివరాలు ఇలా ఉన్నాయి. అత్యధికంగా నేరడుగొమ్ములో 32.0 మి.మీ, అత్యల్పంగా హాలియాలో 0.1 మి.మీ వర్షపాతం నమోదయింది. చందంపేట 28.1, దామరచర్ల 23.8, త్రిపురారం 16.8, నార్కట్పల్లి 12.2, గుండ్లపల్లి 11.8, దేవరకొండ 11.5,కొండమల్లేపల్లి 8.3, కట్టంగూర్ 7.0, నల్గొండ 5.3, తిప్పర్తిలో 4.9 మీమీ వర్షం కురిసింది.
News July 17, 2024
ఆర్థిక భారంగా కుటుంబ నియంత్రణ శస్త్ర చికిత్సలు !
ఉమ్మడి పాలమూరు జిల్లాలో గతంలో ప్రాథమిక ఆరోగ్య కేంద్రాల పరిధిలో నెలకు ఒకసారి కుటుంబ నియంత్రణ శస్త్ర చికిత్స శిబిరాలు ఏర్పాటు చేసేవారు. 2022 నుంచి ఈ శిబిరాలు నిర్వహించడం లేదు. జిల్లా కేంద్రాల్లో పీపీ మాత్రం యూనిట్లలో అరకొరగా నిర్వహిస్తున్నారు. దీంతో అవసరమైన వారు ప్రైవేటు ఆసుపత్రులను ఆశ్రయిస్తున్నారు. ఇందుకు రూ.వేలల్లో ఫీజులు వసూలు చేస్తున్నారు. ఇది పేద, మధ్యతరగతి వర్గాలకు భారంగా మారింది.
News July 17, 2024
ఉమ్మడి వరంగల్ జిల్లాలో వర్షపాత వివరాలు
ఉమ్మడి WGL జిల్లాలో వర్షపాతం వివరాలిలా ఉన్నాయి. BHPLలో సాధారణ వర్షపాతం 311.7mm ఉండగా.. 307.7mm నమోదైంది. HNKలో సాధారణ వర్షపాతం 273.9mm ఉండగా.. 305.5mm రికార్డైంది. జనగామలో 232.4mm ఉండగా.. 258mm నమోదైంది. WGLలో 285.3mm సాధారణ వర్షపాతం నమోదు కావాల్సి ఉండగా.. 299mm నమోదైంది. ములుగులో 360.5mm వర్షపాతం నమోదు కావాల్సిఉండగా.. 397.5mm కురిసింది. MHBDలో సాధారణ వర్షపాతం 257mm ఉండగా.. 289.6mm నమోదైంది.
News July 17, 2024
MBNR: శ్రీధర్ రెడ్డి హత్య.. దర్యాప్తుకు ప్రత్యేక బృందాలు
చిన్నంబావి మండలం లక్ష్మిపల్లిలో 2 నెలల క్రితం జరిగిన శ్రీధర్ రెడ్డి హత్య కేసులో నిందితులను పట్టుకోవడానికి ప్రత్యేక బృందాన్ని ఏర్పాటు చేయాలని డీజీపీని సీఎం రేవంత్ కోరారు. నిన్న HYDలో కలెక్టర్లు, ఎస్పీలతో జరిగిన సమావేశంలో పోలీసులకు సూచించారు. శ్రీధర్ రెడ్డి కేసు దర్యాప్తు ఎందుకు ఆలస్యమవుతోందని జిల్లా అధికారులను మంత్రి జూపల్లి ప్రశ్నించారు. దీంతో ఈ కేసు దర్యాప్తును వేగవంతం చేయాలని సీఎం ఆదేశించారు.
