India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News June 10, 2024
భూపాలపల్లి: ఘోర రోడ్డు ప్రమాదం.. ఇద్దరు యువకులు మృతి
భూపాలపల్లి జిల్లా కమలాపూర్ శివారులోని రాంపూర్ వద్ద ఆదివారం రాత్రి ఘోర రోడ్డు ప్రమాదం జరిగింది. ఈ ఘటనలో గ్రామానికి చెందిన ఇద్దరు యువకులు దుర్మరణం పాలయ్యారు. రేగళ్ల నరేశ్(30, రేగళ్ల ప్రమోద్(25), సిద్ధూ బైక్‌పై రాంపూర్ వైపు వెళ్తుండగా.. కారు ఢీకొట్టింది. నరేశ్ స్పాట్‌లోనే చనిపోగా, ప్రమోద్ హన్మకొండకు తరలిస్తుండగా మరణించాడు. నరేశ్‌కు భార్య, ఇద్దరు పిల్లలు ఉన్నారు.
News June 10, 2024
వాజేడు: అధిక లోడుతో వెళ్తున్న 5 లారీలు సీస్
వాజేడు మండలం జగన్నాధపురం వద్ద అతివేగంగా వస్తున్న 5 ఓవర్ లోడ్ ఇసుక లారీలను గుర్తించి సీజ్ చేసినట్లు ఎస్సై వెంకటేశ్వరరావు తెలిపారు. ప్రభుత్వ డిడి కంటే 5 టన్నుల ఇసుక అదనంగా తరలిస్తున్నట్లుగా గుర్తించినట్లు పేర్కొన్నారు. మండలంలోని అయ్యవారిపేటకు చెందిన 2, రాంపూర్‌కు చెందిన 3 లారీలుగా వాటిని గుర్తించామన్నారు. కేసు నమోదు చేసి, వాజేడు పోలీస్ స్టేషన్‌కు తరలించినట్లు ఎస్సై తెలిపారు.
News June 9, 2024
BREAKING ములుగు: ఐఈడీ మందు పాతరలు నిర్వీర్యం
ములుగు జిల్లా వెంకటాపురం పోలీస్ స్టేషన్ పరిధిలోని వీరభద్రవరం గ్రామ అటవీ ప్రాంతంలో మావోయిస్టులు అమర్చిన 4 ఐఈడీ మందు పాతరలను బీడీ బృందాలు గుర్తించినట్లు ఎస్పీ శబరిశ్ తెలిపారు. వాటిని చాకచక్యంగా నిర్వీర్యం చేశామన్నారు. మావోయిస్టులు తమ స్వార్థ ప్రయోజనాల కోసం మందు పాతరలను అమర్చి, అమాయకుల ప్రాణాలను తీస్తున్నారన్నారు. వీటిలో ఇప్పటికే 3 పేలిపోగా.. ఒక మందు పాతరను నిర్వీర్యం చేసినట్లు పేర్కొన్నారు.
News June 9, 2024
వరంగల్: గ్రూప్-1 ప్రిలిమినరీ పరీక్షలకు 72.8% హాజరు
హంటర్ రోడ్‌లోని గ్రీన్ వుడ్ పాఠశాల, బిర్లా ఓపెన్ మైండ్ పాఠశాల పరీక్ష కేంద్రాలను జిల్లా కలెక్టర్ పి.ప్రావీణ్య ఆక‌స్మికంగా త‌నిఖీ చేశారు. గ్రూప్-1 ప్రిలిమ్స్ పరీక్ష నిర్వ‌హ‌ణ తీరును, పరీక్షా కేంద్రాల్లో ఏర్పాట్లను ప‌రిశీలించి.. పరీక్ష సజావుగా జరిగినట్లు తెలిపారు. జిల్లాలో ఈ పరీక్షకు 9902 మంది అభ్యర్థులకు గాను 6622 మంది 72.8 శాతంతో హాజరయ్యారు.
News June 9, 2024
గత వైభవాన్ని మళ్లీ తెస్తాను: మాజీ ఎమ్మెల్యే
స్టేషన్ ఘన్పూర్ నియోజకవర్గంలో గత వైభవాన్ని తిరిగి తెస్తానని మాజీ ఎమ్మెల్యే రాజయ్య అన్నారు. ఆదివారం సాయంత్రం విలేకరుల సమావేశంలో ఆయన మాట్లాడుతూ.. పదేళ్లలో స్టేషన్ ఘన్పూర్ నియోజకవర్గం అభివృద్ధి చెందిందని, కార్యకర్తలు పార్టీకి వెన్నంటి ఉండాలని ఆయన పిలుపునిచ్చారు. మళ్లీ మంచి రోజులు వస్తాయని గత వైభవాన్ని తిరిగి తెస్తానని రాజయ్య అన్నారు.
