India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News July 28, 2024
WGL: బోనం ఎత్తుకున్న ఎమ్మెల్సీ తీన్మార్ మల్లన్న
బోనాల వేడుకల సందర్భంగా హైదరాబాద్ పాత బస్తీలోని ఆర్యబాద్ ఆలయంలో మైసమ్మ తల్లిని గ్రాడ్యుయేట్ ఎమ్మెల్సీ తీన్మార్ మల్లన్న దర్శించుకుని ప్రత్యేక పూజలు చేశారు. అంతకు ముందు ఎమ్మెల్సీ మల్లన్న బంగారు బోనం ఎత్తుకొని అక్కడ కాసేపు సందడి చేశారు. బోనాల పండుగ వేడుకల్లో పాల్గొనడం సంతోషంగా ఉందని మల్లన్న చెప్పారు.
News July 28, 2024
బొగత జలపాతం వద్ద పోలీస్ సెక్యూరిటీ ఏర్పాటు
వాజేడు మండలంలోని బొగత జలపాతం సందర్శన నేడు ప్రారంభించిన విషయం తెలిసిందే. కాగా సందర్శనకు వచ్చే పర్యాటకులకు ఎటువంటి ప్రమాదాలు జరగకుండా స్థానిక ఎస్సై హరీష్ ఆధ్వర్యంలో ప్రత్యేక దుస్తులతో పోలీసులను ఏర్పాటు చేసినట్లు తెలిపారు. పర్యాటకులు నిబంధనలు పాటించాలని, క్షేమంగా తమ ఇళ్లకు చేరుకోవాలని ఎస్ఐ కోరారు. నిబంధనలు అతిక్రమించి జలపాతంలోకి దిగితే చర్యలు తీసుకుంటామని హెచ్చరించారు.
News July 28, 2024
WGL: రామప్పను సందర్శించిన నేషనల్ గైడ్స్
యునెస్కో ప్రపంచ వారసత్వ సంపదగా గుర్తింపు పొందిన రామప్ప దేవాలయాన్ని ఆదివారం నేషనల్ గైడ్స్ సందర్శించారు. ఈ నేపథ్యంలో ఆలయంలోని రామలింగేశ్వర స్వామిని దర్శించుకుని రామప్ప చారిత్రక విషయాలను, శిల్పకళా నైపుణ్యాన్ని గురించి టూరిజం గైడ్ గోరంట్ల విజయ్ కుమార్ ద్వారా తెలుసుకున్నారు. అనంతరం నంది విగ్రహం వద్ద ఫొటో తీయించుకున్నారు.
News July 28, 2024
వరంగల్ : చింతచిగురు @కిలో రూ.500
వానాకాలంలో చింతచిగురు లభిస్తోంది. దీంట్లో పొషకాలు అధికంగా ఉండటంతో జనాలు దీన్ని తినేందుకు ఆసక్తి కనబరుస్తారు. నగరంలో చింతచిగురు తక్కువ దొరకడంతో ఆదివారం మట్టెవాడ, మండిబజార్ తదితర ప్రాంతంలో రూ.500 రేటు పలుకుతోంది. ఎలాంటి రసాయనాలు లేకపోవడం, ప్రకృతి సిద్ధంగా లభించడంతో దీనికి ఇంతలా డిమాండ్ ఉంది.
News July 28, 2024
భూపాలపల్లి జిల్లాలో 450mm వర్షపాతం
భూపాలపల్లి జిల్లావ్యాప్తంగా ఆదివారం ఉదయం 8 గంటల వరకు 450.0 MM వర్షపాతం నమోదైనట్లు వాతావరణశాఖ అధికారులు తెలిపారు.. పలు మండలాల వివరాలు చూస్తే
మహదేవపూర్ 35.6, పలిమెల 12.4, మహాముత్తారం 75. 2, కాటారం87.2, మల్హర్ 41.0, చిట్యాల 38.4, టేకుమట్ల 33.6, మొగుళ్లపల్లి 35. 2, రేగొండ:25. 2, ఘనపూర్ 22.4 భూపాలపల్లి 43.8 మి.మీటర్ల వర్షపాతం నమోదైంది.
