India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News December 30, 2024
HMDA పరిధిలో 3,532 చెరువులు
HMDA పరిధిలో మొత్తం 3,532 చెరువులు ఉండగా.. 3,498 చెరువుల సర్వే పూర్తయింది. ఇంకా 34 చెరువుల సర్వే జరగాల్సి ఉంది. ప్రాథమిక నోటిఫికేషన్ మాత్రం 2,836 చెరువులకు మాత్రమే వెలువరించినట్లు అధికారులు తెలిపారు. ఫైనల్ నోటిఫికేషన్ వేసిన చెరువుల సంఖ్య 464 ఉన్నట్లుగా పేర్కొన్నారు. కొన్ని దశాబ్దాల నాటి రికార్డులను పరిశీలిస్తున్నారు.
News December 29, 2024
HYD: ఇందిరమ్మ ఇళ్ల సర్వే.. మీ ఇంటికి వచ్చారా..?
HYD, ఉమ్మడి రంగారెడ్డి జిల్లా వ్యాప్తంగా ఇందిరమ్మ ఇళ్ల సర్వే శరవేగంగా కొనసాగుతుంది. ఈ నెల 31లోగా పరిశీలన చేసి, వివరాలను యాప్‌లో నమోదు చేయాలని ఇప్పటికే అధికారులను మంత్రి పొంగులేటి ఆదేశించారు. ఏ గ్రామంలో సర్వే చేస్తారో ముందు రోజే చాటింపు చేయాలని, ఏ ఒక్క దరఖాస్తును వదిలిపెట్టొద్దు అంటూ ఆయా జిల్లాల కలెక్టర్లు తెలిపారు. అధికారులు సర్వే కోసం మీ ఇంటికి వచ్చారా..? కామెంట్ చేయండి.
News December 29, 2024
HYD: పచ్చదనమే మన సంతోషం, ఆరోగ్యం..!
పచ్చదనమే మనకు సంతోషం, ఆరోగ్యాన్ని అందిస్తుందని IFS అధికారి మోహన్ అన్నారు. HYDలో బిజీ బిజీగా గడిపే ప్రజలు, వారానికి ఒకసారైనా పచ్చని వాతావరణంలో సేద తీరితే, మనసు నిశ్చలంగా ఉండటమే కాక, శారీరక, మానసిక ఆరోగ్యానికి మంచి మార్గమన్నారు. పట్టణాలకు, పల్లెలకు తేడా మనం గమనిస్తూనే ఉంటామని, అందుకే అందరూ మొక్కలు నాటడానికి ముందుకు రావాలన్నారు. మరి మీ ప్రాంతంలో ప్రకృతి అందాలు ఉన్నాయా? కామెంట్ చేయండి.
News December 29, 2024
HYD: ఆగాల్సిందే.. 15 నిమిషాల ముందే ప్రకటన..!
సికింద్రాబాద్ రైల్వే స్టేషన్ వద్దకు చేరుకునే రైళ్లు ఏ ఫ్లాట్ ఫాం వైపు వస్తాయనేది కేవలం 15 నుంచి 20 నిమిషాల ముందు మాత్రమే ప్రకటిస్తున్నారు. అప్పటి దాకా ప్రయాణికులు ఆగాల్సిందే. ఎటు వస్తుందో..? తెలియక ప్రయాణికులు ఎంట్రన్స్ బోర్డు వద్దకు వచ్చి గంటల తరబడి వేచి చూస్తున్నారు. ఒక్కోసారి చివరి క్షణంలో ఫ్లాట్ ఫాం నంబర్ మారుతోంది. పునరాభివృద్ధి పనులు జోరుగా సాగుతున్న వేళ, ప్రయాణికులకు ఇబ్బందులు తప్పడం లేదు.
News December 29, 2024
మీరు బుక్ ఫెయిర్‌కు వెళ్లలేదా.. నేడే ఆఖరు!
చినిగిన చొక్కా తొడుక్కో.. ఒక మంచి పుస్తకం కొనుక్కో అన్నారు కందుకూరి వీరేశలింగం. ఒక మంచి పుస్తకం కొనకుంటే, నీ జీవితమంతా అజ్ఞానమే అన్నారు మరికొందరు మేధావులు. అందుకేనేమో హైదరాబాద్‌లో ఏర్పాటుచేసిన బుక్ ఫెయిర్ – 2024 నిరంతరం పుస్తక ప్రియులతో నిండుగా కనిపిస్తోంది. ఈ నెల 19న ప్రారంభమైన బుక్ ఫెయిర్ నేటితో ముగియనుంది. మరి మీరు బుక్ ఫెయిర్‌కు వెళ్లారా..? అక్కడ ఏ పుస్తకం కొన్నారో కామెంట్ ప్లీజ్..!
News December 29, 2024
జూబ్లీహిల్స్‌లో 4 పబ్‌లకు అనుమతి లేదు!
