News November 10, 2024

FLASH: రేపు HYDలో నీళ్లు బంద్

రాజధాని వాసులకు ముఖ్య గమనిక. రేపు (నవరంబర్ 11న) నగరంలోని పలు ఏరియాల్లో నీటి సరఫరా ఉండదు. వాటర్‌ పైప్‌‌లైన్ మరమ్మతుల దృష్ట్యా సోమవారం ఉదయం 6 గంటల నుంచి మంగళవారం ఉదయం 6 వరకు వాటర్ సప్లై నిలిపివేస్తున్నారు. అమీర్‌పేట, SRనగర్, ఎర్రగడ్డ, మూసాపేట, కూకట్‌పల్లి, KPHB, RCపురం, లింగంపల్లి, మియాపూర్, మదీనాగూడ, అమీన్‌పూర్, జగద్గిరిగుట్ట పరిధి ఏరియాల్లో నీటి సరఫరాలో అంతరాయం ఉంటుంది.
SHARE IT

News November 9, 2024

RR: యువత మేలుకో… ఓటరు నమోదు చేసుకో!

ఉమ్మడి రంగారెడ్డి జిల్లా వ్యాప్తంగా ఓటరు నమోదుకు అధికారులు బూత్ స్థాయి ప్రత్యేక డ్రైవ్ నిర్వహించారు. 2025 జనవరి 1 నాటికి 18 ఏళ్లు నిండే వారు ఓటర్లుగా నమోదు చేసుకునేందుకు అవకాశం కల్పించారు. వాళ్లంతా 2024 నవంబర్ 28లోపు దరఖాస్తు చేసుకోవాల్సి ఉంటుంది. ఓటరు నమోదుకుఫాం-6,అభ్యంతరాలకు ఫాం-7,సవరణలకు ఫాం-8 నింపాలి.voters.eci.gov.in లేదా voter helpline యాప్ ద్వారా కూడా దరఖాస్తు చేసుకోవచ్చు.>>1950(TOLL FREE)

News November 9, 2024

HYD: BRS, BJPపై మంత్రి పొన్నం ఫైర్

BRS, BJPపై మంత్రి పొన్నం ప్రభాకర్ మండిపడ్డారు. ఈరోజు HYD నాంపల్లిలోని గాంధీభవన్‌లో ఆయన మాట్లాడుతూ.. KCR, KTR, హరీశ్ రావును అరెస్ట్ చేస్తామని, జైలుకు పంపుతామని గతంలో బండి సంజయ్ అన్నారని గుర్తు చేశారు. కానీ తాము చట్ట ప్రకారం వారిపై చర్యలు తీసుకుంటామని, బండి సంజయ్ సోయి లేకుండా మాట్లాడుతున్నారన్నారు. BRS, BJP ఒక్కటే అని, కులగణన, మూసీ ప్రక్షాళనను అడ్డుకోవద్దని కిషన్ రెడ్డి, లక్ష్మణ్‌ను హెచ్చరించారు.

News November 9, 2024

HYD: శైవ క్షేత్రాలకు ప్రత్యేక బస్సులు బుక్ చేసుకోండి!

పవిత్ర కార్తీక మాసంలో ప్రసిద్ధ శైవ క్షేత్రాలకు భక్తుల సౌకర్యార్థం ప్రత్యేక బస్సులను ఏర్పాటు చేస్తున్నట్లు ఆర్టీసీ ఎండీ వీసీ సజ్జనార్ తెలిపారు. శ్రీశైలం, వేములవాడ, ధర్మపురి, కీసరగుట్ట తదితర దేవాలయాలకు HYD నుంచి ప్రత్యేక బస్సులను నడుపుతున్నామన్నారు. NOV 15న కార్తీక పౌర్ణమి నేపథ్యంలో అరుణాచలానికి ప్రత్యేక ప్యాకేజీని అందిస్తున్నామని, ఏపీ పంచారామాలకు ప్రతి సోమవారం ప్రత్యేక బస్సులు ఉంటాయన్నారు.

News November 9, 2024

HYD: టీవీ చూస్తుండగా విద్యుత్ తీగలు మీద పడి బాలుడి మృతి

షార్ట్‌ సర్క్యూట్‌ కారణంగా ఓ<<14564376>> బాలుడు మృతి <<>>చెందాడు. స్థానికులు తెలిపిన వివరాలు.. HYD కాప్రా మండలం జవహర్‌నగర్‌ ప్రగతినగర్‌లో నివాసముండే శానమ్మ కొడుకు వరుణ్‌ (7) శుక్రవారం సాయంత్రం స్కూల్‌ నుంచి వచ్చి టీవీ చూస్తున్నాడు. ప్రమాదవశాత్తు విద్యుత్‌ తీగలు తెగి పడి మంటలు అంటుకోవడంతో చిన్నారి అక్కడికక్కడే మృతి చెందాడు. ప్రమాదం జరిగినపుడు కుటుంబసభ్యులెవరూ లేరు. పోలీసులు మృతదేహాన్ని గాంధీ ఆస్పత్రికి తరలించారు.

