India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News June 26, 2024
HYD: నాలుగేళ్ల చిన్నారిపై లైంగిక దాడికి యత్నం
HYD ఎల్బీనగర్ పీఎస్ పరిధిలో దారుణం జరిగింది. నాలుగేళ్ల చిన్నారిపై శ్రీకాంత్ అలియాస్ క్రాంతి(30) లైంగిక దాడికి యత్నించాడు. చిన్నారి బాత్ రూంలో ఉండగా ఈ దారుణానికి ఒడిగట్టాడు. ఈ విషయం తెలుసుకున్న కుటుంబ సభ్యులు పోలీసులకు ఫిర్యాదు చేయగా పోక్సో కింద కేసు నమోదు చేశారు. నిందితుడు జీహెచ్ఎంసీలో వర్కర్‌గా పని చేస్తున్నట్లు సమాచారం. ఈ ఘటన ఆలస్యంగా వెలుగులోకి వచ్చింది.
News June 26, 2024
HYD: గాంధీలో దీక్ష.. బర్రెలక్క మద్దతు
నిరుద్యోగుల డిమాండ్ల సాధన కోసం గాంధీ ప్రభుత్వ ఆస్పత్రిలో మూడు రోజులుగా ఆమరణ నిరాహార దీక్ష చేస్తున్న నిరుద్యోగ జేఏసీ ఛైర్మన్ మోతిలాల్ నాయక్‌కు బర్రెలక్క(శిరీష) బుధవారం సంఘీభావం ప్రకటించారు. ఆస్పత్రికి వచ్చి మద్దతు తెలిపారు. నిరుద్యోగుల సమస్యల పరిష్కారానికి కాంగ్రెస్ ప్రభుత్వం కృషి చేయాలని బర్రెలక్క కోరారు. ఆమె వెంట నిరుద్యోగ జేఏసీ నాయకులు ఉన్నారు.
News June 26, 2024
HYD: అది చిరుత పులి కాదు.. అడవి పిల్లి!
HYD శివారు శంషాబాద్ ఘాంసిమియగూడలో ఆపరేషన్ చిరుత సుఖాంతమైంది. అది చిరుత పులి కాదని గుర్తించిన ఫారెస్ట్ అధికారులు ట్రాప్ కెమెరా దృశ్యాలను విడుదల చేశారు. అడవి పిల్లి కదలికలు రికార్డ్ అయినట్లు వెల్లడించారు. ప్రజలు భయభ్రాంతులకు గురికావద్దని డీఎఫ్ఓ విజయానందరావు సూచించారు. SHARE IT
News June 26, 2024
HYDలో పెరిగిన బస్పాస్ కౌంటర్లు.. ఆదివారం సెలవు!
నగరంలో నూతనంగా 2 బస్పాస్ కౌంటర్లు అందుబాటులోకి తీసుకొచ్చినట్లు గ్రేటర్ హైదరాబాద్ ఆర్టీసీ ED వెంకటేశ్వర్లు తెలిపారు. JNTU, లక్డీకాపూల్ బస్‌స్టాప్‌లో ఈ కౌంటర్లు ఉన్నాయి. 6:30AM నుంచి 8:15PM వరకు పనిచేస్తాయి. కొత్తగా గ్రీన్ మెట్రో లగ్జరీ మంత్లీ బస్పాస్ ఇస్తున్నారు. రేతిఫైల్, CBS, కాచిగూడ తదితర చోట్ల ఇప్పటికే కౌంటర్లు సేవలు అందిస్తున్నాయి. ఆదివారం సెలవు ఉంటుంది.
SHARE IT
News June 26, 2024
HYD: మరదలిని ప్రేమించాడని హత్య
హైదరాబాద్‌లో మరో దారుణం వెలుగుచూసింది. బేగంపేట పాటిగడ్డలో ఓ యువకుడిని కత్తులతో నరికి చంపేశారు. తన మరదలిని ప్రేమిస్తున్నాడన్న కోపం‌తో ఇజాజ్‌ ముగ్గురు స్నేహితులు ఫిరోజ్, సాహిల్, రెహన్‌‌లతో కలిసి ఉస్మాన్‌ గొంతు కోశారు. ముఖంపై కత్తితో దాడి చేసినట్లు తెలుస్తోంది. ఘటనా స్థలానికి చేరుకున్న పోలీసులు, క్లూస్‌ టీమ్ ఆధారాలు సేకరించారు. మర్డర్ చేసిన నిందితులు పోలీస్ స్టేషన్‌లో లొంగిపోయారు.