న్యూ ఇయర్ వేడుకలకు హైదరాబాద్ నగరం ముస్తాబవుతోంది. జూబ్లీహిల్స్‌లో మొత్తం 36 పబ్ లు ఉండగా.. ఇందులో నాలుగింటికి పోలీసులు అనుమతులు నిరాకరించారు. హార్డ్ కప్, అమ్నేషియా, బ్రాడ్ వే, బేబీలాన్ పబ్‌లకు పోలీసులు అనుమతి ఇవ్వలేదు. గతంలో ఆయా పబ్‌లలో జరిగిన గొడవలు, పోలీసు కేసుల కారణంగా వాటిపై ఆంక్షలు విధిస్తూ అనుమతి ఇవ్వడం లేదని పోలీసులు స్పష్టం చేశారు. అర్ధరాత్రి ఒంటి గంటలోగా వేడుకలు ముగించాలని పేర్కొన్నారు.
News December 29, 2024
హైదరాబాద్‌లో కనిష్ఠ ఉష్ణోగ్రతలు!
గడచిన 24 గంటల్లో హైదరాబాద్ నగరంలో కనిష్ఠ ఉష్ణోగ్రతలు ఇలా ఉన్నాయి. మోండామార్కెట్ 18.2℃, వెస్ట్ మారేడ్పల్లి, షేక్‌పేట, రియాసత్‌నగర్ 18.4, కంచన్‌బాగ్, చంద్రయాన్ గుట్ట 18.7, జూబ్లీహిల్స్, గోల్కొండ 18.8, ఓయూ 18.9, షేక్‌పేట, అడిక్‌మెట్, మెట్టుగూడ, బంజారాహిల్స్ 18.9, బౌద్ధ నగర్, తిరుమలగిరి, బండ్లగూడ 19, లంగర్‌హౌస్, కందికల్ గేట్, బోరబండ 19.2, ముషీరాబాద్, హిమాయత్‌నగర్, చిలకలగూడలో 19.3℃గా నమోదైంది.
News December 29, 2024
బేగంపేట ఎయిర్‌పోర్టులో మన్మోహన్ సింగ్.. గుర్తుచేసుకుంటున్న ప్రజలు!
మాజీ ప్రధాని మన్మోహన్ సింగ్ ఇక లేరని తెలిసిన HYD ప్రజలు ఆయన జ్ఞాపకాలను గుర్తు చేసుకుంటున్నారు. బేగంపేట విమానాశ్రయానికి 2011 ఫిబ్రవరి 6న నగర పర్యటనకు వచ్చిన ఫొటోలను సోషల్ మీడియా వేదికగా ట్వీట్లు చేస్తూ, మహోన్నతమైన వ్యక్తిని కోల్పోవడం బాధగా ఉందని తమ సంతాపం వ్యక్తం చేస్తున్నారు. ఆయన ఆత్మకు శాంతి చేకూరడానికి తమ వంతు కృషి చేస్తామని పలువురు ట్వీట్లు చేశారు.
News December 29, 2024
త్వరలో FM ఛానెల్: ‘హైడ్రా’ కమిషనర్ రంగనాథ్
తాము ఇప్పటివరకు 8 చెరువులు, 12 పార్కులతో సహా 200 ఎకరాల ప్రభుత్వ భూమిని కాపాడామని ‘హైడ్రా’ కమిషనర్ రంగనాథ్ తెలిపారు. “సాంకేతిక పరిజ్ఞానంతో చెరువులకు సరిహద్దులు, బఫర్ జోన్లు నిర్ణయిస్తున్నాం. హైడ్రా తరఫున త్వరలోనే FM ఛానెల్ పెట్టేందుకు ప్లాన్ చేస్తున్నాం. దాని ద్వారా ప్రజలకు ఎప్పటికప్పుడు వాతావరణ సమాచారం తెలిపేందుకు వీలుంటుంది” అని రంగనాథ్ తెలిపారు. హైడ్రాకు 5,800 ఫిర్యాదులు అందాయన్నారు.
News December 29, 2024
నిఘా నీడలో హైదరాబాద్!
మహా నగరంలో ఎలాంటి అవాంఛనీయ ఘటనలు జరగకుండా పోలీసులు పకడ్బందీ ఏర్పాట్లు చేస్తున్నారు. ముఖ్యంగా పబ్‌లు, బార్‌లు, రెస్టారెంట్స్‌పై ప్రత్యేక నిఘా పెట్టారు. ఈ నేపథ్యంలో బంజారాహిల్స్, ఉప్పల్‌, రాజేంద్రనగర్‌, గచ్చిబౌలి, రాయదుర్గం, నార్సింగి, ఫిల్మ్‌నగర్‌, సరూర్‌నగర్‌ పబ్‌లలో పోలీసులు సోదాలు నిర్వహించారు. వేడుకల పేరుతో డ్రగ్స్‌ వినియోగించకుండా చర్యలు తీసుకోవాలని యజమానులను ఆదేశించారు.
Featured News
Sorry, no posts matched your criteria.