India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News May 7, 2024
HYD: అనుమానంతో భార్య దారుణ హత్య
అనుమానంతో భార్యను దారుణంగా హత్య చేసిన ఘటన HYD శివారు గచ్చిబౌలి సమీపంలోని మోకిలా PS పరిధిలో జరిగింది. పోలీసులు తెలిపిన వివరాలు.. మీర్జాగూడ పరిధి ఇంద్రారెడ్డి నగర్‌లో వడ్డే మాణిక్యం, యాదమ్మ(45) దంపతులు కూలి పని చేసుకుంటూ జీవించేవారు. కొన్ని రోజులుగా యాదమ్మను అనుమానిస్తూ మాణిక్యం వేధిస్తుండేవాడు. ఈ క్రమంలో యాదమ్మ రాత్రి ఇంటి బయట నిద్రించగా ఆమె తలపై బండరాయితో మోది మాణిక్యం చంపేశాడు.
News May 7, 2024
HYD: సీఎం రేవంత్ రెడ్డి రాజీనామాకు VHP, బజరంగ్‌దళ్ డిమాండ్
పార్లమెంట్ ఎన్నికల ప్రచారంలో అయోధ్య అక్షింతలపై అవమానకరంగా మాట్లాడిన సీఎం రేవంత్ రెడ్డి వెంటనే రాజీనామా చేయాలని తెలంగాణ విశ్వ హిందూ పరిషత్, బజరంగదళ్ డిమాండ్ చేశాయి. ఈ మేరకు HYDలో ఓ ప్రకటన విడుదల చేశాయి. హిందూ దేవుళ్లను కించపరిచేలా సీఎం మాట్లాడడం సరికాదని పేర్కొన్నాయి. సీఎం వ్యాఖ్యలను నిరసిస్తూ ఈనెల 8న HYD, ఉమ్మడి RRతో పాటు అన్ని జిల్లాల్లో సీఎం దిష్టిబొమ్మ దహనం చేయాలని శ్రేణులకు పిలుపునిచ్చాయి.
News May 7, 2024
HYD: రైల్వే స్టేషన్ బోర్డుపై ఎప్పుడైనా ఇది చూశారా?
ఆకుపచ్చ రంగు బాక్సులో ఉన్న MSL మార్కింగ్ రైల్వే స్టేషన్ బోర్డు పై ఎప్పుడో ఒకప్పుడు చూసే ఉంటారు. HYD చర్లపల్లి స్టేషన్ బోర్డు పై MSL+525.05M అని రాసి ఉంది. దీని అర్థం ఏంటంటే చర్లపల్లి రైల్వే స్టేషన్ సముద్ర మట్టానికి 525.05 మీటర్ల పైన ఉన్నట్లు అని రైల్వే సివిల్ ఇంజినీరింగ్ అధికారులు తెలిపారు. MSL అనగా మీన్-సి-లెవెల్(సగటు సముద్రమట్టం) అని పేర్కొన్నారు.
News May 6, 2024
HYD: అరుదైన సర్జరీ.. బాలిక‌కు ప్రాణం పోశారు!
గాంధీ ఆసుపత్రి వైద్యులు అరుదైన సర్జరీని సక్సెస్గా చేసి, పేషంట్ ప్రాణాలు కాపాడారు. నాందేడ్ (MR)కుచెందిన సంధ్య (11) అనే బాలిక బ్లడ్‌ప్రెషర్, తలనొప్పి, మైకం, చెమట, వాంతులు తదితర ఆరోగ్య సమస్యలతో గాంధీలో అడ్మిట్ అయింది. స్కానింగ్ తదితర వైద్య పరీక్షలు నిర్వహించిన పీడియాట్రిక్ సర్జరీ వైద్యులు బాలిక కిడ్నీలపైన రెండు కణితిలు ఉన్నట్లు గుర్తించారు. లాపరోస్కోపిక్‌తో తొలగించి ఆమె ప్రాణాలు కాపాడారు.
News May 6, 2024
హైదరాబాద్‌లో విషాదం.. పోతరాజు దినేశ్ మృతి
బోనాల పండుగకు 2 నెలల ముంగిట HYDలో విషాదం నెలకొంది. లష్కర్‌లోనే ఫేమస్ పోతరాజు చనిపోయారు. అనారోగ్యంతో బాధపడుతున్న దినేశ్ ఆదివారం రాత్రి కన్నుమూసినట్లు తెలిసింది. సికింద్రాబాద్‌ కుమ్మరిగూడ‌‌‌లో ఉండే ఈ పోతరాజు 15 ఏళ్ల నుంచి ఉజ్జయిని టెంపుల్‌ వద్ద గంభీరమైన ఆకారంతో భక్తులకు కనిపించేవారు. ఎన్నో ఏళ్లు‌గా వేషం వేస్తున్నారు. సినిమాలు, సీరియల్స్‌లోనూ నటించారు. దినేశ్ మరణం పట్ల పలువురు సంతాపం తెలిపారు.