News June 26, 2024
HYD: స్వర్ణగిరి ఆలయానికి JBS నుంచి బస్సులు
హైదరాబాద్ నుంచి స్వర్ణగిరి దేవాలయానికి వెళ్లే భక్తులు, ప్రయాణికులకు గుడ్‌న్యూస్. JBS నుంచి స్వర్ణగిరి దేవాలయానికి నేటి నుంచి డీలక్స్ బస్సులను ఏర్పాటు చేసినట్లు కంటోన్మెంట్ డిపో మేనేజర్ ఎల్. రామ్మోహన్ తెలిపారు. భక్తుల సౌకర్యార్థం రెండు బస్సులను ఏర్పాటు చేసినట్లు తెలిపారు. సద్వినియోగం చేసుకోవాలని సూచించారు.
SHARE IT
News June 26, 2024
హైదరాబాద్: రాంగ్రూట్లో వెళితే చిక్కినట్లే!
హైదరాబాద్‌లో రోడ్డు ప్రమాదాల నివారణ కోసం పోలీసులు ప్రత్యేక చర్యలు చేపట్టారు. రాంగ్రూట్లో వెళితే ఇక ఉపేక్షించేది లేదని హెచ్చరిస్తున్నారు. నిబంధనలు అతిక్రమిస్తే జైలు శిక్ష తప్పదు. సైబరాబాద్ కమిషనరేట్ పరిధిలో ANPR(ఆటో మేటిక్ నంబర్ ప్లేట్ రికగ్నిషన్) కెమెరాలు ఏర్పాటు చేస్తున్నారు. అడ్డదారిలో వెళ్లిన వారి వాహనాలను గుర్తించి చలానాలు విధిస్తారు. IPC 336 సెక్షన్ కింద కేసు నమోదు చేయనున్నారు. SHARE IT
News June 26, 2024
KCRను కలిసిన బీఆర్ఎస్ నాయకులు
మేడ్చల్ జిల్లా బోడుప్పల్ మున్సిపల్ కార్పొరేషన్‌కు చెందిన పలువురు బీఆర్ఎస్ నాయకులు మంగళవారం బీఆర్ఎస్ అధినేత, మాజీ ముఖ్యమంత్రి KCR ను ఎర్రవల్లిలోని ఆయన నివాసంలో మర్యాదపూర్వకంగా కలిశారు. ఈ సందర్భంగా వారు కార్పొరేషన్ పరిధిలో చేపడుతున్న కార్యక్రమాలు, పార్టీ బలోపేతం తదితర విషయాలను కేసీఆర్ దృష్టికి తీసుకువెళ్లారు. ఈ కార్యక్రమంలో బీఆర్ఎస్ పార్టీ సీనియర్ నాయకులు కొత్త రవి గౌడ్ తదితరులు ఉన్నారు.
News June 25, 2024
హైదరాబాద్‌లో బాలికపై గ్యాంగ్‌రేప్
HYDలో దారుణం జరిగింది. కాచిగూడ పోలీసుల వివరాల ప్రకారం.. లింగంపల్లికి చెందిన బాలిక(13)కు విజయ్(23)తో పరిచయం ఏర్పడింది. నిత్యం బైక్‌ మీద తిప్పుతూ ఇంటివద్ద వదిలేసేవాడు. ఈ క్రమంలోనే వినాయక్‌నగర్‌ తీసుకెళ్లి అత్యాచారం చేశాడు. అతడి స్నేహితులు నలుగురు కూడా బెదిరించి రేప్ చేయగా గర్భం దాల్చింది. బాలిక తల్లి కాచిగూడ PSలో ఫిర్యాదు చేసింది. 0 FIR నమోదు చేసి కేసును నేరెడ్‌మెట్‌ PSకు బదిలీ చేశామని SI తెలిపారు.
News June 25, 2024
HYD: వైన్స్ మూసివేయాలని డిమాండ్
అంబర్‌పేటలోని రఘునాథ్‌నగర్‌లోని ఓ వైన్ షాప్ వల్ల అనేక ఇబ్బందులకు గురవుతున్నామని స్థానిక ప్రజలు ఆవేదన వ్యక్తం చేశారు. ప్రభుత్వ నియమ నిబంధనలకు విరుద్ధంగా పర్మిట్ రూం ఏర్పాటు చేయడంతో పాటు టేబుల్స్, కుర్చీలు వేసి జనతా బార్లుగా నిర్వహిస్తున్నారని ఆరోపించారు. ఈ వైన్ పర్మిట్ రూమ్ నుంచి శబ్దాలతో ఇబ్బంది పడుతున్నామని వాపోయారు. ధూమపానం, మందుబాబుల మూత్ర విసర్జనతో దుర్వాసన వస్తున్నదని ఆవేదన వ్యక్తం చేశారు.
Featured News
Sorry, no posts matched your criteria.