News November 9, 2024

HYD‌లో తగ్గని చికెన్‌ ధరలు!

హైదరాబాద్‌లో చికెన్ ధరలు‌ కొండెక్కాయి. గత నెల రోజులుగా KG రూ. 200కు పైగానే అమ్ముతున్నారు. కార్తీక మాసం ప్రారంభమైనప్పటికీ ధరలు యథావిధిగా ఉన్నాయని చికెన్ ప్రియులు చెబుతున్నారు. శుక్రవారం స్కిన్‌లెస్ రూ. 234 నుంచి రూ. 245 వరకు విక్రయించారు. విత్ స్కిన్ రూ. 200 నుంచి రూ. 215 మధ్య అమ్మకాలు జరిపారు. శనివారం కూడా ఇదే విధంగా ధరలు ఉండనున్నాయి. మీ ఏరియాలో‌ ధరలు ఏ విధంగా ఉన్నాయి.

SHARE IT

News November 9, 2024

HYD: పొగ మంచు.. ఇదీ పరిస్థితి!

HYD నగర శివారు, RR, MDCL, VKB జిల్లాలోని పలుచోట్ల 17 డిగ్రీల ఉష్ణోగ్రత సైతం నమోదవుతోంది. చలితో పాటు, పొగ మంచు ఉంటుంది. పొగ మంచు కారణంగా ప్రతి సంవత్సరం భారతదేశంలో దాదాపు 40 వేల ప్రమాదాల్లో 600 మంది మృత్యువాత పడుతున్నారు. 16,000 మంది గాయాల పాలవుతున్నారు. HYD నగరంలో ఏటా సగటున 380 నుంచి 400 ప్రమాదాలు చోటు చేసుకుంటుండగా.. 50 మంది చనిపోతున్నారు. అధిక పొగ మంచులో అధికారులు డ్రైవింగ్ వద్దంటున్నారు.

News November 8, 2024

HYD: MLA మనవరాలి టాలెంట్ చూసి KTR ఫిదా..!

7వ తరగతి చదువుతున్న పట్లోళ్ల అక్షయిని రెడ్డి టాలెంట్ చూసి BRS వర్కింగ్ ప్రెసిడెంట్ KTR ఫిదా అయ్యారు. చిన్న వయసులోనే ‘ట్రయల్ ఆఫ్ మిస్ ఫార్చున్’ అనే పుస్తకాన్ని రాసిన అక్షయిని రెడ్డి తన టాలెంట్ ఏంటో నిరూపించారు. అక్షయిని రెడ్డి మహేశ్వరం ఎమ్మెల్యే సబితా ఇంద్రారెడ్డి మనవరాలు. ఆటమ్ అనే అమ్మాయి కథే ‘ట్రయల్ ఆఫ్ మిస్ ఫార్చున్’ పుస్తకం అని వారు తెలిపారు.

News November 8, 2024

HYD: ప్రభుత్వ పాఠశాలలపై పర్యవేక్షణ ఎక్కడ?

HYD, RR, మేడ్చల్ జిల్లాల్లో 3,70,357 మంది విద్యార్థులు ప్రభుత్వ స్కూల్లో చదువుతున్నారు. అయితే పాఠశాలలపై అనునిత్యం జరగాల్సిన తనిఖీలు జరగడం లేదు. అధికారులకు నెలనెలా తనిఖీలు చేసి పరిస్థితి ఎలా ఉంది..? విద్యార్థులకు అన్ని వసతులు ఉన్నాయా..? పాఠశాలకు, పిల్లలకు ఏం అవసరం..? అనే వివరాలు రికార్డు చేయాల్సి ఉంది. కానీ.. అది జరగడం లేదంటున్నారు. దీంతో పలుచోట్ల పిల్లలే రోడ్లపైకి వచ్చి ధర్నా చేస్తున్నారు.

News November 8, 2024

HYD: గల్లీకో హోటల్.. తనిఖీ చేసేవారు కొందరే..!

HYDలో 74 వేలకు పైగా రెస్టారెంట్లు ఉంటే.. సుమారు 23 మంది మాత్రమే ఫుడ్ ఇన్‌స్పెక్టర్లు ఉన్నారు. అంటే 3,552 రెస్టారెంట్లకు ఒక తనిఖీ అధికారి ఉన్నారు. దీన్నిబట్టి గమనిస్తే అధికారుల కొరత ఎంత ఉందో అర్థమవుతుంది. అధికారి రోజుకు 10 హోటళ్లలో తనిఖీ చేసినప్పటికీ, ఏడాదిలో అన్ని హోటళ్లు తనిఖీ చేయడం అసాధ్యమైన పనిగా కనిపిస్తోంది. వెంటనే తనిఖీ చేసే అధికారుల సంఖ్య పెంచాల్సిన అవసరం ఉంది.