News May 6, 2024
HYD: వివాహేతర సంబంధం.. భర్త హత్య
కడ్తాల్ సమీపంలోని మక్తమాదారం బటర్‌ఫ్లై వెంచర్‌లో గుర్తుతెలియని వ్యక్తి హత్యకేసును పోలీసులు ఛేదించారు. పోలీసుల వివరాల ప్రకారం.. యాదగిరికి గతేడాది రవీందర్‌తో పరిచయం ఏర్పడింది. ఈ క్రమంలోనే రవీందర్ భార్య గీత, యాదగిరి మధ్య వివాహేతర సంబంధం ఏర్పడింది. రవీందర్‌ను అంతమొందించాలని భార్య, ప్రియుడు భావించారు. అతడిని కిడ్నాప్ చేసి చిత్రహింసలకు గురిచేసి, పెట్రోల్ పోసి నిప్పటించారు. విచారణలో పోలీసులకు చిక్కారు.
News May 6, 2024
HYD: అర్బన్ హీట్ ఐలాండ్ ప్రాంతాలు ఇవే..!
HYD నగరంలో రోజురోజుకు పట్టణీకరణ పెరుగుతోంది. అర్బన్ ల్యాబ్స్ రీసెర్చ్ మార్చ్-2024 ప్రకారంగా అర్బన్ హీట్ ఐలాండ్ జోన్ల వివరాలను అధికారులు తెలిపారు. పటాన్‌చెరు, గచ్చిబౌలి, మైలార్‌దేవ్‌పల్లి, బీఎన్ రెడ్డి నగర్, హయత్‌నగర్, మన్సూరాబాద్ ప్రాంతాలు హీట్ జోన్లుగా పేర్కొన్నారు. మరోవైపు రోజు రోజుకు GHMC పరిధిలో ఉష్ణోగ్రతలు పెరుగుతున్నాయని, జాగ్రత్తగా ఉండాలని అధికారులు సూచించారు.
News May 6, 2024
HYD: మోసాలకు పాల్పడ్డ ఆరుగురు నిందితుల అరెస్ట్
పెట్టుబడులకు భారీ లాభాలు అంటూ మోసాలకు పాల్పడ్డ ఆరుగురు నిందితులను హైదరాబాద్ సీసీఎస్ సైబర్ క్రైమ్ పోలీసులు అరెస్ట్ చేశారు. ఈ నిందితులపై దేశ వ్యాప్తంగా 600 కేసులు ఉన్నాయని పోలీసులు గుర్తించారు. రాష్ట్రంలో నమోదైన 77 కేసుల మిస్టరీ వీడిందని తెలిపారు. నిందితుల బ్యాంకు ఖాతాల్లో ఉన్న 3.12 కోట్లు జప్తు చేశామని, దేశ వ్యాప్తంగా రూ.10 కోట్లకు పైగా కొల్లగొట్టారని దర్యాప్తులో వెల్లడైందని పోలీసులు తెలిపారు.
News May 6, 2024
HYD: ‘కాసులుంటేనే సరోజినీ క్యూలైన్‌లో ముందుకు’
HYD మెహిదీపట్నంలోని సరోజినీదేవీ కంటి ఆసుపత్రికి రాష్ట్ర నలుమూలల నుంచి రోగులు వస్తుంటారు. దీంతో భారీ క్యూ లైన్ ఏర్పడుతుంది. దీన్ని అదునుగా చేసుకొని సెక్యూరిటీ చేతివాటం చూపిస్తున్నారనే ఆరోపణలు వస్తున్నాయి. క్యూ లైన్‌లో చివరలో ఉన్నా.. డబ్బులు ఇస్తే అందరికంటే ముందే స్టాంపు వేయించుకుని వైద్యం పొందవచ్చని రోగులు తెలిపారు. ఆసుపత్రిలో ఉచిత వైద్యమని బోర్డులు పెట్టి, ఇలా చేతివాటం చూపిస్తున్నారని వాపోయారు.
News May 6, 2024
HYDలో బీర్ల కొరత..!
కొద్ది రోజులుగా HYDలో బీర్ల కొరత ఏర్పడింది. చాలినన్ని బీర్లు దొరక్క మద్యం ప్రియులు తీవ్ర ఆగ్రహం వ్యక్తం చేస్తున్నారు. హార్డ్, లైట్ బీర్లు, టిన్‌లు ఇలా వివిధ రకమైనవి అందుబాటులో లేవని వైన్ షాపుల నిర్వాహకులు చెబుతున్నారు. ఎండ వేడికి తట్టుకోలేకపోతున్నామని మద్యం ప్రియులు అంటున్నారు. అధికారులు స్పందించి బీర్ల కొరతను అరికట్టాలని కోరుతున్నారు. పలు షాపుల వద్ద నో బీర్లు అంటూ బోర్డులు దర్శనమిస్తున్నాయి.
Featured News
Sorry, no posts matched your criteria.