India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News January 7, 2025
HYD: నుమాయిష్‌కు వెళుతున్నారా? నేడు లేడీస్ డే..!
84వ నుమాయిష్ ఎగ్జిబిషన్‌లో మంగళవారం లేడీస్ డే నిర్వహిస్తున్నట్లు ఎగ్జిబిషన్ సొసైటీ ఉపాధ్యక్షుడు కే.నిరంజన్, కార్యదర్శి సురేందర్ రెడ్డి వెల్లడించారు. ఎగ్జిబిషన్ మంగళవారం కేవలం మహిళలకు మాత్రమే ప్రవేశం ఉంటుందన్నారు. మహిళలకు పలు సాంస్కృతిక కార్యక్రమాలు నిర్వహిస్తామని వివరించారు. ఉమెన్స్ స్పెషల్ డే ప్రోగ్రామ్‌కు రాష్ట్ర జైళ్ల శాఖ ఐజీ డాక్టర్ సౌమ్య మిశ్రా పాల్గొంటున్నట్లు తెలిపారు.
News January 7, 2025
పార్లమెంటులో బీసీ బిల్లుకు ఓత్తిడి పెంచాలి: కృష్ణయ్య
పార్లమెంటులో బీసీ బిల్లుకు చంద్రబాబునాయుడు కేంద్రంపై ఓత్తిడి పెంచాలని బీసీ సంక్షేమ సంఘం జాతీయ అధ్యక్షుడు, ఎంపీ ఆర్.కృష్ణయ్య కోరారు. బషీర్‌బాగ్ ప్రెస్‌క్లబ్లో ఆంధ్రప్రదేశ్ బీసీ సంక్షేమ సంఘం కార్యకర్తల ముఖ్యనాయకుల సమావేశం నిర్వహించారు. ఈ సందర్భంగా ఏపీ బీసీ సంక్షేమ సంఘం అధ్యక్షుడిగా బోను దుర్గా నరేశ్‌ను ఎంపిక చేసి, ఆయనకు నియామకపత్రం అందచేశారు.
News January 7, 2025
RR జిల్లాలో 36,62,221 మంది ఓటర్లు
రంగారెడ్డి జిల్లా ముసాయిదా ఓటరు జాబితాను కలెక్టర్ నారాయణరెడ్డి ప్రకటించారు. నియోజకవర్గాల వారీగా పోలింగ్ బూత్లు, ఓటర్ల వివరాలను ఆయన తెలిపారు. జిల్లాలో మొత్తం ఓటర్ల సంఖ్య 36,62,221 మంది ఉన్నారు. వీరిలో 18,88,270 మంది పురుషులు, 1,887,782 మంది మహిళలు, 488 మంది ట్రాన్స్‌జెండర్‌లు ఉన్నారు. జిల్లా వ్యాప్తంగా 8,501 పోలింగ్ కేంద్రాలు ఉన్నట్లు కలెక్టర్ తెలిపారు.
News January 7, 2025
HYD: ఒంటరి పోరాటంతో.. బ్యాక్ లాగ్ ఉద్యోగాల భర్తీ!
HYD వేదికగా నిర్మల్ వాసి నరిమెట్ల వంశీ, TSPLRB-2018 పోలీస్ కానిస్టేబుల్ బ్యాక్‌లాగ్ ఉద్యోగాల కోసం పోలీస్ బోర్డుపై చేసిన న్యాయ పోరాటం ఫలించింది. నోటిఫికేషన్లో 1370 పోస్టుల్లో ఎవరు చేరక పోవటంతో, ఆ ఖాళీలను తదుపరి లిస్ట్ అభ్యర్థులకు ఇవ్వాలని హైకోర్టు, సుప్రీంకోర్టు కోర్టు మెట్లు ఎక్కారు. కోర్టు మెట్లెక్కిన దాదాపు 100 మందికి 2024లో ఉద్యోగాలు వచ్చాయన్నారు. తన 6 ఏళ్ల ఒంటరి పోరాటాన్ని అభినందిస్తున్నారు.
News January 7, 2025
HYDలో భారీగా పెరిగిన ఓటర్లు
రాష్ట్రవ్యాప్తంగా తుది ఓటరు జాబితా విడుదలైంది. రంగారెడ్డి, HYD, మేడ్చల్ జిల్లాలోని అన్ని నియోజకవర్గాల్లో కలిపి 1.12 కోట్ల మంది ఓటర్లు ఉన్నారు. రంగారెడ్డి జిల్లాలోని శేరిలింగంపల్లి నియోజకవర్గం అత్యధికంగా 7.65 లక్షల మంది ఓటర్లతో మొదటి స్థానంలో ఉండగా.. 2.32 లక్షలమంది ఓటర్లతో చివరి స్థానంలో చార్మినార్ ఉంది. కేవలం ఒక్క ఏడాదిలోనే 2 లక్షల మంది ఓటర్లు పెరిగినట్లు అధికారులు తెలిపారు.
