India's largestHyperlocal short
news App
Get daily news updates that are tailored for you based on your preferred language & location.
download Way2News app now
Telangana
News September 1, 2025
ADB: వినాయక నిమజ్జనం ఏర్పాట్లపై సమీక్ష
వినాయక నిమజ్జనం ఏర్పాట్లపై సోమవారం ఆదిలాబాద్ కలెక్టరేట్ సమావేశ మందిరంలో జిల్లా కలెక్టర్ రాజర్షిషా, ఎస్పీ అఖిల్ మహాజన్ సమీక్ష నిర్వహించారు. సంబంధిత శాఖలన్నీ సమగ్ర సమన్వయంతో ఏర్పాట్లు పకడ్బందీగా చేయాలని అధికారులు ఆదేశించారు. ఉత్సవాల నిర్వహణకు జిల్లా యంత్రాంగం తరఫున పూర్తిస్థాయిలో సహాయ సహకారాలు అందిస్తామన్నారు. రోడ్ల మరమ్మతులు, శోభాయాత్రకు అడ్డంకిగా ఉండే చెట్ల కొమ్మలను తొలగించనున్నట్లు చెప్పారు.
News September 1, 2025
HYD: భార్యాభర్తలు ఒకరికొకరు పొడుచుకోవడం.. నాటకమా? నిజమా?
KPHB కాలనీలో రామకృష్ణారెడ్డి, రమ్యకృష్ణ <<17560313>>దంపతులు<<>> ఒకరికొకరు పొడుచుకొని చనిపోవాలని తీసుకున్న నిర్ణయం నిజమా, లేక నాటకమా అనే విషయంపై పోలీసులు ఆరా తీస్తున్నారు. ఇద్దరూ చనిపోవాలనుకుంటే భార్య మాత్రమే ఎలా బతికి ఉంది? అదీ 24 గంటలపాటు భర్త భౌతికకాయం వద్ద ఏం చేసిందనే కోణంలో పోలీసులు విచారణ చేస్తున్నారు. చికిత్స పొందుతున్న రమ్యకృష్ణ నోరువిప్పితే అసలు నిజాలు వెలుగులోకి వస్తాయి.
News September 1, 2025
HYD: ఆగస్టులో 31 కేసులు నమోదు చేసిన తెలంగాణ ఏసీబీ
ఆగస్టులో 31 కేసులు నమోదు చేశామని TG ACB ప్రకటించింది. 15ట్రాప్ కేసులు, 2 DA కేసులు, 3 మిస్‌ కండక్ట్ కేసులు నమోదయ్యాయి. 20మంది ఉద్యోగులు లంచం తీసుకుంటుండగా రెడ్ హ్యాండెడ్‌గా పట్టుకున్నారు. రూ.2.82లక్షల లంచం సొమ్ము స్వాధీనం చేసుకున్నారు. DA కేసులో రూ.5.13కోట్లు, అనుమానాస్పద ఆస్తులు గుర్తించారు. 2025 జనవరి-ఆగస్టు వరకు 179కేసులు నమోదు కాగా 167మంది ఉద్యోగులు లంచం కేసుల్లో పట్టుబడ్డారని ACB తెలిపింది.
News September 1, 2025
మహిళా అభ్యున్నతికి కృషి చేయండి: అదనపు కలెక్టర్
మహిళల అభ్యున్నతికి ప్రణాళికాబద్ధంగా చర్యలు తీసుకోవాలని స్థానిక సంస్థల అదనపు కలెక్టర్ శ్రీజ అధికారులను ఆదేశించారు. సోమవారం ఆమె ఇందిరా మహిళా శక్తిపై సమీక్ష నిర్వహించారు. తెలంగాణ ఓపెన్ స్కూల్ సొసైటీ, కొత్త స్వశక్తి సంఘాల ఏర్పాటు, బ్యాంకు లింకేజీ రుణాలు, ఏకరూప దుస్తుల కుట్టు పనులు, ఎర్రుపాలెం, కల్లూరులో సోలార్ ప్యానెల్స్, పెట్రోల్ బంక్ ఏర్పాటు వంటి అంశాలపై మండలాల వారీగా సమీక్షించారు.
News September 1, 2025
నల్గొండ: ప్రజావాణిలో 99 ఫిర్యాదులు
ప్రజావాణిలో వచ్చిన ఫిర్యాదులను త్వరగా పరిష్కరించాలని జిల్లా కలెక్టర్ ఇలా త్రిపాఠి అధికారులను ఆదేశించారు. సోమవారం కలెక్టరేట్ కార్యాలయంలోని సమావేశ మందిరంలో ఆమె ప్రజల నుంచి ఫిర్యాదులు స్వీకరించారు. మొత్తం 99 ఫిర్యాదులు అందాయని, వాటిలో 30 జిల్లా అధికారులకు, 69 రెవెన్యూ శాఖకు వచ్చాయని తెలిపారు. ఫిర్యాదులు స్వీకరించిన అనంతరం జిల్లా అధికారులతో సమీక్షా సమావేశం నిర్వహించారు.
