RangaReddy

News April 5, 2024

RR: వరి ధాన్యం కొనుగోలు కై కసరత్తు..!

RR, మేడ్చల్ మల్కాజిగిరి, వికారాబాద్ జిల్లాలో వరి ధాన్యం కొనుగోళ్లకై అధికారులు కసరత్తు ప్రారంభించారు. రంగారెడ్డిలో 41,660, మేడ్చల్ జిల్లాలో 26,037, వికారాబాద్ జిల్లాలో 1,24,303 టన్నుల ధాన్యం కొనుగోలు చేయాలని పౌరసరఫరాల సంస్థ లక్ష్యంగా పెట్టుకుంది. వరి ధాన్యాన్ని ఎప్పటిలాగే ఏ గ్రేడ్ రకానికి రూ.2,203 పెట్టి ప్రభుత్వం కొనుగోలు చేయనుంది.

News April 5, 2024

HYD: గ్రేటర్‌లో RTA ఆదాయం ఫుల్!

2023-24 ఆర్థిక సంవత్సరంలో రాష్ట్ర వ్యాప్తంగా RTAకు రూ.6,999 కోట్ల ఆదాయం రాగా.. ఇందులో గ్రేటర్ HYD పరిధి HYD, RR, మేడ్చల్ జిల్లాల ఆర్టీఏ ద్వారా రూ.4,449 కోట్ల సమకూరినట్లు అధికారులు తెలిపారు. రంగారెడ్డిలో రూ.1688 కోట్లు, మేడ్చల్ జిల్లాలో రూ.1298 కోట్లు, HYD జిల్లాలో రూ.1462 కోట్లు వచ్చినట్లుగా పేర్కొన్నారు. గతంతో పోలిస్తే రాజధానిలో దాదాపుగా రూ.500 కోట్ల ఆదాయం అధికంగా వచ్చింది.

News April 4, 2024

HYD: అంబులెన్స్ వాహనాల సంఖ్య పెంచాలని డిమాండ్

HYD జిల్లాలో 36, రంగారెడ్డి, మేడ్చల్ జిల్లాల్లో 29 అంబులెన్స్‌లు ఉన్నాయి. 108కి కాల్ చేసి ఎగ్జాక్ట్ లొకేషన్ చెబితే గాని ఒక్కోసారి రావడం లేదని, HYD నగర శివారు మారుమూల ప్రాంతాలకు ఆలస్యమవుతుందని పలువురు ఆరోపించారు. మరోవైపు కొందరి నుంచి రాంగ్ కాల్స్ వస్తున్నట్లుగా 108 సిబ్బంది తెలియజేశారు. అత్యవసర సేవలను మరింత మెరుగుపరిచేందుకు అంబులెన్స్ వాహనాల సంఖ్య పెంచాలని పలువురు కోరారు.

News April 4, 2024

HYD: తండ్రిని హత్య చేసిన కొడుకు

డ్రగ్స్‌కు బానిసగా మారిన కొడుకు.. తనను మందలించినందుకు కన్న తండ్రినే హత్య చేశాడు. ఈ ఘటన ఆదిభట్ల పోలీస్‌స్టేషన్ పరిధి తుర్కయంజాల్‌లో జరిగింది. ఆరెంజ్ అవెన్యూలో ఓ ఇంట్లో ఉంటున్న తిరుపతి రవీందర్(65)ను పెట్రోల్ పోసి అతడి కుమారుడు నిప్పంటించాడు. మంటలను తట్టుకోలేక అక్కడికక్కడే రవీందర్ మృతి చెందాడు. కేసు నమోదు చేసిన పోలీసులు అతడి కొడుకు కోసం గాలిస్తున్నారు.

News April 4, 2024

HYD: IICT లో ఉద్యోగాలు.. రేపే ఇంటర్వ్యూ..!

HYD నగరం తార్నాకలోని IICT లో వివిధ ప్రాజెక్టులకు రీసర్చ్ అసోసియేట్, సీనియర్ ప్రాజెక్టు అసోసియేట్, ప్రాజెక్ట్ అసోసియేట్-1, ప్రొజెక్టర్ అసోసియేట్-2 పోస్టుల భర్తీకి ఏప్రిల్ 5, 8వ తేదీలలో ఇంటర్వ్యూ ద్వారా ఎంపిక చేయనున్నట్లు అధికారులు తెలిపారు. పీహెచ్డీ సైన్సెస్, ఎమ్మెస్సీ సైన్స్, బీటెక్ ఇన్ కెమికల్ ఇంజనీరింగ్ చేసినవారు అర్హులని,ఈ లింక్ https://iict.res.in/CAREERS అన్ని మిగతా వివరాలు పొందండి.

News April 4, 2024

HYD: బాలికపై అత్యాచారం.. 20 ఏళ్ల జైలు శిక్ష!

