India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News June 28, 2024
BREAKING: HYD: శంషాబాద్‌లో విషాదం
HYD శంషాబాద్‌లో ఈరోజు విషాదం చోటు చేసుకుంది. పోలీసులు తెలిపిన వివరాలు.. కర్ణాటక రాష్ట్రం బీదర్ వాసి ప్రియాంక(26).. కుమారుడు అద్విక్(3), కుమార్తె ఆరాధ్య(7 నెలలు)తో కలిసి శంషాబాద్ RB నగర్‌లో నివాసం ఉంటోంది. ఈ క్రమంలో పిల్లలకు విషమిచ్చి ప్రియాంక ఉరేసుకుని చనిపోయింది. పోలీసులు వచ్చి పిల్లలను నీలోఫర్ ఆస్పత్రికి తరలించారు. ఆరాధ్య పరిస్థితి విషమంగా ఉంది. ప్రియాంక ఆత్మహత్యకు గల కారణాలు తెలియాల్సి ఉంది.
News June 28, 2024
HYD: ఉప్పల్‌లో విషాదం.. నిరుద్యోగి ఆత్మహత్య
ఉద్యోగం రాకపోవడంతో ఓ యువకుడు ఆత్మహత్య చేసుకున్న ఘటన HYD ఉప్పల్ PS పరిధిలో శుక్రవారం జరిగింది. పోలీసులు తెలిపిన వివరాలు.. నల్గొండ జిల్లా అడవిదేవులపల్లి వాసి వెంకట రాముడు(21) HYDకు ఉద్యోగం కోసం వచ్చాడు. ఎంత తిరిగినా జాబ్ రాకపోవడంతో డిప్రెషన్‌లోకి వెళ్లాడు. ఈ క్రమంలో రామాంతాపూర్‌లోని తన బావమరిది సాయికిరణ్ ఇంటికి వచ్చి తండ్రికి ఫోన్ చేశాడు. పురుగు మందు తాగి ఆత్మహత్య చేసుకుంటున్నట్లు తెలిపి చనిపోయాడు.
News June 28, 2024
HYD: బ్లాస్ట్.. చెల్లాచెదురుగా మృతదేహాలు, కాళ్లు, చేతులు..!
రంగారెడ్డి జిల్లా షాద్‌నగర్ పరిధి బూర్గులలోని సౌత్ గ్లాస్ పరిశ్రమలో బ్లాస్ట్ జరిగి ఆరుగురు మృతిచెందగా పలువురికి తీవ్ర గాయాలైన విషయం తెలిసిందే. కాగా ఒక్కసారిగా కంప్రెషర్ గ్యాస్ పేలడంతో కార్మికులు ఎగిరిపడ్డారు. మృతదేహాలు, మాంసపు ముద్దలు, కార్మికుల అవయవాలు, కాళ్లు, చేతులు పరిశ్రమలో చెల్లాచెదురుగా పడిపోయాయి. అక్కడి పరిస్థితిని చూసిన స్థానికులు కన్నీటి పర్యంతమయ్యారు. శంషాబాద్ DCP రాజేశ్ పరిశీలించారు.
News June 28, 2024
HYD: ప్రజావాణి కార్యక్రమానికి 494 దరఖాస్తులు
HYD బేగంపేట్‌లోని మహాత్మా జ్యోతిబా ఫూలే ప్రజాభవన్‌లో శుక్రవారం నిర్వహించిన ప్రజావాణి కార్యక్రమంలో రాష్ట్ర ప్రణాళిక సంఘం ఉపాధ్యక్షుడు డా.చిన్నారెడ్డి పాల్గొని దరఖాస్తులను స్వీకరించారు. ఈ ప్రజావాణి కార్యక్రమంలో మొత్తం 494 దరఖాస్తులు అందాయని అధికారులు తెలిపారు. ప్రజావాణి ప్రత్యేకాధికారిణి దివ్య, ఇతర అధికారులు ప్రజల నుంచి వచ్చిన దరఖాస్తులను స్వీకరించడంతోపాటు వారి సమస్యలను అడిగి తెలుసుకున్నారు.
News June 28, 2024
HYD: మొహర్రం ఏర్పాట్లపై మంత్రి పొన్నం సమీక్ష
మొహర్రం పవిత్ర మాసంలో నిర్వహించే కార్యక్రమాలకు అసౌకర్యం కలుగకుండా ప్రభుత్వం అన్ని ఏర్పాట్లు చేస్తుందని రవాణా, బీసీ సంక్షేమ శాఖ మంత్రి పొన్నం ప్రభాకర్ తెలిపారు. మొహర్రం పవిత్ర మాసం ఏర్పాట్లపై శుక్రవారం రాష్ట్ర సచివాలయంలో ప్రభుత్వ సలహాదారు మహమ్మద్ షబ్బీర్ అలీతో కలిసి వివిధ శాఖల అధికారులు, షియా మత పెద్దలతో సమీక్షా సమావేశం నిర్వహించారు. అన్ని శాఖల అధికారులు సమన్వయంతో పని చేయాలని మంత్రి సూచించారు.
