India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News May 21, 2024
భూగర్భ జలాలు పెంచేందుకు GHMC కొత్త ప్రాజెక్ట్
అమృత్ పథకంలో భాగంగా, పైలట్ ప్రాతిపదికన ‘షాలో అక్విఫర్ రీఛార్జ్’ పేరిట ప్రాజెక్ట్‌ను GHMC చేపట్టింది. ప్రాజెక్ట్‌ను అమలు చేయడానికి NIUA నోడల్ ఏజెన్సీ నగరంలో ఐదు మున్సిపల్ పార్కులను ఎంపిక చేసింది. 100-120 అడుగుల లోతు వరకు నిస్సారమైన నీటి ఇంజెక్షన్ బోర్‌వెల్‌లను డ్రిల్ చేయడం ప్రాజెక్ట్ ముఖ్య ఉద్దేశం. దీని ద్వారా వర్షపు నీటిని ఆదా చేయగలిగితే భూగర్భ జలాలు పెరిగే అవకాశం ఉంటుంది.
News May 21, 2024
HYD: అంబేద్కర్ ఓపెన్ యూనివర్సిటీ వీసీగా రిజ్వీ
HYD నగరంలోని అంబేద్కర్ ఓపెన్ యూనివర్సిటీ వీసీగా రిజ్వీని ప్రభుత్వం నియమించింది. 1999 IAS బ్యాచ్ అధికారి అయిన రజ్వీ, గతంలో కృష్ణా జిల్లా, HYD జిల్లాల్లో కలెక్టర్, తెలంగాణ హెల్త్ డిపార్ట్‌మెంట్ సెక్రటరీ బాధ్యతలు నిర్వర్తించారు. అంతేకాక TRANSCO, GENCO విద్యుత్ సంస్థలకు ఎండీగా, రాష్ట్ర ఎనర్జీ డిపార్ట్‌మెంట్ సెక్రటరీ విధుల్లో ఉన్న ఆయనను ప్రభుత్వం ఓపెన్ యూనివర్సిటీకి వీసీ బాధ్యతలను అప్పగించింది.
News May 21, 2024
HYD: FINE ARTS యూనివర్సిటీ వీసీగా జయేష్ రంజన్
HYD నగరం మాసాబ్ ట్యాంక్ వద్ద ఉన్న జవహర్లాల్ నెహ్రూ ఆర్కిటెక్చర్ అండ్ ఫైన్ ఆర్ట్స్ యూనివర్సిటీ వీసీగా జయేష్ రంజన్ నియమితులయ్యారు. 1992 IAS బ్యాచ్ అధికారి అయిన జయేశ్, అనేక ఉన్నత పదవులు చేపట్టి, జాతీయ, అంతర్జాతీయ అవార్డులు పొందారు. ప్రస్తుతం రాష్ట్ర ఇండస్ట్రీస్ అండ్ కామర్స్, ఐటీ ప్రిన్సిపల్ సెక్రటరీ బాధ్యతలు నిర్వర్తిస్తున్న ఆయనను తాజాగా.. ఫైన్ ఆర్ట్స్ యూనివర్సిటీగా వీసీగా ప్రభుత్వం నియమించింది.
News May 21, 2024
HYD: ఉస్మానియా యూనివర్సిటీ వీసీగా దానకిషోర్
HYD నగరంలోని ఉస్మానియా యూనివర్సిటీ నూతన వైస్ ఛాన్స్‌లర్ బాధ్యతలకు IAS దానకిషోర్ నియమించబడ్డారు. 1996 IAS బ్యాచ్ అధికారి అయిన దానకిషోర్, కర్నూలు జిల్లాలో కలెక్టర్ బాధ్యతలు చేపట్టారు. గత 20 సంవత్సరాల్లో దాదాపు 9 జిల్లాల్లో విధులు నిర్వర్తించారు. ఇటీవల HMWSSB ఎండి బాధ్యతల నుంచి మున్సిపల్ అడ్మినిస్ట్రేషన్ ప్రిన్సిపల్ సెక్రెటరీ బాధ్యతలు స్వీకరించారు. తాజాగా.. ప్రభుత్వం OU వీసీగా నియమించింది.
News May 21, 2024
HYD: JNTU వీసీగా బుర్రా వెంకటేశం
HYD నగరం కూకట్పల్లిలో JNTUH యూనివర్సిటీ వీసీగా బుర్రా వెంకటేశం నియమితులయ్యారు. 1995 IAS బ్యాచ్ అధికారి అయిన వెంకటేశం, జనగాం జిల్లాకు చెందినవారు. గతంలో మెదక్ జిల్లా కలెక్టర్ బాధ్యతలు సైతం నిర్వర్తించారు. జాతీయ, అంతర్జాతీయ అవార్డులు సైతం పొందారు. 2014లో ఆంధ్రప్రదేశ్ రీ ఆర్గనైజేషన్ కమిటీలో కీలకపాత్ర పోషించారు. అనేక శాఖలకు సెక్రటరీ బాధ్యతలు నిర్వర్తించారు.
