India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News June 18, 2024
వరంగల్: వరుణుడి రాక కోసం రైతుల ఎదురుచూపు
ఉమ్మడి వరంగల్ జిల్లాలోని రైతులు వరుణుడి రాక కోసం ఎదురుచూస్తున్నారు. జిల్లాలోని పలువురు రైతులు పొడి దుక్కుల్లో విత్తనాలు వేసి వర్షం పడితే తమ విత్తనాలు మొలకెత్తుతాయని వేచి చూస్తున్నారు. జిల్లాలోని పలు గ్రామాల్లో జోరుగా వర్షం కురవాలని కప్పతల్లి ఆట, వరుణ దేవుడికి ప్రత్యేక పూజ కార్యక్రమాలను నిర్వహిస్తున్నారు.
News June 18, 2024
వరంగల్ మార్కెట్లో మిర్చి ధరలు ఇలా..
వరంగల్ ఎనుమాముల వ్యవసాయ మార్కెట్లో మంగళవారం పలు రకాల మిర్చి ధరలు ఇలా ఉన్నాయి. ఏసీ తేజ మిర్చి క్వింటాకు రూ.19 వేల ధర పలికింది. అలాగే ఏసీ 341 రకం మిర్చి రూ.17 వేలు, ఏసీ వండర్ హాట్ (WH) మిర్చి రూ.17,200 ధర పలికినట్లు వ్యాపారులు తెలిపారు. నేడు మార్కెట్‌కు మిర్చి భారీగా తరలి వచ్చింది.
News June 18, 2024
కాజీపేట- సికింద్రాబాద్: మూడేళ్లుగా పట్టాలెక్కని కవచ్!
KZPT- SEC మార్గంలో 2 రైళ్లు ఒకే పట్టాల మీదకు వచ్చినప్పుడు.. వాటికవే గుర్తించి వేగం తగ్గించుకొని నిలిచిపోయే ‘కవచ్ వ్యవస్థ’ ప్రతిపాదన ప్రస్తుతం చర్చనీయాంశంగా మారింది. 2022 మార్చి 4న రైల్వే మంత్రి అశ్వినివైష్ణవ్ వికారాబాద్-లింగంపల్లి మధ్య ప్రయోగాత్మకంగా కవచ్ వ్యవస్థను పరిశీలించి విజయవంతం చేశారు. ఆ తర్వాత KZPT- SEC మార్గంలో కవచ్‌ను అభివృద్ధి చేస్తారని ప్రకటించారు. కానీ మూడేళ్లుగా జాడ కనిపించడం లేదు.
News June 18, 2024
వరంగల్: దేవాదుల నత్తనడక!
2004లో దేవాదుల ఎత్తిపోతల పథకం పనులు ప్రారంభం కాగా.. ఇప్పటికీ కొనసాగుతూనే ఉన్నాయి. ఈ ప్రాజెక్టు ద్వారా 6.21 లక్షల ఎకరాలకు సాగునీరు అందించాలన్న లక్ష్యానికి నిధుల కొరత అడ్డంకిగా మారుతోంది. రూ.4,400 కోట్ల అంచనా వ్యయంతో ప్రాజెక్టును ప్రారంభించగా.. గతేడాది అది రూ.17 వేల కోట్లకు పెరిగింది. ఇప్పటికే రూ.13,911.88 కోట్లు ఖర్చు చేయగా.. మరో రూ.3,588 కోట్లు విడుదల చేస్తేనే ప్రాజెక్టు పూర్తయ్యే అవకాశం ఉంది.
News June 18, 2024
స్టేషన్ ఘనపూర్: GREAT.. చదువుకున్న స్కూల్‌కే HMగా!
జనగామ జిల్లా స్టేషన్ ఘనపూర్ మండలం చిన్నపెండ్యాలకు చెందిన శాగ శ్రీనివాస్ అప్పటి మల్కాపూర్ ప్రభుత్వ ఉన్నత పాఠశాలలో 1989-90లో పదో తరగతి చదువుకున్నారు. ఆయన ఇటీవల మల్కాపూర్ పాఠశాలకు గెజిటెడ్ హెచ్ఎంగా బాధ్యతలు చేపట్టారు. ఈ సందర్భంగా పూర్వ విద్యార్థులైన ఇల్లందుల సుదర్శన్, జనగాం యాదగిరి మాట్లాడుతూ.. చదువుకున్న పాఠశాలకు హెచ్ఎంగా ఉద్యోగం రావడం అభినందనీయమన్నారు.