News June 28, 2024
HYD: లాడ్జిలో బాలికపై రిటైర్డ్ జవాన్ అత్యాచారం.. జైలు శిక్ష
పోక్సో కేసులో ఓ ఆర్మీ రిటైర్డ్ జవాన్‌కు 20 ఏళ్ల జైలు శిక్ష పడింది. పోలీసులు తెలిపిన వివరాలు.. ఆర్మీ రిటైర్డ్ జవాన్ శ్రీధరన్ 2017లో సికింద్రాబాద్‌లోని ఓ లాడ్జిలోకి బాలికను తీసుకెళ్లి అత్యాచారం చేశాడు. బాలిక ఫిర్యాదుతో కేసు నమోదు చేసిన సికింద్రాబాద్ మార్కెట్ పోలీసులు అతడిని రిమాండ్‌కు తరలించారు. ఈ కేసులో నిందితుడు శ్రీధరన్‌కు ఈరోజు న్యాయమూర్తి 20 ఏళ్ల జైలు శిక్షతోపాటు రూ.20 వేల జరిమానా విధించారు.
News June 28, 2024
HYD: ఇంట్లో బిర్యానీ తిని వెళ్లిన దొంగలు..!
చోరీకి వచ్చిన దొంగలు ఇంట్లోని బిర్యానీ తిని వెళ్లిన ఘటన HYD బాలాపూర్ PS పరిధిలో జరిగింది. బాధితులు తెలిపిన వివరాలు.. బాలాపూర్‌లోని నాబెల్ కాలనీలో నివాసం ఉండే ఓ నర్సు తన ఇంటికి తాళం వేసి బయటకు వెళ్లారు. ఈ క్రమంలో ఇంటి తాళాలు పగలగొట్టిన దొంగలు బీరువాలోని నగదు, బంగారం, వెండి నగలు చోరీ చేశారు. ఫ్రిజ్‌లో ఉన్న బిర్యానీని కిచెన్‌లో వేడి చేసుకుని తిన్నారు. ఇంకా ఫిర్యాదు అందలేదని పోలీసులు తెలిపారు.
News June 28, 2024
HYD: గెస్ట్ లెక్చరర్ పోస్టులకు దరఖాస్తుల ఆహ్వానం
HYD కుత్బుల్లాపూర్‌లోని ప్రభుత్వ డిగ్రీ కళాశాలలో గెస్ట్ లెక్చరర్ల నియామకానికి దరఖాస్తులను అర్హత కలిగిన అభ్యర్థుల నుంచి కోరుతున్నట్లు కళాశాల ప్రిన్సిపల్ డా.అలివేలు మంగా ఈరోజు తెలిపారు. ఎకనామిక్స్, హిస్టరీ, రాజనీతి శాస్త్రం, కంప్యూటర్ సైన్స్, మ్యాథమెటిక్స్, ఫిజిక్స్, బోటనీ, జువాలజీ సబ్జెక్టుల్లో దరఖాస్తులను ఆహ్వానిస్తున్నట్లు తెలిపారు. ఆసక్తి గల వారు జులై 1వ తేదీ సా.5లోపు దరఖాస్తు చేసుకోవాలన్నారు.
News June 28, 2024
HYD: జాబ్ నోటిఫికేషన్లు విడుదల చేయాలి: ఆర్.కృష్ణయ్య
జాబ్ నోటిఫికేషన్లు విడుదల చేయాలని బీసీ సంక్షేమ సంఘం జాతీయ అధ్యక్షుడు, రాజ్యసభ సభ్యుడు ఆర్.కృష్ణయ్య డిమాండ్ చేశారు. సంఘం జాతీయ కన్వీనర్ గుజ్జ కృష్ణ, బీసీ విద్యార్థి సంఘం రాష్ట్ర అధ్యక్షుడు వేముల రామకృష్ణతో కలిసి ఆయన శుక్రవారం HYD సచివాలయంలో ప్రభుత్వ ప్రధాన కార్యదర్శి శాంతి కుమారికి వినతి పత్రం అందజేశారు. జాబ్స్ కోసం లక్షలాదిమంది నిరుద్యోగులు ఎదురు చూస్తున్నారని ఆయన పేర్కొన్నారు.
News June 28, 2024
HYD: హకీంపేట్ స్పోర్ట్స్ స్కూల్‌లో చిన్నారి మృతి
HYD శామీర్‌పేట్ మండలం హకీంపేట్ స్పోర్ట్స్ స్కూల్ ప్రాంగణంలో ఈరోజు విషాదం చోటు చేసుకుంది. స్థానికులు తెలిపిన వివరాలు.. స్కూల్ ప్రాంగణంలోని నీటి గుంతలో పడి కాన అనే రెండేళ్ల చిన్నారి మృతిచెందింది. చిన్నారి తల్లిదండ్రులు మధ్యప్రదేశ్ ప్రాంతానికి చెందినవారు కాగా వారు HYD వలస వచ్చి హకీంపేట్ స్పోర్ట్స్ స్కూల్ నర్సరీలో పని చేస్తున్నారు. జవహర్‌నగర్ పోలీసులు ఘటనా స్థలానికి చేరుకున్నట్లు సమాచారం.
Featured News
Sorry, no posts matched your criteria.