India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News July 18, 2024
పర్వతగిరి: బాలిక మృతిపై కీలక UPDATE
పర్వతగిరి మండలంలో బాలిక అనుమానాస్పద స్థితిలో మృతి చెందిన విషయం తెలిసిందే. SI వెంకన్న వివరాలు.. ఇంటర్ చదువుతున్న G.ఐశ్వర్య(16) కాలేజీకి వెళ్లి మధ్యాహ్నం ఇంట్లో అనుమానాస్పదంగా మృతి చెందగా.. అందుకు M.ఛత్రపతి అనే వ్యక్తి కారణమని ఆమె తండ్రి పోలీసులకు ఫిర్యాదు చేశారు. ఆమె మెడకు ఉరేసుకున్నట్లు, మృతదేహం పక్కన చీర పడి ఉంది. ఛత్రపతికి ఐశ్వర్యకు ఇటీవల ఎంగేజ్మెంట్ అయిందని SI తెలిపారు.
News July 18, 2024
తొర్రూరు: బాలికపై లైంగిక దాడికి పాల్పడ్డ వ్యక్తి అరెస్ట్
బాలికను కిడ్నాప్ చేసి లైంగిక దాడికి పాల్పడిన నిందితుడిని అరెస్ట్ చేసి రిమాండ్‌కు తరలించినట్లు తొర్రూరు సీఐ సంజీవ బుధవారం తెలిపారు. దంతాలపల్లి మండలంలోని ఓ గ్రామానికి చెందిన బాలికపై అదే గ్రామానికి చెందిన రాజు కిడ్నాప్ చేసి లైంగిక దాడికి పాల్పడ్డాడు. ఈ ఘటనపై బాధితురాలు తల్లి ఫిర్యాదు మేరకు కేసు నమోదు చేసి నిందితుడిని అరెస్ట్ చేసి రిమాండ్‌కు తరలించినట్లు సీఐ సంజీవ తెలిపారు.
News July 18, 2024
WGL: 23 వరకు బీపీఈడీ పరీక్ష ఫీజు గడువు
కేయూ పరిధిలో బీపీఈడీ సెకండ్ సెమిస్టర్ (రెగ్యులర్, ఎక్స్, ఇంప్రూవ్మెంట్) విద్యార్థులు అపరాధ రుసుము లేకుండా ఫీజు చెల్లించేందుకు ఈనెల 23వ తేదీ వరకు గడువు ఉందని KU పరీక్షల నియంత్రణాధికారి నరసింహచారి బుధవారం ఓ ప్రకటనలో తెలిపారు. రూ.250 అపరాధ రుసుముతో ఈనెల 26వ తేదీ వరకు ఫీజు చెల్లించుకోవచ్చని తెలిపారు. రూ.730 అన్ని పేపర్లు, బ్యాక్ లాగ్స్ 3 పేపర్లు రూ.630, ఇంప్రూవ్మెంట్‌కు రూ.300 చెల్లించాలి.
News July 18, 2024
వరంగల్: నేటి నుంచి డీఎస్సీ పరీక్షలు
ఉపాధ్యాయ నియామకాల కోసం రాష్ట్ర ప్రభుత్వం డీఎస్సీ-2024 ఈరోజు నుంచి ప్రారంభం కానున్నాయి. ఈ మేరకు విద్యాశాఖ అధికారులు ఉమ్మడి వరంగల్ జిల్లాలో ఏర్పాట్లు పూర్తి చేశారు. ఉమ్మడి జిల్లా నుంచి 27,740 మంది అభ్యర్థులు పరీక్ష రాయనున్నారు. వీరికోసం హనుమకొండ నగరం, పరిసరాల్లో 5 పరీక్ష కేంద్రాలను ఏర్పాటు చేశారు. మొదటి సారి ఆన్‌లైన్ విధానంలో డీఎస్సీ నిర్వహిస్తున్నారు.
News July 18, 2024
వరంగల్: మురికి కుంటలో చిన్నారుల ఈత
తల్లిదండ్రుల అశ్రద్ధ పలు ప్రమాదాలకు కారణం అవుతుంది. పిల్లలకు కనీస అవగాహన లేకపోవడంతో ఎక్కడపడితే అక్కడ ఆడుకోవడం, ఈతకొట్టడంపై లాంటివి చేస్తున్నారు. ఇలాంటి ఘటనే వరంగల్‌లో చోటుచేసుకుంది. వరంగల్ పెరుకవాడకు చెందిన కొందరు చిన్నారులు బుధవారం సెలవుదినం కావడంతో స్థానికంగా ఉండే ఓ మురికి కుంటలో ఈత కొడుతూ కనిపించారు. ఏదైనా అనుకోని సంఘటన జరిగితే ఎవరు బాద్యులు అవుతారని స్థానికులు ప్రశ్నిస్తున్నారు.