News January 7, 2025
HYD: బాలికపై అత్యాచారం.. నిందితుడికి 20ఏళ్ల జైలు
మైనర్ బాలికపై లైంగిక దాడి కేసులో నిందితుడికి 20ఏళ్ల జైలు శిక్ష, రూ.15వేల జరిమానా విధిస్తూ రంగారెడ్డి కోర్టు తీర్పు ఇచ్చింది. 2018లో వనస్థలిపురం PS పరిధిలో తాపీ మేస్త్రిగా పనిచేసే కార్తిక్(22) ఓ బాలికను ప్రేమ పేరుతో మభ్యపెట్టి లైంగిక దాడికి పాల్పడ్డాడు. ఈ ఘటనలో నిందితుడిపై పోక్సో కేసు నమోదైంది. ఈ కేసుపై విచారణ చేపట్టిన న్యాయమూర్తి ఈ మేరకు తీర్పు వెల్లడించారు.
News January 7, 2025
సంక్రాంతి తర్వాత రైతు భరోసా డబ్బులు: మంత్రి తుమ్మల
రైతు భరోసా డబ్బులను సంక్రాంతి పండగ తర్వాత రైతుల ఖాతాల్లో జమచేస్తామని మంత్రి తుమ్మల నాగేశ్వరరావు అన్నారు. సోమవారం చేవెళ్ల మండల కేంద్రంలో వ్యవసాయ మార్కెట్ దుకాణాల సముదాయం గోదాములను స్పీకర్ ప్రసాద్ కుమార్, ఎమ్మెల్యే యాదయ్యతో కలిసి మంత్రి ప్రారంభించారు. రైతుల అభివృద్ధి సంక్షేమమే లక్ష్యంగా తెలంగాణ ప్రభుత్వం, సీఎం రేవంత్ రెడ్డి పని చేస్తున్నారని చెప్పారు.
News January 7, 2025
HYD: భారీగా పట్టుబడ్డ నకిలీ పన్నీరు
హైదరాబాద్ అల్వాల్ పోలీస్ స్టేషన్ పరిధిలోని పిసరి ఎంక్లేవ్‌లో నకిలీ పన్నీరు భారీ మొత్తంలో పట్టుబడింది. విశ్వసనీయ సమాచారంతో నకిలీ పన్నీరు తయారు కేంద్రంపై ఎస్ఓటీ పోలీసులు దాడులు చేపట్టారు. నిందితులను పట్టుకొని అల్వాల్ పోలీసులకు అప్పగించారు. అక్కడ సుమారు 600 కిలోల పన్నీరు, కొన్ని రకాల కెమికల్స్ సీజ్ చేసినట్లు పోలీసులు తెలిపారు. బేగం బజార్‌కు చెందిన ఓ వ్యాపారి దీన్ని నిర్వహిస్తున్నట్టు సమాచారం.
News January 6, 2025
HYD: హైడ్రా ఆధ్వర్యంలో ప్రజావాణి
ప్రతి సోమవారం ఉదయం 11 గం. నుంచి సాయంత్రం 5 గంటల వరకు ప్రజావాణి నిర్వహణ జరుగుతుందని హైడ్రా అధికారులు పేర్కొన్నారు. బుద్ధ భవన్‌లో హైడ్రా ప్రజావాణి కార్యక్రమాన్ని నిర్వహించారు. ఈ కార్యక్రమంలో హైడ్రా కమిషనర్ రంగనాథ్, అధికారులు పాల్గొన్నారు. ఈ సందర్భంగా ప్రభుత్వ పార్కులు, స్థలాలు, చెరువులకు సంబంధించి ఆక్రమణలపై నేరుగా ప్రజల నుంచి ఫిర్యాదులు స్వీకరించారు.
News January 6, 2025
HYD: రాచకొండ పోలీసుల ఆపరేషన్ స్మైల్- XI
రాచకొండ పోలీసులు ఆపరేషన్ స్మైల్- XI కార్యక్రమాన్ని ప్రారంభించారు. ఈ చర్యతో బాల కార్మికతను నిర్మూలించడం, బాలలకు విద్యను హక్కుగా పరిచయం చేయడం లక్ష్యంగా పెట్టుకున్నారు. విద్య హక్కు, ప్రత్యేక హక్కు కాదనే నినాదంతో, ఈ ప్రచారంలో బాలలకు విద్యను అందించేందుకు చర్యలు చేపట్టారు. పౌర సమాజం సహకారంతో బాలల హక్కుల పరిరక్షణకు కృషి చేస్తున్న రాచకొండ పోలీస్ శాఖ, ప్రజలను భాగస్వాములు కావాలని ఆహ్వానిస్తోంది.
Featured News
Sorry, no posts matched your criteria.