News June 18, 2024
వరంగల్: నేడు పత్తి ధర రూ.6,850
మూడు రోజుల సుదీర్ఘ విరామం అనంతరం వరంగల్ ఎనుమాముల వ్యవసాయ మార్కెట్ ఈరోజు ప్రారంభమైంది. ఈ క్రమంలో పత్తి భారీగా తరలి రాగా.. శుక్రవారంతో పోలిస్తే ధర తగ్గింది. శుక్రవారం రూ.6,900 పలికిన క్వింటా పత్తి.. ఈరోజు రూ.6,850కి పడిపోయింది. దీంతో రైతన్నలు నిరాశ చెందుతున్నారు. మార్కెట్లో క్రయవిక్రయాల ప్రక్రియ జోరుగా కొనసాగుతోంది.
News June 18, 2024
ఎన్పీడీసీఎల్: విద్యుత్ సమస్యలపై 362 ఫిర్యాదులు
వినియోగదారుల సమస్యలను నేరుగా తెలుసుకొని పరిష్కరించాలన్న ఉద్దేశంతో ఎన్పీడీసీఎల్ అధికారులు సోమవారం ‘విద్యుత్ ప్రజావాణి’ కార్యక్రమానికి శ్రీకారం చుట్టారు. ఎన్పీడీసీఎల్ పరిధిలో ఉన్న 16 జిల్లాల్లోని సర్కిల్ కార్యాలయాల నుంచి కింది స్థాయి సబ్ డివిజన్, సెక్షన్ కార్యాలయాల వరకు ప్రజల నుంచి ఫిర్యాదులు స్వీకరించారు. విద్యుత్ సంబంధిత అంశాలు, సమస్యలపై తొలి రోజు 362 ఫిర్యాదులు వచ్చాయి.
News June 18, 2024
హ్యాండ్లూమ్ టెక్నాలజీ కోర్సులో ప్రవేశాలకు దరఖాస్తులు
వరంగల్ జిల్లాలోని విద్యార్థులు ఇండియన్ ఇన్‌స్టిట్యూట్ ఆఫ్ హ్యాండ్లూమ్ టెక్నాలజీ డిప్లొమా కోర్సులో ప్రవేశానికి దరఖాస్తు చేసుకోవాలని చేనేత జౌళి శాఖ ఏడీ రాఘవరావు తెలిపారు. పదో తరగతి ఉత్తీర్ణులై, 23 ఏళ్ల మధ్య వయసు కలిగి ఉండాలన్నారు. పూర్తి వివరాలకు www. iihtfulia. ac.inలో దరఖాస్తు చేసుకోవాలని చెప్పారు.
News June 18, 2024
వరంగల్: డిప్లొమా కోర్సుల్లో ప్రవేశాలకు దరఖాస్తుల ఆహ్వానం
ఇంటర్ పూర్తి చేసిన విద్యార్థులు డిప్లొమా ఇన్ ఎలిమెంటరీ ఎడ్యుకేషన్, డిప్లొమా ఇన్ ప్రీ ఎడ్యుకేషన్ కోర్సుల్లో ప్రవేశాలు పొందడానికి దరఖాస్తులు ఆహ్వానిస్తున్నట్లు డైట్ కళాశాల ప్రిన్సిపల్ నారాయణరెడ్డి తెలిపారు. ఈ నెల 30 వరకు https://deecet.cdse.telangana.gov.in/వెబ్సైట్‌లో దరఖాస్తు చేసుకోవాలని చెప్పారు.
News June 18, 2024
కాజీపేట: ప్రేమ పేరుతో బాలికపై అత్యాచారం
ప్రేమ పేరుతో బాలికను నమ్మించి అత్యాచారం చేసిన ఓ వ్యక్తిని అరెస్టు చేసి రిమాండ్‌కు తరలించినట్లు కాజీపేట పోలీసులు తెలిపారు. భట్టుపల్లికి చెందిన రాజారపు ఉమేశ్, కాజీపేటకు చెందిన ఓ బాలికను ప్రేమిస్తున్నానని నమ్మించి గతేడాది HYD తీసుకెళ్లి అత్యాచారానికి పాల్పడినట్లు చెప్పారు. కుటుంబసభ్యుల ఫిర్యాదు మేరకు కేసు నమోదు చేసి ఉమేశ్‌ను అరెస్టు చేసి రిమాండ్‌కు తరలించినట్లు ఎస్సై నవీన్ కుమార్ పేర్కొన్నారు.
Featured News
Sorry, no posts matched your criteria.