News May 21, 2024
HYD: పట్టభద్రుల ఎన్నికల్లో కాంగ్రెస్‌కి టిజెస్ మద్దతు
నల్లగొండ, వరంగల్, ఖమ్మం పట్టభద్రుల ఎమ్మెల్సీ ఎన్నికలో కాంగ్రెస్‌కు మద్దతు ఇస్తున్నట్లు టీజేఎస్ స్పష్టం చేసింది. ఈనెల 27న జరగనున్న వరంగల్-నల్గొండ-ఖమ్మం శాసన మండలి ఉపఎన్నికలో కాంగ్రెస్ పార్టీ.. తమ అభ్యర్థికి మద్దతు ఇవ్వాలని తెలంగాణ జన సమితి పార్టీకి లేఖ రాసిన నేపథ్యంలో మద్దతు ఇవ్వాలని ఆ పార్టీ రాష్ట్ర కమిటీ నిర్ణయించింది. పార్టీ ప్రధాన కార్యదర్శి ధర్మార్జు తెలిపారు.
News May 21, 2024
HYD: మొబైల్ రికవరీలో తెలంగాణ రెండోవ స్థానం
సీఈఐఆర్‌ పోర్టల్‌ ద్వారా సెల్‌ఫోన్ల రికవరీలో తెలంగాణ రెండో స్థానంలో నిలిచింది. 2023 ఏప్రిల్‌ 19 నాటి నుంచి ఇప్పటి వరకు 30,049 ఫోన్లు రికవరీ చేసినట్టు అదనపు డీజీ మహేశ్‌ భగవత్‌ తెలిపారు. హైదరాబాద్‌ కమిషనరేట్‌ పరిధిలో 4,869, సైబరాబాద్‌ పరిధిలో 3,078, రాచకొండ కమిషనరేట్‌ పరిధిలో 3,042 ఫోన్లు రికవరీ చేసినట్టు చెప్పారు. రాష్ట్ర వ్యాప్తంగా 780 ఠాణాల్లో సీఈఐఆర్‌ యూనిట్లు ఉన్నాయన్నారు.
News May 21, 2024
HYD: ‘నా భార్యను నేనే చంపాను’
HYD ఉప్పల్ పరిధి బ్యాంక్ కాలనీలో <<13285941>>భార్య కమలను భర్త రమేశ్ హత్య<<>> చేసిన విషయం తెలిసిందే. పోలీసులు తెలిపిన వివరాలు.. మార్కెటింగ్ జాబ్ చేసే రమేశ్‌కు కమలతో కొన్నేళ్ల క్రితం వివాహం జరిగింది. వీరికి ఇద్దరు కూతుళ్లు ఉన్నారు. కాగా భార్యపై అనుమానం పెంచుకున్న రమేశ్ అర్ధరాత్రి ఆమెతో గొడవకు దిగాడు. మాటామాట పెరిగి ఆమెపై దాడి చేసి, గొంతు నులిమి చంపేశాడు. తన భార్యను తానే చంపినట్లు పోలీసుల ముందు ఒప్పుకున్నాడు.
News May 21, 2024
HYD: సరస్సుల సంరక్షణ, పునరుజ్జీవనంపై వర్క్‌షాప్‌
పట్టణ ప్రాంతాల్లో సరస్సుల సంరక్షణ, పునరుజ్జీవనంపై ఈరోజు HYDలో వర్క్‌షాప్‌ నిర్వహించారు. కార్యక్రమంలో MA&UD ప్రిన్సిపల్ సెక్రటరీ దానకిషోర్ పాల్గొని మాట్లాడారు. పట్టణ ప్రాంతాల్లో సరస్సుల రక్షణ, పరిరక్షణకు ప్రభుత్వం అత్యంత ప్రాధాన్యత ఇస్తోందని తెలిపారు. ఆరోగ్యకరమైన సరస్సులు అనేక పర్యావరణ ప్రయోజనాలను అందించడమే కాకుండా, అవి మన జీవన నాణ్యతను ప్రభావితం చేస్తాయని, ఆర్థిక వ్యవస్థను బలోపేతం చేస్తాయన్నారు.
News May 21, 2024
HYD: తెలంగాణను నంబర్-1గా మారుస్తాం: మంత్రి
HYD హైటెక్స్ వద్ద జరిగిన ఓ సమావేశంలో మంత్రి వెంకటరెడ్డి పాల్గొని మాట్లాడారు. RRR-రీజినల్ రింగ్ రోడ్డు నిర్మాణంలో IGBC సంస్థ RRR (రెడ్యూస్, రీయూజ్, రీసైకిల్) విధానం అమలు చేసేందుకు పని చేస్తున్నారన్నారు. మన అందరి లక్ష్యం RRR కావడం యాదృచ్ఛికం అని అన్నారు. రాష్ట్రంలో RRR నిర్మాణం, మూసీ ప్రక్షాళన, మౌలిక సదుపాయల కల్పనతో దేశంలో తెలంగాణను నంబర్-1గా మార్చుతామన్నారు.
Featured News
Sorry, no posts matched your criteria.