News September 1, 2025
NZB: ‘KCRపై కాంగ్రెస్ ప్రభుత్వం కుట్రపూరితంగా వ్యవహారిస్తోంది’
తెలంగాణ ప్రజల కల్పతరువుగా నిర్మించిన కాళేశ్వరం నీటి ప్రాజెక్టును నీరుగార్చడానికి కాంగ్రెస్ ప్రభుత్వం కుట్రపూరితంగా వ్యవహారిస్తోందని NZB జిల్లా BRS లీగల్ సెల్ కన్వీనర్ దాదాన్నగారి మధుసుధన్ రావు ఆరోపించారు. సోమవారం ఆయన మాట్లాడుతూ KCRపై CBI విచారణ కుట్రపూరితమని పేర్కొన్నారు. KCRపై కాంగ్రెస్, భారతీయ జనతా పార్టీల ఉమ్మడి కుట్ర శాసన సభ సాక్షిగా ప్రజల ముంగిటకి వచ్చిందని అన్నారు.
News September 1, 2025
ప్రజావాణి దరఖాస్తులను పరిష్కరించాలి: అదనపు కలెక్టర్లు
ప్రజావాణి కార్యక్రమంలో వచ్చిన దరఖాస్తులను సత్వరమే పరిష్కరించాలని అదనపు కలెక్టర్లు శ్రీజ, శ్రీనివాస రెడ్డి అధికారులకు సూచించారు. సోమవారం జరిగిన ప్రజావాణి కార్యక్రమంలో ప్రజల నుండి అర్జీలను స్వీకరించారు. విద్యార్థిని సీటు, రహదారి సమస్యలు, ఇందిరమ్మ ఇళ్లు, వెలుగుమట్ల చెరువు ఆక్రమణ వంటి సమస్యలపై వెంటనే చర్యలు తీసుకోవాలని ఆదేశించారు.
News September 1, 2025
మెదక్: నిమజ్జనం ప్రశాంతంగా జరుపుకోవాలి: ఎస్పీ
మెదక్ జిల్లాలో వినాయక చవితి సందర్భంగా గణపతి విగ్రహాల నిమజ్జనం జరగనున్న నేపథ్యంలో పోలీసులు ముందస్తు ఏర్పాట్లు చేయాలని ఎస్పీ శ్రీనివాస రావు పేర్కొన్నారు. ఈ సందర్భంగా టెలికాన్ఫరెన్స్ ద్వారా జిల్లా అంతటా ఉన్న అన్ని పోలీస్ అధికారులు, సీఐలు, ఎస్ఐలకు స్పష్టమైన మార్గదర్శకాలు జారీ చేశారు. నిమజ్జన కార్యక్రమం శాంతియుతంగా, ఎటువంటి అవాంఛనీయ సంఘటనలు జరగకుండా చూసుకోవాలని అన్నారు.
News September 1, 2025
NZB: అశోక్‌సాగర్ కెనాల్‌లో మృతదేహం కలకలం
NZB శివారులోని అశోక్‌సాగర్ కెనాల్‌లో గుర్తుతెలియని వ్యక్తి మృతదేహం లభ్యమైనట్టు 6వ టౌన్ SI వెంకట్రావు తెలిపారు. స్థానికుల సమాచారం మేరకు ఘటన స్థలానికి చేరుకుని మృతదేహాన్ని వెలికి తీశారు. పోస్టుమార్టం నిమిత్తం ప్రభుత్వాసుపత్రికి తరలించారు. మృతుడు 35-40 సంవత్సరాల వరకు ఉండవచ్చని అంచనా వేశారు. క్రీం కలర్ డబ్బాల షర్టు, నలుపు రంగు ప్యాంటు ధరించి ఉన్నాడని, క్లాసిక్ టైలర్ నవీపేట అని ఉందని సూచించారు.
News September 1, 2025
NLG: వీధి కుక్కలపై ప్రచారం.. కలెక్టర్ టెలీకాన్ఫరెన్స్
వీధి కుక్కల బెడదను నివారించేందుకు మున్సిపల్, గ్రామీణ ప్రాంతాలలో విస్తృతంగా ప్రచారం కల్పించాలని కలెక్టర్ ఇలా త్రిపాఠి అధికారులను ఆదేశించారు. ఈ మేరకు ఆమె సంబంధిత అధికారులు, మండల ప్రత్యేక అధికారులు, ఆర్‌డీఓలతో టెలికాన్ఫరెన్స్ నిర్వహించారు. విద్యార్థులకు కరపత్రాల ద్వారా అవగాహన కల్పించాలని ఆమె సూచించారు. తద్వారా ఈ సమాచారం వారి కుటుంబాలకు చేరుతుందని ఆమె పేర్కొన్నారు.
Featured News
Sorry, no posts matched your criteria.