India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News April 14, 2024
HYD: EMERGENCY పంపింగ్‌కు చర్యలు
HYDలో తాగునీటి సమస్య తలెత్తకుండా చర్యలు తీసుకుంటున్నామని పురపాలక శాఖ ముఖ్య కార్యదర్శి దాన కిశోర్ తెలిపారు. నాగార్జున సాగర్‌లో ఈనెల 15 నుంచి ఎమర్జెన్సీ పంపింగ్‌కు ఏర్పాట్లు పూర్తయినట్లు వెల్లడించారు. నీటి సరఫరాలో ఆటంకం కలిగించే లైన్ మెన్లపై చర్యలు తీసుకుంటామన్నారు. జంట జలాశయాల నుంచి అదనంగా 20 ఎంఎల్డీల నీటిని వాడుకునేందుకు ఏర్పాట్లు చేస్తున్నట్లు తెలిపారు. నీటి నాణ్యతపై అధికారులకు సూచనలు చేశారు.
News April 14, 2024
HYD: పిల్లలను షాప్‌కు పంపుతున్నారా.. జర జాగ్రత్త!
అభం శుభం తెలియని చిన్నారులను సైతం కామాంధులు వదలడం లేదు. ఆరేళ్ల చిన్నారితో ఓ వ్యక్తి అసభ్యంగా ప్రవర్తించిన ఘటన మలక్‌పేట్ PS పరిధిలో జరిగింది. పోలీసులు తెలిపిన వివరాలు.. సలీంనగర్ వాసి సుబ్బారావు(52)కు ముసారాంబాగ్‌లో కిరాణా షాప్ ఉంది. దుకాణానికి వచ్చిన ఓ చిన్నారి(6)తో అతడు అసభ్యంగా ప్రవర్తించాడు. బాలిక ఏడుస్తూ వెళ్లి తల్లిదండ్రులకు విషయం చెప్పగా వారు PSలో ఫిర్యాదు చేశారు. పోక్సో కేసు నమోదైంది.
News April 14, 2024
HYD: తిరుపతి వెళ్లేవారే TARGET.. జర జాగ్రత్త..!
తిరుపతి వెళ్లే వారి వద్ద డబ్బులు తీసుకుని మోసం చేసిన వ్యక్తిపై కేసు నమోదైన ఘటన ఎల్బీనగర్ PS పరిధిలో జరిగింది. పోలీసులు తెలిపిన వివరాలు.. బైరామల్‌గూడ వాసి కపిల్ రెడ్డిని చరణ్ అనే వ్యక్తి పరిచయం చేసుకున్నాడు. తాను TTD ఛైర్మన్ PA అని, శ్రీవారి దర్శనం టికెట్లు బుక్ చేస్తానని నమ్మించి ఈనెల 7న రూ.1,60,900 తీసుకున్నాడు. ఆ తర్వాత కపిల్.. చరణ్‌కు ఫోన్ చేయగా సమాధానం ఇవ్వలేదు. బాధితుడు PSలో ఫిర్యాదు చేశాడు.
News April 14, 2024
HYD: ప్రియురాలికి మరొకరితో పెళ్లి.. ప్రియుడి ఆత్మహత్య
ప్రియురాలు మరో వ్యక్తిని పెళ్లి చేసుకోవడంతో మనోవేదనకు గురైన వ్యక్తి ఆత్మహత్య చేసుకున్న ఘటన HYD సూరారం PS పరిధిలో జరిగింది. పోలీసులు తెలిపిన వివరాలు.. బిహార్ వాసి తన్వీర్ ఖాన్(27)కు మూడేళ్ల క్రితం వివాహమవగా బతుకుదెరువు నిమిత్తం HYD వచ్చి దయానంద్ నగర్‌లో ఉంటున్నాడు. కాగా పెళ్లికి ముందు అతడు ప్రేమించిన యువతికి ఇటీవల పెళ్లి జరిగింది. విషయం తెలిసి తన్వీర్ ఉరేసుకుని చనిపోయాడు. శనివారం కేసు నమోదైంది.
News April 14, 2024
మాదాపూర్‌లో ఆకట్టుకున్న నృత్య ప్రదర్శన
HYD మాదాపూర్ పరిధి అన్నమయ్యపురంలో అన్నమయ్య స్వరార్చన కార్యక్రమంలో భాగంగా విద్యార్థులు కూచిపూడి నృత్యంతో ఆకట్టుకున్నారు. ఇందులో వినాయక కొతం, మూషికవాహన, ముద్దుగారే యశోద, ఇదిగో భద్రాద్రి తారంగం, అంబ పలుకు, మీనాక్షి పంచరత్న తదితర అంశాలను కళాకారులు శ్రీవిద్య, సహస్ర, శ్రీమయి, శాన్వి, మహిశ్రీ తదితరులు కలిసి ప్రదర్శించారు.