News July 28, 2024
వరంగల్: భార్యకు భారమవుతున్నానని ఆత్మహత్య
శనివారం<<13717360>> రైలుకిందపడి<<>> ఒకరు మృతిచెందిన విషయం తెలిసిందే. ఆ ఘటన సంబంధించిన పూర్తి వివరాలిలా.. నల్లబెల్లికి చెందిన వడ్లూరి సత్యం (43) ఓ ప్రైవేటు బ్యాంకులో పనిచేసేవారు. ఓ ప్రమాదంలో తలకు గాయమైనప్పటి నుంచి మానసిక సమస్యలతో బాధపడుతూ.. ఇంట్లోనే ఉంటున్నాడు. భార్య రాణి స్థానిక పాఠశాలలో ఆయాగా పనిచేస్తున్నారు. ఈ క్రమంలో భార్యకు భారమవుతున్నాననే బాధతో.. శనివారం ఆత్మహత్య చేసుకున్నాడు.
News July 28, 2024
వరంగల్: బోడ కాకరకాయకు భలే డిమాండ్
బోడ కాకర కు మార్కెట్లో మంచి గిరాకీ ఉంది. ఏడాదిలో కేవలం నెల నెలన్నర రోజులు మాత్రమే ఇది మార్కెట్‌కు వస్తోంది. ఆరోగ్యానికి ఎంతో మేలు చేసే వీటిని సీజన్‌లో కనీసం ఒక్కసారైనా తినాలని వైద్య నిపుణులు చెబుతున్నారు. అన్ని మార్కెట్లలో బోడ కాకర విక్రయానికి వస్తుంది. కిలో రూ.380 నుంచి రూ.400 వరకు విక్రయించారు. రసాయనాలు లేకుండా పండే ఈ బోడ కాకర ధర కోడి మాంసం కన్నా ఎక్కువ ఉన్నా ప్రజలు ఆసక్తి చూపుతున్నారు.
News July 27, 2024
ఉమ్మడి జిల్లాలో నేటి క్రైమ్ న్యూస్
> WGL: రైల్వే ట్రాక్‌పై పడుకుని యువకుడు మృతి
> MLG: కుక్కల దాడి.. పశువుల కాపరికి గాయాలు
> WGL: కడుపునొప్పి భరించలేక వ్యక్తి ఆత్మహత్య
> WGL: విద్యుత్ షాకుతో రైతు మృతి
> MHBD: అనారోగ్యంతో బీఆర్ఎస్ నేత మృతి
> MHBD: వ్యవసాయ బావిలో పడి కార్యదర్శి మృతి
> WGL: హైవేపై బోల్తా పడిన సిమెంట్ లారీ
> MHBD: వివాహిత అదృశ్యం.. కేసు నమోదు
News July 27, 2024
ఉమ్మడి వరంగల్ జిల్లాలో నేటి టాప్ న్యూస్
> BHPL: మోరంచపల్లి, కొండాయి విషాదానికి ఏడాది
> MLG: తగ్గుముఖం పట్టిన గోదావరి
> WGL: ఎంజీఎం ఆస్పత్రిలో ఫ్లెక్సీ కలకలం
> WGL: కారులో కూరగాయల విక్రయం
> MLG: గోదావరి ఉద్ధృతి.. రాకపోకలు బంద్
> HNK: రైతు మద్దతు ధర చట్టాలను తీసుకురావాలి: సీతక్క
> WGL: బడ్జెట్ సమావేశాలకు హాజరైన ఉమ్మడి జిల్లా ఎమ్మెల్సీలు, ఎమ్మెల్యేలు
News July 27, 2024
ఆదివాసి దినోత్సవం సందర్భంగా సెలవు ప్రకటించండి: మంత్రి సీతక్క
ఆగస్టు 9న ఆదివాసీ దినోత్సవం సందర్భంగా సెలవు ప్రకటించాలని కోరుతూ సీఎం రేవంత్ రెడ్డికి వినతిపత్రం అందజేసినట్లు మంత్రి సీతక్క నేడు ట్వీట్ చేశారు. అనంతరం ఆదివాసీలకు సంబంధించిన పలు సమస్యలను సీఎంకు మంత్రి, ఎమ్మెల్యేలు వివరించారు. ఎమ్మెల్యేలు కోరం కనకయ్య, వెంకటరావు, జాడి ఆదినారాయణ, తదితరులు పాల్గొన్నారు.
Featured News
Sorry, no posts matched your criteria.