India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News November 22, 2024
HYD: ఎంఈ, ఎంటెక్ కోర్సుల పరీక్షా ఫీజు స్వీకరణ
HYD OU పరిధిలోని ఎంఈ, ఎంటెక్ కోర్సుల పరీక్షా ఫీజును స్వీకరిస్తున్నట్లు ఓయూ ఎగ్జామినేషన్ కంట్రోలర్ ప్రొఫెసర్ కే.శశికాంత్‌ ఓ ప్రకటనలో తెలిపారు. ఈ కోర్సుల రెండో సెమిస్టర్ మెయిన్, మొదటి, మూడో సెమిస్టర్ మేకప్ పరీక్షా ఫీజును సంబంధిత కళాశాలల్లో ఈ నెల 25వ తేదీ లోపు చెల్లించాలని అన్నారు. అపరాధ రుసుము రూ.500తో 28వ తేదీ వరకు చెల్లించవచ్చన్నారు. పరీక్షలను వచ్చే నెలలో నిర్వహించనున్నట్లు తెలిపారు.
News November 22, 2024
నేడు శిల్పారామానికి రాష్ట్రపతి
నేడు హైదరాబాద్‌లోని శిల్పారామంలో లోక్ మంథన్ కార్యక్రమాన్ని రాష్ట్రపతి ద్రౌపది ముర్ము ప్రారంభించనున్నారు. ఈ సందర్భంగా వివిధ దేశాల ప్రతినిధులతో మేధోమథన సమావేశం నిర్వహించనున్నారు. ఈ కార్యక్రమంలో గవర్నర్ జిష్ణుదేవ్ వర్మతో పాటు సీఎం రేవంత్ రెడ్డి, కేంద్ర మంత్రి కిషన్ రెడ్డి పాల్గొననున్నారు. రాష్ట్రపతి పర్యటన నేపథ్యంలో పోలీసులు భారీ బందోబస్తును ఏర్పాటు చేశారు.
News November 22, 2024
HYD: Earned Leaves ఇవ్వాలని డిమాండ్
పార్లమెంట్ ఎన్నికల్లో విధులు నిర్వహించిన ఉపాధ్యాయులకు సంపాదిత సెలవులు మంజూరు చేయాలని TS UTF నాయకులు విజ్ఞప్తి చేస్తున్నారు. జనగణనలో పాల్గొంటున్న ఉపాధ్యాయులకు రోజువారి లక్ష్యాలు కేటాయించి ఒత్తిడి తీసుకురావద్దని గురువారం కడ్తాల్ MEO సత్యనారాయణను వినతి పత్రంలో కోరారు. TS UTF నాయకులు గోపాల్ నాయక్, జంగయ్య, శంకర్, మల్లయ్య, విజయ్ కుమార్, నరసింహమూర్తి పాల్గొన్నారు. ఎర్న్డ్ లీవ్స్‌ డిమాండ్‌పై మీ కామెంట్?
News November 21, 2024
హైదరాబాద్ వస్తున్న MLC కారుకు ప్రమాదం
MLC నవీన్ కుమార్ రెడ్డి కారుకు షాద్‌నగర్‌లో ప్రమాదం జరిగింది. స్థానికుల వివరాలు.. బెంగళూరు హైవే మీదుగా హైదరాబాద్ వైపు వెళుతున్న కాన్వాయ్‌కు షాద్‌నగర్ మిలీనియం టౌన్షిప్ సమీపంలో స్కూటీ అడ్డు రావడంతో ఈ ప్రమాదం జరిగింది. ప్రమాదంలో మోటరిస్ట్‌కు గాయాలయ్యాయి. గాయపడిన వ్యక్తిని తన వాహనంలో MLC నవీన్ ఆస్పత్రికి తరలించారు. ఆయన సురక్షితంగా బయటపడ్డట్లు తెలుస్తోంది.
News November 21, 2024
HYD: కానిస్టేబుళ్లలో వారే TOP..!
రాష్ట్ర వ్యాప్తంగా నేడు 8,047 మంది సివిల్, AR, CPL, IT, PTO విభాగాల కానిస్టేబుల్ అభ్యర్థులు పాసింగ్ అవుట్ పరేడ్లో పాల్గొంటున్నారు. ఇంటర్ అర్హతతో పొందే కానిస్టేబుల్ ఉద్యోగంలో 5,470 మంది గ్రాడ్యుయేషన్ పూర్తి చేసినవారే ఉన్నారు. మరోవైపు 1361 మంది పోస్ట్ గ్రాడ్యుయేషన్ సైతం పూర్తి చేశారు. 1755 మంది టెక్నికల్ విద్యను అభ్యసించారు. HYD అంబర్ పేట్ PTC లోనూ పలువురికి ట్రైనింగ్ అందించారు.
