India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News November 4, 2024
HYD నగరానికి మెగా మాస్టర్ ప్లాన్-2050
HYD నగర శివారులో రానున్న ఆర్ఆర్ఆర్ వరకు రాష్ట్ర ప్రభుత్వం అంతర్జాతీయ కన్సల్టెన్సీలతో మెగా మాస్టర్ ప్లాన్-2050 తయారు చేస్తోంది. దాదాపు 12 వేల చదరపు కిలోమీటర్ల మేర మొబిలిటీ ప్లాన్ సిద్ధం చేస్తున్నారు. నివాస ప్రాంతాలపై అధికారులు దృష్టి సారించారు. 2050 నాటికి నగరంలో పెరిగే జనాభాను దృష్టిలో పెట్టుకుని ఆర్థిక ప్రణాళిక సైతం తయారు చేస్తున్నట్లు వారు తెలిపారు.
News November 4, 2024
HYD: మ్యాన్‌హోళ్లలో బ్లేడ్లు, సానీటరీ ప్యాడ్లు
గ్రేటర్ HYDలో మ్యాన్ హోళ్ల క్లీనింగ్ డ్రైవ్‌పై విస్తు పోయే నిజాలు వెలుగులోకి వచ్చాయి. మ్యాన్ హోళ్లలో బ్లేడ్లు, ప్యాంపర్లు, క్లాత్, ప్లాస్టిక్ కవర్లు, సానిటరీ ప్యాడ్లు ప్రమాదకర గుండు సూదులు, మొక్కలు బయటపడ్డాయి. కార్మికులు తీవ్ర అవస్థలు పడుతూ క్లీనింగ్ చేయాల్సిన పరిస్థితి ఏర్పడింది. వీటితోనే నాలాల పైపులు పదేపదే జాం అవుతున్నట్లు తెలుస్తోంది. వీటిని అరికట్టేందుకు ప్రత్యేక చర్యలు చేపట్టాల్సిందే..!
News November 4, 2024
UPDATE.. HYD: వాష్ రూమ్‌లో అత్యాచారం!
వాష్ రూమ్‌కు వెళ్లిన 20 ఏళ్ల యువతిపై మార్ట్ సూపర్‌వైజర్ ఖాజాబషీర్ (35) అత్యాచారం చేసిన దారుణ ఘటన HYD ఘట్కేసర్ పీఎస్ పరిధిలో జరిగిన విషయం తెలిసిందే. పోలీసుల ప్రకారం.. ఈ ఘటన నెల క్రితం జరిగింది. యువతి ఇటీవల కళ్లు తిరిగి పడిపోవడంతో పరీక్షలు నిర్వహించగా గర్భం దాల్చినట్లు తేలింది. యువతిని నిందితుడు బెదిరించడంతో ఎవరికీ చెప్పలేదు. పోలీసులు కేసు నమోదు చేసి బషీర్‌ను అదుపులోకి తీసుకున్నారు.
News November 4, 2024
HYD: చెరువుల పునరుద్ధరణకు హైడ్రా స్టడీ టూర్..!
చెరువుల పునరుద్ధరణపై అధ్యయనానికి హైడ్రా బృందం బెంగళూరుకు స్టడీ టూర్ వెళ్లనుంది. హైడ్రా కమిషనర్ రంగనాథ్ సహా మరి కొంతమంది ఇందులో పాల్గొననున్నారు. అక్కడచెరువుల పునరుజ్జీవం ఎలా జరిగిందో స్టడీ చేస్తారు. ఈ టూర్ అనంతరం ఇక్కడకు వచ్చి బాచుపల్లిలోని ఎర్రకుంటచెరువు, మాదాపూర్ సున్నంచెరువు, కూకట్‌పల్లిలోని నల్లచెరువు, రాజేంద్రనగర్‌లోని అప్పా చెరువుల పునరుద్ధరణ చేపడతారు.
News November 4, 2024
మరింత అందంగా మన హైదరాబాద్
మన హైదరాబాద్‌ను జీహెచ్ఎంసీ మరింత అందంగా ముస్తాబుచేస్తోంది. బల్దియా పరిధిలోని అన్ని జంక్షన్లను సుందరీకరిస్తున్నారు. ఎల్బీనగర్, బషీర్‌బాగ్, ఖైరతాబాద్, పంజాగుట్ట, కూకట్‌పల్లి, హయత్‌నగర్‌, బీఎన్‌రెడ్డినగర్‌తో పాటు ఇతర ఏరియాల్లోని ఫ్లై ఓవర్లు, జంక్షన్ల వద్ద రంగు రంగుల బొమ్మలు గీస్తున్నారు. ట్రాఫిక్ సిగ్నళ్ల వద్ద ఈ చిత్రాలు వాహనదారులను ఆకట్టుకుంటున్నాయి.