HYD నగరానికి చెందిన అఖిలేశ్వర్ 2018 సంవత్సరంలో కాచిగూడలో ఓ బాలికను అత్యాచారం చేసిన కేసులో 20 ఏళ్ల జైలు శిక్షను ఖరారు చేస్తూ పోక్సో కోర్టు తీర్పును వెలువరించింది. తీర్పు వెంటనే అమలులోకి వస్తుందని తెలియజేసింది. ఈ కేసులో HYD పోలీసులు సమగ్రంగా విచారణ జరిపి, పూర్తి సమాచారంతో కోర్టులో ప్రవేశపెట్టడంతో ఈ తీర్పును వెలువరించింది.

News April 4, 2024

HYD: లక్క గాజులకు GI ట్యాగ్.. సర్టిఫికెట్ అందజేత

HYD నగరంలో తయారు చేసే లక్క గాజులకు GI ట్యాగ్ లభించిన సంగతి తెలిసిందే. ఈ మేరకు గురువారం రాష్ట్ర ఐటీ ప్రిన్సిపల్ సెక్రెటరీ జయేష్ రంజన్ చేతుల మీదుగా క్రీసెంట్ హ్యాండీక్రాఫ్ట్స్ ఆర్టీషియన్ అసోసియేషన్ సభ్యులకు సర్టిఫికెట్ అందజేశారు. అనంతరం అసోసియేషన్ సభ్యులు లక్క గాజులను అధికారికి బహుమతిగా అందజేశారు. ఈ సందర్భంగా జయేష్ రంజన్ సంతోషం వ్యక్తం చేశారు.

News April 4, 2024

ఎవిస్ హాస్పిట‌ల్స్ కొత్త శాఖ‌ల‌తో సేవ‌ల విస్త‌ర‌ణ

వాస్క్యుల‌ర్ రంగంలో దేశంలో నం.1 ఎవిస్ హాస్పిట‌ల్స్ త‌మ సేవ‌ల‌ను మ‌రింత విస్త‌రిస్తోంది. గురువారం కూక‌ట్‌ప‌ల్లిలో ఎవిస్ హాస్పిట‌ల్స్ నూత‌న శాఖ ప్రారంభించారు. MD, ప్ర‌ముఖ ఇంట‌ర్వెన్ష‌న‌ల్ రేడియోల‌జిస్ట్ డా.రాజా వి కొప్పాల పూజాదికాల‌తో కొత్త ఆసుప‌త్రికి అంకురార్ప‌ణ చేశారు. కార్యక్రమంలో డైరెక్ట‌ర్లు శ్రీ‌నివాస్, భ‌ర‌త్‌, వైభ‌వ్, డాక్ట‌ర్లు సంప‌త్, మ‌ల్లీశ్వ‌రి, బిందు, అధికారులు పాల్గొన్నారు.

News April 4, 2024

మూసీ నదిపై GHMC కీలక నిర్ణయం

HYDలోని మూసీ నదికి ఇరువైపులా 50 మీటర్ల పరిధిలో నిర్మాణం, లే అవుట్ అనుమతులను నిలిపివేయాలని GHMC నిర్ణయించింది. ఈ మేరకు జీహెచ్ఎంసీ కమిషనర్ రోనాల్డ్ రాస్ ఉత్తర్వులు జారీ చేశారు. వేర్వేరు సంస్థల ఆధ్వర్యంలో చేపట్టే అభివృద్ధి పనులను అనుమతించొద్దని ఉప కమిషనర్లు, ప్రణాళిక అధికారులకు తెలుపుతూ వెంటనే ఆదేశాలను అమలు చేయాలని తెలియజేశారు. మూసీ మాస్టర్ ప్లాన్ డెవలప్మెంట్‌లో భాగంగా చర్యలకు ఉపక్రమించారు.

News April 4, 2024

ఓయూను ప్రభుత్వం ఆదుకోవాలి: VC

HYD ఉస్మానియా యూనివర్సిటీ 2024-25 వార్షిక బడ్జెట్ రూ.718.86 కోట్లు కాగా అంచనా వ్యయం రూ.796.45 కోట్లు, లోటు బడ్జెట్ రూ.44.68 కోట్లుగా ఉందని వీసీ రవీందర్ తెలిపారు. రాష్ట్ర ప్రభుత్వం నుంచి బ్లాక్ గ్రాంట్స్ రూపంలో రూ.487.03 కోట్లు కేటాయించినప్పటికీ బడ్జెట్ లోటును పూడ్చడానికి, వర్సిటీలో కార్యకలాపాలు సజావుగా సాగించేందుకు రాష్ట్ర ప్రభుత్వం మరిన్ని అదనపు గ్రాంట్లు అందించి వర్సిటీని ఆదుకోవాలని కోరారు.

…

348

…

Featured News

Sorry, no posts matched your criteria.

↑