India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News May 9, 2024
రేపు హైదరాబాద్కు మోదీ.. ఆంక్షలు
MP ఎన్నికల ప్రచారంలో భాగంగా రేపు ప్రధాని మోదీ హైదరాబాద్కు వస్తున్నారు. కిషన్ రెడ్డి, కొండా విశ్వేశ్వర్ రెడ్డి, ఈటల రాజేందర్, మాధవీలతకు మద్దతుగా ఆయన ఎల్బీస్టేడియంలో BJP జనసభ‌లో ప్రసంగిస్తారు. ఆయన పర్యటన నేపథ్యంలో పోలీసులు అప్రమత్తమయ్యారు. సా. 4 గంటల నుంచి రాత్రి 8 గంటల వరకు ఎల్బీస్టేడియం చుట్టూ ఆంక్షలు విధించారు. BJR విగ్రహం, AR పెట్రోల్‌ పంప్‌ దారి మూసివేస్తారు. ట్రాఫిక్ మళ్లింపులు ఉంటాయి.
News May 9, 2024
హైదరాబాద్‌ను విశ్వనగరం చేశాం: CM రేవంత్
HYD అభివృద్ధి బాధ్యతను కాంగ్రెస్ తీసుకుందని CM రేవంత్ అన్నారు. గురువారం సరూర్‌నగర్‌ జనజాతరలో ఆయన ప్రసంగించారు. ‘నగరం ప్రశాంతంగా ఉంది. IT, ఫార్మా కంపెనీలను కాంగ్రెస్ తీసుకొచ్చినందుకే విశ్వనగరంగా పేరు వచ్చింది. అటువంటి హైదరాబాద్లో BJP విషం చిమ్మాలని చూస్తోంది. మతం పేరుతో రాజకీయం చేస్తోంది. ఇలా అయితే పెట్టుబడులు వస్తాయా. ఉద్యోగ, ఉపాధి అవకాశాలు ఉంటాయా’ అనేది ప్రజలు ఆలోచించాలని CM సూచించారు.
News May 9, 2024
CP ORDERS: హైదరాబాద్లో WINES బంద్
లోక్‌సభ ఎన్నికలు, కంటోన్మెంట్‌ ఉప ఎన్నిక నేపథ్యంలో హైదరాబాద్లో ఆంక్షలు విధిస్తున్నట్లు CP కొత్తకోట శ్రీనివాస్‌ రెడ్డి సర్క్యులర్‌ జారీ చేశారు. ట్విన్‌ సిటీస్‌లో 11వ తేదీ సాయంత్రం 6 గంటల నుంచి 13వ తేదీ సాయంత్రం 6 గంటల వరకు వైన్స్‌, బార్ అండ్ రెస్టారెంట్స్, పబ్బులు, క్లబ్బులు, కల్లు కంపౌండ్‌లు మూసివేయాలని ఆదేశించారు. ఈ 48 గంటలు ప్రచారం కూడా చేయొద్దని ఉత్తర్వుల్లో స్పష్టం చేశారు. SHARE IT
News May 9, 2024
HYD: అక్రమ రేషన్ రవాణాపై 45 కేసులు!
HYD పరిధిలో ఎలక్షన్ కోడ్ అమలులోకి వచ్చినప్పటి నుంచి రేషన్ బియ్యం అక్రమ రవాణాపై 45కు పైగా కేసులు నమోదైనట్లు అధికారులు తెలిపారు. రాజేంద్రనగర్ నుంచి మహారాష్ట్రకు, కాటేదాన్ నుంచి కర్ణాటకకు, జీడిమెట్ల, వనస్థలిపురం నుంచి ఇతర ప్రాంతాలకు తరలిస్తున్న టన్నుల కొద్ది రేషన్ బియ్యం సీజ్ చేశారు. అత్తాపూర్, ఘట్‌కేసర్, శామీర్‌పేట్ తదితర ప్రాంతాల్లో అక్రమంగా గోదాంలు నిర్వహిస్తున్న వారిపై అధికారులు నిఘా పెట్టారు.
News May 9, 2024
HYD: NOTA అంటోంది.. నేను తక్కువేం కాదని..!
బ్యాలెట్ యూనిట్ పై అభ్యర్థులందరి తర్వాత చివరి వరుసలో NOTA అని ఉంటుంది. సాధారణంగా నోటాకి ఓటు వేస్తే ఏం లాభం అని అనుకుంటారు. కానీ.. గత ఎంపీ ఎన్నికల సమయంలో మల్కాజిగిరి అభ్యర్థి గెలుపోటముల్లో కీలకపాత్ర పోషించిన NOTA తన సత్తా చూపి నేనేం తక్కువ కాదని నిరూపించింది. BRS అభ్యర్థి రాజశేఖర్ రెడ్డిపై కాంగ్రెస్ అభ్యర్థి రేవంత్ రెడ్డి 10,919 ఓట్ల మెజార్టీతో గెలవగా.. అదే నోటాకు 17,895 ఓట్లు వచ్చాయి.