News November 3, 2024
HYD: చికెన్ ఫ్రైలో పురుగుపై కోర్టులో కేసు
హైదరాబాద్‌లోని సైబర్ టవర్స్ ఎదురుగా ఉన్న మెహ్ ఫిల్ రెస్టారెంట్లో స్విగ్గి ద్వారా అనిరుద్ అనే వ్యక్తి చికెన్ నూడిల్స్, చికెన్ ఫ్రై, తదితర ఆర్డర్ చేయగా.. చికెన్ ఫ్రైలో పురుగు వచ్చిన సంగతి తెలిసిందే. జీహెచ్ఎంసీకి ఫిర్యాదు అందించగా, యంత్రాంగం కదిలింది. పూర్తిగా తనిఖీలు చేపట్టిన అధికారులు, అసురక్షిత ఆహార పదార్థాలను గమనించి, టెస్టింగ్ కోసం శాంపిల్స్ సేకరించారు. దీనిపై కోర్టులో కేసు వేస్తామని తెలిపారు.
News November 3, 2024
మూసి నిర్వాసితులకు 2BHK..చకచకా పనులు
మూసి నిర్వాసితులకు అంబర్పేట, హిమాయత్ నగర్ ముసారం బాగ్, కేసీఆర్ నగర్ పరిధిలో కొందరికి ఇప్పటికే 2BHK ఇండ్లను పట్టాలిచ్చి ఖాళీ చేయించారు. మరోవైపు పిల్లిగుడిసెల కాలనీ, ప్రతాప సింగారం, సాయి చరణ్ కాలనీ, కమలానగర్, కొల్లూరు, గాంధీనగర్, జై భవాని నగర్, తిమ్మాయిగూడ, నార్సింగి, బండ్లగూడ, పోచంపల్లి బాచుపల్లి ఇలా మొత్తం దాదాపు 14 ప్రాంతాలకు మూసి నిర్వాసితులను తరలించేందుకు అధికారులు సిద్ధం చేశారు.
News November 3, 2024
ఉప్పల్: NVSS Vs మున్షీ.. నవంబర్ 5న విచారణ..!
ఉప్పల్ నియోజకవర్గ మాజీ ఎమ్మెల్యే NVSS ప్రభాకర్, కాంగ్రెస్ AICC ఇన్‌ఛార్జి దీపాదాస్ మున్షీపై చేసిన వ్యాఖ్యలకు వ్యతిరేకంగా వేసిన పరువు నష్టం కేసు విచారణ నవంబర్ 5న జరగనుంది. నాంపల్లి కోర్టులో గత సేషన్లో NVSS కోర్టుకు రాకపోవడంతో ఈనెల 5న చివరి అవకాశం ఇచ్చింది. ముడుపుల కింద కాంగ్రెస్ నాయకుల నుంచి దీపాదాస్ మున్షీ బెంజ్ కార్ తీసుకున్నారని NVSS ఆరోపించారు.
News November 3, 2024
గ్రేటర్ HYDలో నియోజకవర్గాల సంఖ్య పెరిగే CHANCE?
2025-26లో దేశ వ్యాప్తంగా జనగణన జరగనుంది. జనాభా ప్రాతిపదికన అసెంబ్లీ నియోజకవర్గాల స్థానాలు పెరగనున్నాయి. ఇదే తరుణంలో రాష్ట్రంలో ప్రస్తుతం ఉన్న 119 స్థానాలు, 153కు చేరే అవకాశం ఉండగా.. గ్రేటర్ HYDలో ప్రస్తుతం ఉన్న 24 నియోజకవర్గాలు కాస్త.. 50కి చేరే అవకాశం ఉందని రాజకీయ నిపుణులు అంచనా వేస్తున్నారు.
News November 3, 2024
తెలంగాణకు స్లీపర్ వందే భారత్ తీసుకువస్తాం: కిషన్ రెడ్డి
తెలంగాణ రాష్ట్రానికి స్లీపర్ వందే భారత్ రైలును సైతం తీసుకువస్తామని HYDలో కేంద్రమంత్రి కిషన్ రెడ్డి అన్నారు. HYD నగరంలో చర్లపల్లి, సికింద్రాబాద్, హైటెక్ సిటీ, బేగంపేట లాంటి అనేక రైల్వే స్టేషన్ల పునరుద్ధరణకు కేంద్ర ప్రభుత్వం శ్రీకారం చుట్టిందన్నారు. రైల్వే రంగాన్ని బలోపేతం చేసి, ప్రజలకు మెరుగైన రవాణా సౌకర్యాన్ని కల్పిస్తున్నామని తెలిపారు.
Featured News
Sorry, no posts matched your criteria.