India's largestHyperlocal short
news App
Get daily news updates that are tailored for you based on your preferred language & location.
download Way2News app now
RangaReddy
News October 1, 2024
సోనూసూద్ వద్దకు దామగుండం సమస్య
దామగుండం అటవీ సమస్యను పూడూరు నాయకులు నటుడు, సామాజికవేత్త సోనుసూద్‌కు వివరించారు. వికారాబాద్ జిల్లా పూడూరు దామగుండంలో నేవీ రాడార్ ఏర్పాటైతే అడవి పూర్తిగా నాశనం అవుతుందని వాపోయారు. దీని ఏర్పాటుకు అడవిలో మొక్కలు, వృక్షాలు నరికేస్తారని, మూగజీవాలు అంతరించిపోతాయని ఆవేదన వ్యక్తం చేశారు. దీని గురించి పరిశోధించి ఆ తర్వాత కార్యచరణ చెబుతానని ఆయన భరోసా ఇచ్చారు.
News October 1, 2024
HYD: వచ్చే వేసవి కోసం రూ.384 కోట్లతో ప్రణాళిక
గ్రేటర్ HYD, RR, మేడ్చల్ ప్రాంతాల్లో వచ్చే వేసవిలో కరెంటు లోడు సమస్యలు తలెత్తకుండా ముందస్తు జాగ్రత్తగా ప్రణాళిక సిద్ధం చేస్తున్నారు. వేసవి కార్యాచరణపై విద్యుత్ సంస్థ దృష్టి పెట్టినట్లుగా ఎండి ముషారఫ్ ఫరూఖీ తెలిపారు. రూ.384 కోట్లతో HYD, మేడ్చల్, రంగారెడ్డి జోన్లలో ప్రత్యేక 33/11KV ఉప కేంద్రాల ఏర్పాటు, ప్రత్యేక ఫీడర్లు ఏర్పాటుచేయనున్నట్లు తెలిపారు.
News October 1, 2024
HYD: రూ.కోట్ల డ్రగ్స్ దందా.. దేశవ్యాప్తంగా లింకులు!
HYD నగరం నుంచి డ్రగ్స్ దందా నడుపుతున్న ముఠాల సభ్యులకు దేశవ్యాప్తంగా లింకులు ఉన్నట్లు బయటపడింది. గంజాయి, అల్ఫ్రాజోలం, ఎంఫిటమైన్, MDM, హాష్ ఆయిల్ సహా అనేక రకాల డ్రగ్స్ తెలంగాణ రాష్ట్రంలో విక్రయిస్తున్న ముఠా సభ్యులకు కర్ణాటక, మహారాష్ట్ర, కేరళ, తమిళనాడు రాష్ట్రాల్లో డ్రగ్స్ డీలర్లతో సంబంధాలు ఉన్నట్లు పలు విచారణల్లో వెల్లడైంది. HYD నగరంలో డ్రగ్స్ దందాను ఒక వ్యాపారంగా చేస్తున్నారు.
News October 1, 2024
రాజస్థాన్‌లో HYD పోలీస్ ఆపరేషన్ SUCCESS
రాజస్థాన్‌లో తెలంగాణ సైబర్ సెక్యూరిటీ బ్యూరో పోలీసులు భారీ ఆపరేషన్ నిర్వహించారు. రాజస్థాన్ కేంద్రంగా చేసుకుని సైబర్ నేరాలకు పాల్పడుతున్న కేటుగాళ్లకోసం రిక్కీ నిర్వహించారు. పక్కా ప్లాన్‌తో వారి స్థావరాలపై మెరుపుదాడి చేసి 27 మందిని అరెస్ట్ చేశారు.
News October 1, 2024
HYD: పెత్తర అమావాస్యకు పెద్ద చిక్కు..!
ఏడాదికి ఒక్కసారి పెద్దలకు నైవేద్యం పెట్టుకునే పెత్తర అమావాస్యకు పెద్ద చిక్కు వచ్చి పడింది. అదే రోజు గాంధీ జయంతికి మాంసాహారం, మందు షాపులు బంద్ కానున్నాయి. దీంతో HYD,RR,VKB,మేడ్చల్ మల్కాజిగిరి, ప్రజలు పెత్తర అమావాస్య జరుపుకునేది ఎలా అనే ఆలోచనలో పడ్డారు. ఈ క్రమంలో కొందరు మంగళవారం లేదా గురువారం చేసుకోవడానికి ఆసక్తి చూపగా.. పంతుళ్లు మాత్రం మంగళవారమే చేసుకోవాలని అంటున్నారట.