News May 9, 2024
ఓటేసి.. HYD అంటే ఏంటో చూపిద్దాం..!
HYD, సికింద్రాబాద్, చేవెళ్ల, మల్కాజిగిరి ప్రాంతాల్లో 80 శాతం ఓటింగ్ నమోదయ్యేలా అధికారులు ప్రజల్లో అవగాహన కల్పిస్తున్నారు. 2019లో HYDలో 45.8, సికింద్రాబాద్-48.9 మల్కాజిగిరి-53.4, చేవెళ్ల-56.9 శాతం ఓటింగ్ నమోదైంది. 2014తో పోలిస్తే సరాసరిగా 6 శాతం మేర ఓటింగ్ తగ్గింది. ఈ నేపథ్యంలో ఓటేసి మనమేంటో చూపిద్దాం. మే 13న తరలిరండి అంటూ..SVEEP అధికారులు పిలుపునిచ్చారు.
News May 9, 2024
HYD: ‘తాడుతో కట్టేసి వ్యభిచారం చేయించింది’
HYD యూసుఫ్‌గూడలోని కృష్ణానగర్‌లో <<13213121>>14 ఏళ్ల బాలికను<<>> వ్యభిచారం రొంపి నుంచి పోలీసులు కాపాడిన విషయం తెలిసిందే. బాలిక మాట్లాడుతూ.. నిర్వాహకురాలు చిన్నప్పుడే తనను తీసుకొచ్చి పెంచిందని, ఏడాది నుంచి బలవంతంగా వ్యభిచార ఊబిలోకి దించిందని తెలిపింది. తాను ఒప్పుకోకపోతే తీవ్రంగా కొట్టి , తాడుతో కట్టేసి, మాట వినలేదని జుట్టు మొత్తం కత్తిరించిందని ఏడుస్తూ చెప్పింది. పోలీసులు బాలికను సురక్షిత ప్రాంతానికి తరలించారు.
News May 9, 2024
HYD: డిప్లొమా చేసిన వారికి ఉద్యోగాలు..
డిప్లొమా చేసినవారికి రెండు సంవత్సరాల కాంట్రాక్టు ప్రాతిపదికన HYD బాలానగర్ CITD ఆధ్వర్యంలో ఉద్యోగాలు కల్పిస్తున్నట్లు నోటీస్ విడుదలైంది. డిప్లొమా ఇన్ టూల్ అండ్ డై మేకింగ్, డిప్లొమా ఇన్ ప్రొడక్షన్ ఇంజినీరింగ్ చేసిన వారు అర్హులని తెలిపారు. CNC మిల్లింగ్ ఆపరేటర్, టర్నింగ్ ఆపరేటర్ పోస్టులు ఉన్నాయి. ఆసక్తి గలవారు https://forms.gle/zeFFXwpBZkuojgaWA ద్వారా ప్లేస్‌మెంట్ దరఖాస్తు చేసుకోవాలని సూచించారు.
News May 9, 2024
HYD: అమ్మాయిని చేరదీసి.. వ్యభిచార ఊబిలోకి దింపింది!
HYD యూసుఫ్‌గూడలో దారుణ ఘటన వెలుగులోకి వచ్చింది. పోలీసులు తెలిపిన వివరాలు..కృష్ణానగర్‌లోని ఓ ఇంట్లో వ్యభిచారం నిర్వహిస్తున్నారని తెలిసి టాస్క్‌ఫోర్స్ పోలీసులు వెళ్లి దాడి చేశారు. ఇద్దరు యువతులు,ఓ విటుడిని అదుపులోకి తీసుకున్నారు. ఇంట్లో 14ఏళ్ల బాలిక ఉండగా నిర్వాహకురాలు లక్ష్మిని విచారించారు. చిన్నప్పుడే బాలికను తీసుకొచ్చి పెంచి, బలవంతంగా వ్యభిచార ఊబిలోకి దింపినట్లు తెలిపింది. చిన్నారిని రక్షించారు.
News May 9, 2024
HYD: బాచుపల్లి గోడ కూలిన ఘటనలో ఆరుగురు అరెస్ట్
HYD బాచుపల్లి రేణుకా ఎల్లమ్మ కాలనీలో గోడ కూలి ఏడుగురు చనిపోగా, నలుగురు తీవ్రంగా గాయపడిన విషయం తెలిసిందే. ఈ కేసులో భవన నిర్మాణదారుడు అరవింద్ రెడ్డి, సైట్ ఇంజినీర్ సతీశ్, ప్రాజెక్టు మేనేజర్ ఫ్రాన్సిస్, గుత్తేదారు రాజేశ్ సహా మరో ఇద్దరిని పోలీసులు అరెస్ట్ చేశారు. వారిని కోర్టులో హాజరుపరచనున్నామని పోలీసులు తెలిపారు.
Featured News
Sorry, no posts matched your criteria.