News July 17, 2024
మేడిగడ్డలో పెరిగిన గోదావరి ప్రవాహం
భూపాలపల్లి జిల్లాలో కాళేశ్వరం ప్రాజెక్టులో భాగంగా నిర్మించిన లక్ష్మీ(మేడిగడ్డ) బ్యారేజీకి బుధవారం వరద ఉద్ధృతి పెరిగింది. ఎగువ ప్రాంతాల్లో కురుస్తున్న వర్షాలకు వరద ప్రవాహం పెరగడంతో మేడిగడ్డ బ్యారేజీ వద్ద 49,500 క్యూసెక్కుల వరద ప్రవాహం కొనసాగుతోంది. కాగా, వచ్చిన వరదను వచ్చినట్లుగా 85 గేట్ల ద్వారా అధికారులు దిగువకు వదులుతున్నారు.
News July 17, 2024
వరంగల్: ఉరివేసుకుని విద్యార్థిని ఆత్మహత్య
వరంగల్ జిల్లాలో విషాదం నెలకొంది. స్థానికుల ప్రకారం.. గీసుకొండ మండలం దస్రుతండాకు చెందిన నందు ఐనవోలు స్తూర్బాగాంధీ విద్యాలయంలో ఇంటర్ ఫస్టియర్ చదువుతోంది. అయితే ఈనెల 9న తండ్రి కిషోర్ పనిచేస్తున్న బొల్లికుంట వాగ్దేవి కాలేజీ హాస్టల్‌కి హోంసిక్ హలీడెస్‌కు వచ్చిన నందు.. నేడు ఉరేసుకొని ఆత్మహత్య చేసుకుంది. MGMలో పోస్టుమార్టం అనంతరం స్వగ్రామానికి మృతదేహాన్ని తరలించారు. మృతికి గల కారణాలు తెలియాల్సి ఉంది.
News July 17, 2024
నర్సంపేట పట్టణ కేంద్రంలో వికసించిన బ్రహ్మ కమలం
నర్సంపేట పట్టణ కేంద్రంలోని గోక రామస్వామి శాంతి వనంలో అరుదైన పుష్పమైన బ్రహ్మ కమలం వికసించింది. ఈ కమలం మొక్కను రామస్వామి తన శాంతి వనంలో మూడేళ్ల క్రితం నాటాడు. అది సోమవారం రాత్రి 9 గంటల ప్రాంతంలో విచ్చుకుంది. మంగళవారం 3 గంటల ప్రాంతంలో మళ్లీ ముడుచుకోవడం ప్రత్యేకత. హిమాలయాల్లో మాత్రమే పెరిగే అరుదైన పుష్పం నగరంలో కూడా పెరగడంతో పాటు పుష్పించడంతో స్థానికులు ఆనందం వ్యక్తం చేశారు.
News July 17, 2024
పర్వతగిరి: అనుమానాస్పద స్థితిలో ఓ బాలిక మృతి
పర్వతగిరి మండలం దేవిలాల్ తండాలో ఓ మైనర్ బాలిక అనుమానాస్పద స్థితిలో మృతిచెంది ఉందని కుటుంబ సభ్యులు తెలిపారు. తండాకు చెందిన మాన్య, అంబాలిల కుమార్తె ఐశ్వర్య(16) ఇంటర్ మొదటి సంవత్సరం చదువుతోంది. ఇంట్లో అనుమానాస్పదంగా మృతిచెంది పడి ఉండడం చూసిన కుటుంబసభ్యులు పోలీసులకు సమాచారం ఇచ్చారు. విషయం తెలుసుకున్న పోలీసులు సంఘటన స్థలానికి చేరుకొని బాలిక మృతిపై ఆరా తీస్తున్నారు.
News July 17, 2024
వరంగల్: రెండు మెడికల్ కాలేజీలకు 218పోస్టులు మంజూరు
వరంగల్ జిల్లా నర్సంపేట, ములుగులో కొత్తగా ఏర్పాటు చేసిన ప్రభుత్వ వైద్య కళాశాలలకు 218పోస్టులను మంజూరు చేస్తూ రాష్ట్ర ఆర్థికశాఖ ఉత్తర్వులు జారీ చేసింది. ఒక్కో కాలేజీకి 109పోస్టులు కేటాయించారు. ఇందులో 25ప్రొఫెసర్, 28అసోసియేట్ ప్రొఫెసర్, 56 అసిస్టెంట్ ప్రొఫెసర్ పోస్టులు ఉన్నాయి. ఈ పోస్టులను ఔట్ సోర్సింగ్, కాంట్రాక్టు పద్ధతిలో భర్తీ చేయనున్నారు.
Featured News
Sorry, no posts matched your criteria.