India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News November 22, 2024
సీఎంకు నివేదిక సమర్పించిన త్రి సభ్య కమిటీ సభ్యులు
లగచర్ల స్థల సేకరణపై జరిగిన ఘటన గురించి ప్రభుత్వం ఏర్పాటు చేసిన త్రి సభ్య కమిటీ సభ్యులు లగచర్ల గ్రామ రైతులతో ముఖాముఖి సమావేశం నిర్వహించి వారి డిమాండ్లను ముఖ్యమంత్రి రేవంత్ రెడ్డికి నివేదిక అందించారు. దీనిపై స్పందించిన సిఎం రైతులకు న్యాయం చేస్తానని హామీ ఇచ్చారు. నాగర్ కర్నూల్ MP మల్లు రవి, అగ్రికల్చర్ కమిషన్ ఛైర్మన్ కోదండ రెడ్డి, VKB DCC అధ్యక్షుడు, MLA టి.రామ్మోహన్ రెడ్డి పాల్గొన్నారు.
News November 22, 2024
HYD: RRB పరీక్షలకు 42 ప్రత్యేక రైళ్లు
ఈ నెల 25 నుంచి జరగనున్న రైల్వే రిక్రూట్‌మెంట్ బోర్డు పరీక్షలకు హాజరయ్యే అభ్యర్థుల సౌకర్యార్థం వేర్వేరు ప్రాంతాల నుంచి 42 ప్రత్యేక రైళ్లను నడుపుతున్నట్టు దక్షిణ మధ్య రైల్వే అధికారులు తెలిపారు. ఈ నెల 24 నుంచి 29 వరకు గుంటూరు-సికింద్రాబాద్, ఈ నెల 24, 25, 26, 28న సికింద్రాబాద్-గుంటూరు, కరీంనగర్- కాచిగూడ, కాచిగూడ- కరీంనగర్ ప్రత్యేక రైళ్లను ఏర్పాటు చేశారు.
News November 22, 2024
హైదరాబాద్: డ్రైనేజీ, మంచినీటి సమస్యలేమిటో తెలపండి!
జలమండలి ఎండి అశోక్ రెడ్డితో Way2News త్వరలో ఇంటర్వ్యూ తీసుకోనుంది. ఈ నేపథ్యంలో గ్రేటర్ HYD పరిధిలోని ప్రజలు మీ ప్రాంతాల్లో డ్రైనేజీ, మంచినీటి సంబంధిత సమస్యలు ఉంటే కామెంట్ రూపంలో తెలియజేయండి. మీ సమస్యలను అధికారుల దృష్టికి తీసుకెళ్లే ప్రయత్నం చేస్తాం. తాజాగా తీసుకున్న నిర్ణయాలను సైతం ఎండీ వివరించనున్నారు.
News November 22, 2024
HYD: ముగిసిన రాష్ట్రపతి పర్యటన
HYD మాదాపూర్‌లోని శిల్పారామం వేదికగా జరిగిన లోక్ మంథన్ కార్యక్రమంలో రాష్ట్రపతి ద్రౌపదీ ముర్ము ఈరోజు పాల్గొన్న విషయం తెలిసిందే. కాగా రాష్ట్రపతి హైదరాబాద్‌లో రెండు రోజుల పర్యటన ముగిసింది. రెండు రోజుల హైదరాబాద్ పర్యటన ముగించుకుని ఢిల్లీకి రాష్ట్రపతి ద్రౌపదీ ముర్ము బయలుదేరారు. బేగంపేట విమానాశ్రయంలో మంత్రి సీతక్క, కేంద్ర మంత్రి కిషన్ రెడ్డి ఆమెకు వీడ్కోలు పలికారు.
News November 22, 2024
షాద్‌నగర్‌లో గుడిపై దాడి.. బీజేపీ ఫైర్
రంగారెడ్డి జిల్లా షాద్‌నగర్ సమీపంలోని వివేకానంద కాలనీలో బసవన్న దేవాలయంలో దుండగులు శివలింగాన్ని ధ్వంసం చేయడంపై బీజేపీ రాష్ట్ర కార్యవర్గ సభ్యుడు పాలమూరు విష్ణువర్ధన్ రెడ్డి ఆగ్రహం వ్యక్తం చేశారు. ఈ సందర్భంగా ఆయన ఘటనా స్థలాన్ని పరిశీలించారు. అనంతరం ఆయన మాట్లాడుతూ.. తెలంగాణలో అనేక దేవాలయాల్లో విగ్రహాలను ధ్వంసం చేయడం దారుణమన్నారు. ఇలాంటి ఘటనలు పునరావృతం కాకుండా ప్రభుత్వం చర్యలు తీసుకోవాలన్నారు.