News April 14, 2024
HYD: ఈనెల 25 నుంచి ఓపెన్ టెన్త్, ఇంటర్ పరీక్షలు ప్రారంభం
ఓపెన్ స్కూల్ సొసైటీ ఆధ్వర్యంలో ఓపెన్ టెన్త్, ఇంటర్ పరీక్షలు ఈనెల 25 నుంచి ప్రారంభమవుతాయని, మే 2 వరకు జరుగుతాయని ఓపెన్ స్కూల్ సొసైటీ డైరెక్టర్ శ్రీహరి HYDలో తెలిపారు. ఉదయం 9 గంటల నుంచి మధ్యాహ్నం 12 గంటల వరకు ఒక సెషన్, మధ్యాహ్నం 2.30 నుంచి సాయంత్రం 5.30 గంటల వరకు మరో సెషన్ పరీక్షను నిర్వహించనున్నట్లు ఆయన పేర్కొన్నారు.
News April 14, 2024
బీఎస్పీ చేవెళ్ల అభ్యర్థిగా మీర్ మహమ్మద్ అలీ..?
చేవెళ్ల లోక్‌సభ బరిలో ఉండాలని బీఎస్పీ భావిస్తున్నట్లు సమాచారం. ఇప్పటికే పలువురు నేతలు ఆ పార్టీ టికెట్ కోసం ప్రయత్నిస్తుండగా.. ఉమ్మడి రంగారెడ్డి జడ్పీ మాజీ కోఆప్షన్ సభ్యుడు, ముస్లిం మైనార్టీ నాయకుడితో చర్చలు జరిపినట్లు తెలుస్తోంది. పరిగికి చెందిన మీర్ మహమ్మద్ అలీ ప్రస్తుతం బీఆర్ఎస్‌లో కొనసాగుతున్నారు. ఇటీవల ఆయనతో చర్చలు జరిపిన BSP నేతలు త్వరలో నిర్ణయం ప్రకటించనున్నట్లు సమాచారం.
News April 14, 2024
HYD: ఓటరు నమోదుకు రెండు రోజులే గడువు
అర్హులైన యువతీ, యువకులు ఓటుహక్కు పొందడం కోసం దరఖాస్తు చేసుకోవడానికి మరో 2 రోజులు మాత్రమే గడువు ఉందని HYDలో అధికారులు తెలిపారు. అర్హులైన వారు పేర్లు నమోదు చేసుకోవడానికి ఈనెల 15 వరకు అవకాశం ఉందని, గ్రామ స్థాయిలో VLO, మండల స్థాయిలో తహశీల్దార్, డివిజన్ స్థాయిలో ఆర్డీవో కార్యాలయాల్లో గడువులోగా నమోదు కోసం దరఖాస్తు చేసుకోవాలని కోరారు. ఆన్‌లైన్‌లో కూడా పూర్తి వివరాలు నమోదు చేసి దరఖాస్తు చేసుకోవాలన్నారు.
News April 14, 2024
హైదరాబాద్‌లో SUMMER CRICKET
క్రికెట్‌ ప్లేయర్లకు HCA శుభవార్త చెప్పింది. ఈనెల 20న HYDలో సమ్మర్ క్యాంప్‌ మొదలుపెడుతామని సంస్థ ప్రెసిడెంట్ జగన్‌ మోహన్‌ రావు తెలిపారు. ఉచితంగా‌నే ఈ క్యాంప్‌ కొనసాగిస్తామన్నారు. ఏప్రిల్ 15 నుంచి రిజిస్ట్రేషన్ ప్రక్రియ ప్రారంభమవుతుందన్నారు. కేంద్రాల వివరాలు: హైద‌రాబాద్‌: జింఖానా: 90301 30346 ఫ‌ల‌క్‌నుమా: 98852 95387 అంబ‌ర్‌పేట్: 98665 82836 లాలాపేట్: 99664 62667 మాదాపూర్: 80195 35679 SHARE IT
News April 14, 2024
BREAKING: HYDలో యాక్సిడెంట్.. ఇద్దరు మృతి
HYD రాజేంద్రనగర్ ORRపై తెల్లవారుజామున ఘోర రోడ్డు ప్రమాదం జరిగింది. పోలీసులు తెలిపిన వివరాలు.. శంషాబాద్ నుంచి గచ్చిబౌలి వైపు ORRపై వేగంగా వెళ్తున్న కారు హిమాయత్‌సాగర్ వద్దకు రాగానే డివైడర్‌ను ఢీకొట్టింది. దీంతో కారులోని ఇద్దరు అక్కడికక్కడే మృతిచెందగా, మరో ముగ్గురికి తీవ్ర గాయాలయ్యాయి. ఘటనా స్థలానికి చేరుకున్న పోలీసులు మృతదేహాలను ఉస్మానియా మార్చురీకి తరలించారు. మృతుల వివరాలు తెలియాల్సి ఉంది.
Featured News
Sorry, no posts matched your criteria.