News November 21, 2024
HYD: సాఫ్ట్‌వేర్ ఇంజినీర్ ఆత్మహత్య
బిల్డింగ్‌పై నుంచి దూకి సాఫ్ట్‌వేర్ ఇంజినీర్ ఆత్మహత్య చేసుకున్నాడు. పోలీసులు తెలిపిన వివరాలు.. HYD మైండ్ స్పేస్‌లోని ఓ కంపెనీలో సాఫ్ట్‌వేర్ ఇంజినీర్‌గా నవీన్ రెడ్డి (24) పని చేస్తున్నాడు. ఈ క్రమంలో గురువారం ఉదయం 13వ అంతస్తుపై నుంచి దూకి ఆత్మహత్యకు పాల్పడ్డాడు. ఆత్మహత్యకు గల కారణాలను పోలీసులు ఆరా తీస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.
News November 21, 2024
HYD: నల్లా బిల్లులపై జలమండలి GOOD NEWS
గ్రేటర్ HYD నగరంలో పెండింగ్ నల్లా బిల్లులు ఉన్నవారికి జలమండలి ఎండీ అశోక్ రెడ్డి గుడ్‌న్యూస్ తెలిపారు. 2020లో OTS పథకం ద్వారా లబ్ధి పొందిన వారికి 50%, మిగతావారు 100 శాతం రాయితీ పొందొచ్చని ప్రకటిస్తూ నిబంధనలు సడలించారు. OTS స్కీంలో మొదటిసారి లబ్ది పొందే వారికి మాత్రమే గతంలో కేవలం 100% రాయితీ లభించేది. మిగతా అందరికీ 50% రాయితీ మాత్రమే అందించేవారు.
News November 21, 2024
హైదరాబాద్‌లో పెరుగుతోన్న కాలుష్యం!
HYDలో వాయి కాలుష్యం పెరుగుతోంది. సెంట్రల్ పొల్యూషన్ కంట్రోల్ బోర్డు వివరాల ప్రకారం.. అత్యధికంగా సనత్‌నగర్‌లో ఎయిర్ క్వాలిటీ ఇండెక్స్ (AQI) 186గా నమోదైంది. జూపార్క్-168, పటాన్‌చెరు-160, బొల్లారం-113, సెంట్రల్ యూనివర్సిటీ-98, కొంపల్లి-90, నాచారంలో 76గా ఉంది. AQI ఇండెక్స్ 100 నుంచి 200 మధ్య ఉంటే శ్వాసకోశ సంబంధిత వ్యాధులు ఉన్నవారు ఇబ్బందులు పడతారని నిపుణులు హెచ్చరిస్తున్నారు.
News November 20, 2024
HYD: ఇల్లు కట్టుకునే వారికి GOOD NEWS
గ్రేటర్ HYDలో ఇల్లు కట్టుకునే వారికి జలమండలి శుభవార్త తెలిపింది. బిల్డింగ్ పర్మిషన్ కోసం కావాల్సిన వాటర్ ఫీజిబిలిటీ పత్రాన్ని ఇకనుంచి డైరెక్ట్‌గా ఖైరతాబాద్ ప్రధాన కార్యాలయం నుంచి జారీ చేయనున్నట్లు పేర్కొంది. గతంలో స్థానిక CGM కార్యాలయాలలో జారీ చేసేవారు. కానీ వివిధ కారణాలతో తీవ్ర జాప్యం జరిగేది. దీంతో బిల్డింగ్ నిర్మాణానికి ఆలస్యం అయ్యేదని, అందుకే ఈ నిర్ణయం తీసుకున్నామని MD అశోక్ రెడ్డి తెలిపారు.
News November 20, 2024
HYD: తగ్గిన ఫిర్యాదులు.. లెక్కలు ఇవే..!
గ్రేటర్ HYDలో డివిజన్లలో సెప్టెంబర్లో వినియోగదారుల ఇంటి వద్ద చోకేజీ సమస్యలు 12,105 జలమండలి దృష్టికి వచ్చాయి. అదే అక్టోబర్లో 9,697 నమోదై, గత నెలతో పోలిస్తే 2,408 ఫిర్యాదులు తగ్గాయి. అంటే 20% ఫిర్యాదులు తగ్గాయి. సీవరేజ్ ఓవర్ ఫ్లో సమస్యలు సెప్టెంబర్లో 30,105 నమోదు కాగా, అక్టోబర్లో 23,293 నమోదై. గత నెలతో పోలిస్తే 6,812 ఫిర్యాదులు తగ్గాయి. అంటే 23% ఫిర్యాదులు తగ్గినట్లు రిపోర్ట్ వెల్లడించింది.
Featured News
Sorry, no posts matched your criteria.