News April 11, 2025

HYD: జిమ్ ట్రైనర్ హత్య.. నిందితుల రిమాండ్

బోడుప్పల్‌లో జిమ్ ట్రైనర్‌ మర్డర్‌ కారణాన్ని పోలీసులు వెల్లడించారు. ఇందిరానగర్‌కు చెందిన చంటి భార్యతో జిమ్ ట్రెయినర్ సాయికిషోర్‌ చనువుగా ఉంటున్నాడనే అనుమానంతో ఆమెను ప్రశ్నించాడు. దీంతో పుట్టింటికి వెళ్లింది. కక్షగట్టిన చంటి మర్డర్‌కు ప్లాన్ చేసి స్నేహితులు ధ్రువకుమార్‌సింగ్, శ్రీకాంత్, సాయికిరణ్‌‌తో కలిసి జిమ్‌లోనే అతడిపై డంబెల్‌తో దాడిచేయగా మృతిచెందాడు. రాత్రి నిందితులను రిమాండ్ చేశారు.

News April 11, 2025

గర్భిణీల ఆరోగ్యంపై ప్రత్యేక శ్రద్ధ వహించాలి: కలెక్టర్

జిల్లాలో మాతృ మరణాలు జరగకుండా గర్భిణీల ఆరోగ్యంపై ప్రత్యేక శ్రద్ధ వహించి వారికి తగుసూచనలు, సలహాలు, వైద్యసాయం అందించాలని HYD కలెక్టర్ అనుదీప్ దురిశెట్టి వైద్య ఆరోగ్యశాఖ వైద్యులు, సిబ్బందికి ఆదేశించారు. కలెక్టరేట్ సమావేశ మందిరంలో కలెక్టర్ మాట్లాడుతూ.. గర్భిణీలకు సేవలు మెరుగుపరచాలని, వారి ఆరోగ్యంపై ANMలో ఆశా వర్కర్లు, ఫాలోఅప్ చేయాలన్నారు.

News April 10, 2025

HYDలో ఒక్కసారిగా మారిన వాతావరణం

నగరంలో వాతావరణం ఒక్కసారిగా మారిపోయింది. హైటెక్ సిటీ, కొండాపూర్, మాదాపూర్, జూబ్లీహిల్స్, సికింద్రాబాద్, ఉప్పల్, ముషీరాబాద్, ఎల్బీనగర్ తదితర ప్రాంతాల్లో బలమైన ఈదురుగాలులు వీస్తున్నాయి. నగరశివారుల్లోనూ ఇదే పరిస్థితి ఉంది. షాద్‌నగర్‌‌లో అయితే భారీ వర్షం కురిసింది. వర్ష సూచన నేపథ్యంలో అప్రమత్తంగా ఉండాలని అధికారులు సూచిస్తున్నారు. మీ ఏరియాలో వాతావరణం ఎలా ఉంది. కామెంట్ చేయండి
PIC CRD: @prudhvikoppaka

News April 10, 2025

FLASH..శంషాబాద్‌లో ఫ్లైట్ దిగగానే మాజీ MLA అరెస్ట్

బోధన్ మాజీ MLA షకీల్‌ను శంషాబాద్‌లో పోలీసులు అదుపులోకి తీసుకున్నారు. కొన్ని నెలలుగా దుబాయ్‌లో ఉంటున్న మాజీ ఎమ్మెల్యే.. తల్లి అంత్యక్రియల కోసం HYDకు వచ్చారు. ఎయిర్‌పోర్టులో దిగగానే పోలీసులు అదుపులోకి తీసుకున్నారు. ఆయనపై పోలీసు శాఖ గతంలో లుకౌట్ నోటీసులు జారీ చేసింది. బేగంపేట్ ప్రగతి భవన్ వద్ద యాక్సిడెంట్‌లో సాక్షాలు తారుమారు చేసి కుమారుడిని రక్షించేందుకు యత్నించినట్లు ఆయన మీద అభియోగాలు ఉన్నాయి.

News April 10, 2025

HYD: నా భార్యను ఎన్కౌంటర్ చేయండి: చెన్నయ్య

అమీన్‌పూర్‌లో ముగ్గురు పిల్లలను తల్లి రజిత చంపిన ఘటన రాష్ట్రవ్యాప్తంగా చర్చనీయాంశమైంది. అయితే ఈ ఘటనపై రజిత భర్త చెన్నయ్య సంచలన వ్యాఖ్యలు చేశారు. రజిత నమ్మించి తన గొంతు కోసిందన్నారు. పిల్లలను వదిలేసి ప్రియుడితో వెళ్లిపోయినా తాను పిల్లల్ని బంగారంలా చూసుకునేవాడినని తెలిపారు. పిల్లల్ని చంపినందుకు కనీసం ఆమెకు పశ్చాత్తాపం లేదని.. రజిత, ప్రియుడు శివను ఎన్కౌంటర్ చేయాలన్నారు.