News July 17, 2024
ఖమ్మం: యువకుడిపై పోక్సో కేసు నమోదు
ఇన్‌స్టాలో పరిచయమైన బాలికకు మాయమాటలు చెప్పి లైంగిక దాడికి పాల్పడిన యువకుడిపై పోక్సో కేసు నమోదయింది. పోలీసుల వివరాలు..ఖానాపురానికి చెందిన 9వతరగతి బాలిక ఖమ్మంకు చెందిన ఓ యువకుడికి ఇన్‌స్టాలో పరిచయమైంది. దీంతో యువకుడు బాలికకు మాయమాటలు చెప్పి లాడ్జికి తీసుకెళ్లి లైంగిక దాడి చేశాడు. ఇంటికి వెళ్లిన తరువాత గుర్తించిన తల్లిదండ్రులు పోలీసులకు ఫిర్యాదు చేశారు. దీంతో కేసు నమోదు చేసినట్లు ఎస్సై భాను తెలిపారు.
News July 17, 2024
పుల్కల్: డెడ్‌స్టోరేజీ దిశగా నల్లవాగు ప్రాజెక్టు
సంగారెడ్డి జిల్లా రైతుల ఆశలు ఆవిరవుతున్నాయి. వర్షాలు లేక జిల్లాలో పంటల సాగు విస్తీర్ణం తగ్గుముఖం పట్టగా వర్షాలు లేక పంటలు ఎండిపోయే పరిస్థితులున్నాయి. జిల్లాలోని ప్రాజెక్టుల్లో నీటి మట్టాలు ఆందోళనకర స్థాయిలో పడిపోతుండటం రైతులను కలవరపెడుతుంది. నల్లవాగు ప్రాజెక్టు డెడ్‌ స్టోరేజీకి చేరింది. సింగూరు పూర్తి నీటినిల్వ సామర్థ్యం 29.917 TMCలు కాగా ప్రస్తుతం ప్రాజెక్టుల్లో 13.565 TMCలుగా ఉన్నాయి.
News July 17, 2024
దంపతుల మధ్య గొడవ.. భార్య ఆత్మహత్య
గృహిణి ఆత్మహత్య చేసుకున్న ఘటన రంగారెడ్డి జిల్లా ఆదిభట్ల పోలీస్ స్టేషన్ పరిధిలో జరిగింది. SI రాజు వివరాల ప్రకారం.. నల్గొండ జిల్లా తునికినూతల గ్రామానికి చెందిన వడ్త్యా శ్రీని, పద్మజల దంపతులకు ఇద్దరు కూతుర్లు, ఓ కుమారుడు. నగరానికి కొన్నేళ్లక్రితం వచ్చి నాదర్‌గుల్‌లో నివాసం ఉంటున్నారు. సోమవారం శ్రీని, పద్మజ మధ్య డబ్బుల విషయమై గొడవ జరిగింది. దీంతో పద్మజ ఇంట్లో ఫ్యాన్‌కు ఉరివేసుకొని ఆత్మహత్య చేసుకుంది.
News July 17, 2024
ఓడీఎఫ్ సమస్యల పరిష్కారానికి కృషి చేస్తా: ఎంపీ రఘునందన్
ఎద్దుమైలారంలోని ఓడీఎఫ్(ఆర్డినెన్స్ ఫ్యాక్టరీ) సమస్యల పరిష్కారానికి తన వంతు కృషి చేస్తానని మెదక్ ఎంపీ రఘునందన్ రావు అన్నారు. మంగళవారం ఆయన ఆర్డినెన్స్ ఫ్యాక్టరీని సందర్శించారు. అక్కడి ఇన్ఫెక్షన్ బంగ్లాలో సీజీఎం శివశంకర ప్రసాద్, జీఎం లతోపాటు ఇతర ప్రతినిధులతో ఎంపీ సమీక్ష నిర్వహించారు. ఓడీఎఫ్ సమస్యలను కేంద్ర రక్షణ శాఖ మంత్రి రాజ్ నాథ్ సింగ్‌కు వివరిస్తానని రఘునందన్ అన్నారు.
Featured News
Sorry, no posts matched your criteria.