News November 22, 2024
HYD: హైకోర్టులో మరో పిటిషన్ వేసిన మాజీ ఎమ్మెల్యే
మాజీ ఎమ్మెల్యే పట్నం నరేందర్ రెడ్డి హైకోర్టులో మరో పిటిషన్ వేశారు. లగచర్ల ఘటనలో మూడు కేసులు నమోదు చేసి మూడు FIRలు చేశారంటూ పిటిషన్ వేశారు. ఒకే ఘటనలో మూడు FIRలు ఎలా చేస్తారంటూ ప్రభుత్వ లాయర్‌ను హైకోర్టు న్యాయమూర్తి ప్రశ్నించారు. దీనిపై పోలీసుల వద్ద నుంచి వివరాలు సేకరించి కోర్టుకు సమర్పించాలని ప్రభుత్వ లాయర్‌ను హైకోర్టు న్యాయమూర్తి ఆదేశించారు. తదుపరి విచారణను సోమవారానికి వాయిదా వేశారు.
News November 22, 2024
HYD: ఎంఈ, ఎంటెక్ కోర్సుల పరీక్షా ఫీజు స్వీకరణ
HYD OU పరిధిలోని ఎంఈ, ఎంటెక్ కోర్సుల పరీక్షా ఫీజును స్వీకరిస్తున్నట్లు ఓయూ ఎగ్జామినేషన్ కంట్రోలర్ ప్రొఫెసర్ కే.శశికాంత్‌ ఓ ప్రకటనలో తెలిపారు. ఈ కోర్సుల రెండో సెమిస్టర్ మెయిన్, మొదటి, మూడో సెమిస్టర్ మేకప్ పరీక్షా ఫీజును సంబంధిత కళాశాలల్లో ఈ నెల 25వ తేదీ లోపు చెల్లించాలని అన్నారు. అపరాధ రుసుము రూ.500తో 28వ తేదీ వరకు చెల్లించవచ్చన్నారు. పరీక్షలను వచ్చే నెలలో నిర్వహించనున్నట్లు తెలిపారు.
News November 22, 2024
నేడు శిల్పారామానికి రాష్ట్రపతి
నేడు హైదరాబాద్‌లోని శిల్పారామంలో లోక్ మంథన్ కార్యక్రమాన్ని రాష్ట్రపతి ద్రౌపది ముర్ము ప్రారంభించనున్నారు. ఈ సందర్భంగా వివిధ దేశాల ప్రతినిధులతో మేధోమథన సమావేశం నిర్వహించనున్నారు. ఈ కార్యక్రమంలో గవర్నర్ జిష్ణుదేవ్ వర్మతో పాటు సీఎం రేవంత్ రెడ్డి, కేంద్ర మంత్రి కిషన్ రెడ్డి పాల్గొననున్నారు. రాష్ట్రపతి పర్యటన నేపథ్యంలో పోలీసులు భారీ బందోబస్తును ఏర్పాటు చేశారు.
News November 22, 2024
HYD: Earned Leaves ఇవ్వాలని డిమాండ్
పార్లమెంట్ ఎన్నికల్లో విధులు నిర్వహించిన ఉపాధ్యాయులకు సంపాదిత సెలవులు మంజూరు చేయాలని TS UTF నాయకులు విజ్ఞప్తి చేస్తున్నారు. జనగణనలో పాల్గొంటున్న ఉపాధ్యాయులకు రోజువారి లక్ష్యాలు కేటాయించి ఒత్తిడి తీసుకురావద్దని గురువారం కడ్తాల్ MEO సత్యనారాయణను వినతి పత్రంలో కోరారు. TS UTF నాయకులు గోపాల్ నాయక్, జంగయ్య, శంకర్, మల్లయ్య, విజయ్ కుమార్, నరసింహమూర్తి పాల్గొన్నారు. ఎర్న్డ్ లీవ్స్‌ డిమాండ్‌పై మీ కామెంట్?
News November 21, 2024
హైదరాబాద్ వస్తున్న MLC కారుకు ప్రమాదం
MLC నవీన్ కుమార్ రెడ్డి కారుకు షాద్‌నగర్‌లో ప్రమాదం జరిగింది. స్థానికుల వివరాలు.. బెంగళూరు హైవే మీదుగా హైదరాబాద్ వైపు వెళుతున్న కాన్వాయ్‌కు షాద్‌నగర్ మిలీనియం టౌన్షిప్ సమీపంలో స్కూటీ అడ్డు రావడంతో ఈ ప్రమాదం జరిగింది. ప్రమాదంలో మోటరిస్ట్‌కు గాయాలయ్యాయి. గాయపడిన వ్యక్తిని తన వాహనంలో MLC నవీన్ ఆస్పత్రికి తరలించారు. ఆయన సురక్షితంగా బయటపడ్డట్లు తెలుస్తోంది.
Featured News
Sorry, no posts matched your criteria.