News April 10, 2025

కోఠిలో ఉచితంగా రూ.12 లక్షల ఆపరేషన్..!

పలు కారణాలతో చిన్నపిల్లలకు పుట్టుకతోనే వినికిడి సమస్య ఉంటున్నట్లు కోఠి ENT ఆసుపత్రి డాక్టర్ వీణ తెలిపారు. కాక్లియర్ ఇంప్లాంటేషన్ ద్వారా పిల్లలు వినికిడి లోపాన్ని అధిగమించే అవకాశం ఉందని, రూ.12 లక్షలు ఖర్చు చేసే దీనిని ఉచితంగా అందిస్తున్నట్లు వెల్లడించారు. ఏటా కోఠి ఆసుపత్రిలో 60 నుంచి 70 సర్జరీలు జరుగుతున్నట్లు పేర్కొన్నారు.
# SHARE IT

News April 10, 2025

HYD: నేడే పోలీస్ స్కూల్ ప్రారంభం.. 87 అడ్మిషన్లు.!

HYD శివారులో RR జిల్లా మంచిరేవుల ప్రాంతంలో నేడు యంగ్ ఇండియా పోలీస్ స్కూల్ ప్రారంభం కానుంది. ఇప్పటికే 200లో 87 మంది విద్యార్థుల అడ్మిషన్లు జరిగినట్లు సీపీ ఆనంద్ తెలిపారు. యూనిఫాం, హౌస్ డ్రెస్సులు, తరగతి గదులు, ఆట స్థలాలు మొదలైన పనులన్ని పూర్తి చేసినట్లు పేర్కొన్నారు. నేడు సీఎం రేవంత్ రెడ్డి చేతుల మీదుగా ఇది ప్రారంభం కానుంది.

News April 10, 2025

HYD: 11 మంది ఇన్‌స్పెక్టర్ల బదిలీ

సైబరాబాద్ కమిషనరేట్‌లో 11 మంది ఇన్‌స్పెక్టర్‌లను బదిలీ చేస్తూ కమిషనర్ అవినాష్ మహంతి ఉత్తర్వులు జారీ చేశారు. ఆమనగల్ CIగా జానకిరామ్ రెడ్డి, పేట్‌బషీరాబాద్ డీఐ సుంకరి విజయ్‌ని చందానగర్‌కు, ఆమనగల్ సీఐ ప్రమోద్ కుమార్‌ను RGIAకు, శామీర్‌పేట్ డీఐ గంగాధర్‌ను కడ్తాల్ PSకు, కడ్తాల్‌లో పనిచేస్తున్న శివప్రసాద్‌ను సైబర్ క్రైమ్ ఇన్‌స్పెక్టర్‌గా బదిలీ చేస్తూ ఉత్తర్వులు జారీ చేశారు.

News April 10, 2025

HYD: అమ్మాయిల వైపు చూస్తే అంతే!

HYDలోని ఉప్పల్, రామంతపూర్, నాచారం, నాగోల్, ఎల్బీనగర్ తదితర ప్రాంతాల్లో బస్టాపులు, రద్దీ ఉన్న ప్రాంతాల్లో మఫ్టీలో షీ టీం ప్రతి చర్యను గమనిస్తోంది. గుంపులో ఎవరూ చూడడం లేదని అమ్మాయిలతో వెకిలి చేష్టలు, చెడుగా ప్రవర్తిస్తే అంతు చూస్తామని షీ టీం హెచ్చరించింది. పరాయి వ్యక్తుల ప్రవర్తనలో తేడా కనిపిస్తే వెంటనే నిర్భయంగా యువతులు, మహిళలు 100, 8712662111 ద్వారా ఫిర్యాదు చేయాలన్నారు.

News April 10, 2025

HYD: చికెన్, మటన్ షాపులు బంద్

గ్రేటర్‌ హైదరాబాద్ వాసులకు ముఖ్య గమనిక. మాంసం దుకాణాలు నేడు బంద్ చేయాలని GHMC ఉత్వర్వులు జారీ చేసింది. కబేళాలు, రిటైల్ బీఫ్ దుకాణాలు మూసి ఉంటాయని ప్రకటించింది. మహావీర్ జయంతి సందర్భంగా ఈ నిర్ణయం తీసుకున్నట్లు ఉత్తర్వులు జారీ అయ్యాయి. GHMC లిమిట్స్‌లోని అన్ని మాంసం దుకాణాలకు ఈ ఉత్తర్వులు వర్తిస్తాయి.

SHARE IT