News October 1, 2024
VKB జిల్లాలో ప్రసిద్ధిగాంచిన దేవాలయాలు
VKB జిల్లాలో ప్రసిద్ధిగాంచిన దేవాలయాలు ఉన్నాయి. కుల్కచర్ల పాంబండ, కొడంగల్‌ శ్రీ వేంకటేశ్వర స్వామి దేవాలయం, తాండూరులో భూకైలాస్‌, భద్రేశ్వర ఆలయం, జుంటుపల్లి సీతారాముల దేవాలయం, ఏకాంభరేశ్వరాలయం, పూడూరు దామంగం రామలింగేశ్వర స్వామి, పరిగి వేంకటేశ్వర స్వామి దేవాలయం, వికారాబాద్ శ్రీ బుగ్గరామలింగేశ్వర ఆలయాలు ఆధ్యాత్మిక నిలయాలుగా కొలువయ్యాయి.
News October 1, 2024
HYD జిల్లాలో TOP ర్యాంకర్ల లిస్ట్ ఇదే
HYD జిల్లాలో DSC ఫలితాల్లో SGT కే.స్వప్న 89.70, SGT(spl) జే. ఉపేంద్ర-82.90, హిందీ పండిట్ ఆర్.మహాలక్ష్మి-79.97, దత్తాత్రేయ మరాఠీ-49.10, వి.సంపత్ కుమార్ తెలుగు-78.50, యాస్మిన్ ఖానం ఉర్దూ-78.37, బి.సంతోష PET-72.50, ఎస్.తులసి స్కూల్ అసిస్టెంట్ బయాలజీ-82.70, డీ.సాయి దీప్తి ఇంగ్లిష్-79.17, ఆర్.మహాలక్ష్మి హిందీ 71.47, కే.గోపాల్ గణితం-84.87, కే.విద్యాసాగర్ (PE)-66.50 స్కోర్లతో టాపర్లుగా నిలిచారు.
News October 1, 2024
HYDలో విడాకులు ఎక్కువగా తీసుకునేది వీరే!
గ్రేటర్ హైదరాబాద్‌లోని కుటుంబ న్యాయస్థానాల్లో ప్రతీనెల 300కు పైగా విడాకుల కేసులు నమోదవుతున్నాయి. చిన్నాచితక సమస్యలను సైతం ఆలుమగలు అర్థం చేసుకోకపోవడంతో కౌన్సెలింగ్ సెంటర్లకు 10 నుంచి 15% మంది వెళ్తున్నారంటే సమస్య ఎంత జటిలంగా ఉందో అర్థమవుతోంది. వీరిలో అత్యధికంగా 25 నుంచి 35లోపు వయసు ఉన్న జంటలు 75% ఉండగా.. వారిలో ఐటీ ఉద్యోగులు ఎక్కువమంది ఉంటున్నారని తేలింది.
News September 30, 2024
HYD: దసరాకు 6 వేల ప్రత్యేక బస్సులు: వీసీ సజ్జనార్
దసరాకు 6 వేల ప్రత్యేక బస్సులను నడుపుతామని టీజీఎస్ఆర్టీసీ ఎండీ వీసీ సజ్జనార్ వెల్లడించారు. ఎంజీబీఎస్, జేబీఎస్, ఎల్బీన‌గ‌ర్, ఉప్ప‌ల్, ఆరాంఘ‌ర్, సంతోష్ నగర్, కేపీహెచ్‌బీ, రూట్‌ల నుంచి స్పెష‌ల్ స‌ర్వీసులను అందుబాటులో తీసుకొస్తామన్నారు. ముందస్తు రిజర్వేషన్ కోసం సంస్థ అధికారిక వెబ్ సైట్ tgsrtbus.in.ని సమాచారం కోసం త‌మ కాల్‌ సెంటర్‌ నంబర్లు 040-69440000, 040-23450033ను సంప్రదించాల‌న్నారు.
News September 30, 2024
HYD: మూసీ నిర్వాసితులపై BRS మొసలి కన్నీళ్లు: మంత్రి
మూసీ నిర్వాసితులపై బీఆర్ఎస్ వాళ్లు మొసలి కన్నీళ్లు కారుస్తున్నారని ఐటీ శాఖ మంత్రి శ్రీధర్ బాబు విమర్శించారు. HYDలో ఆయన మాట్లాడుతూ.. హైడ్రా అంశాన్ని బీఆర్ఎస్ భూతద్దంలో పెట్టి చూపించే ప్రయత్నం చేస్తోందని ఆరోపించారు. గతంలో రైతు సోదరులపై బుల్డోజర్లు పంపించింది బీఆర్ఎస్ ప్రభుత్వమే అని మండిపడ్డారు. మూసీ నిర్వాసితులకు తాము అండగా ఉంటామని, HYDను బెస్ట్ సిటీగా మారుస్తామని స్పష్టం చేశారు.
Featured News
Sorry, no posts matched your criteria.