News June 9, 2024
కేసీఆర్‌ను కలిసిన మాలోతు కవిత
తెలంగాణ మాజీ సీఎం కేసీఆర్‌ను మహబూబాబాద్ బీఆర్ఎస్ జిల్లా అధ్యక్షురాలు మాలోతు కవిత మర్యాదపూర్వకంగా కలిశారు. అనంతరం మహబూబాబాద్ జిల్లాలో పార్టీ బలోపేతానికి తీసుకోవాల్సిన చర్యలు, తదితర అంశాలపై కేసీఆర్‌తో కాసేపు కవిత చర్చించారు. ఈ కార్యక్రమంలో కటికనేని హరిత, తదితరులు పాల్గొన్నారు.
News June 9, 2024
సీఎం రేవంత్ రెడ్డిని కలిసిన మహబూబాబాద్ ఎంపీ
సహచర ఎంపీలతో కలిసి తెలంగాణ సీఎం రేవంత్ రెడ్డిని మహబూబాబాద్ ఎంపీ బలరాం నాయక్ మర్యాదపూర్వకంగా కలిశారు. అనంతరం మహబూబాబాద్ పార్లమెంట్ పరిధిలో ప్రజలు ఎదుర్కొంటున్న సమస్యలు సమస్యలు, పరిష్కారానికి తీసుకోవాల్సిన చర్యలపై కాసేపు సీఎంతో ఎంపీ చర్చించారు. ఈ కార్యక్రమంలో ఎంపీలు కిరణ్ కుమార్ రెడ్డి, రఘురాం రెడ్డి, మల్లు రవి, జైవీర్ రెడ్డి, అనిల్ యాదవ్ పాల్గొన్నారు.
News June 9, 2024
వరంగల్: రైల్వే ప్రయాణికులకు శుభవార్త
ఉత్తర, దక్షిణ భారత ప్రాంతాలకు వెళ్ళే ప్రయాణికుల కోసం కాజీపేట జంక్షన్ వద్ద రైల్వే అధికారులు పలు సదుపాయాలు, సౌకర్యాలు కల్పించారు. ఈ సౌకర్యాలు పొందాలంటే ప్రయాణికులు తమ ఆన్‌లైన్లో ఇండియన్ రైల్వే క్యాటరింగ్ అండ్ టూరిజం కార్పొరేషన్ లిమిటెడ్(ఐఆర్సీటీసీ)లోకి వెళ్లి లాగిన్ అయి బుక్ చేసుకోవాలి. AC డార్మెటరీ, AC డీలక్స్ రూమ్స్ , AC జెంట్స్ డార్మెటరీ, విశ్రాంతి గదులు అందుబాటులో ఉంటాయన్నారు.
News June 9, 2024
హనుమకొండ: పీజీ 4వ సెమిస్టర్ పరీక్ష వాయిదా
కేయూ పీజీ కోర్సుల MA, ఎంకామ్, MSC కోర్సుల నాలుగో సెమిస్టర్ పరీక్షలు వాయిదా వేసినట్లు కేయూ పరీక్షల నియంత్రణాధికారి ఎస్.నర్సింహాచారి, అదనపు పరీక్షల నియంత్రణాధికారి బీఎస్ఎల్ సౌజన్య తెలిపారు. ఈనెల 11 నుంచి పరీక్షలు జరగాల్సి ఉండగా, పోటీ పరీక్షలు ఉన్న నేపథ్యంలో సెమిస్టర్ పరీక్షల్ని వాయిదా వేసినట్లు తెలిపారు. మళ్లీ ఎప్పుడు నిర్వహించాలనేది త్వరలోనే వెల్లడిస్తామన్నారు.
News June 9, 2024
జనగామ: కుక్కల దాడిలో బాలుడు మృతి
చిల్పూర్ మండలం ఫతేపూర్ గ్రామ శివారులోని నునావత్ తండాలో శనివారం దారుణం జరిగింది. వీధి కుక్కల దాడిలో ఆరేళ్ల బాలుడు మృతి చెందాడు. తల్లిదండ్రులు పొలం పనులకు వెళ్లొచ్చేసరికి ఇంట్లో ఉన్న బాలుడు పై కుక్కలు దాడి చేసి అతి దారుణంగా చంపేశాయి. చెట్ల పొదల్లో అరుపులు వినిపించడంతో వెళ్లి చూసే సరికి బాలుని మృతదేహం కనిపించింది. మృతదేహాన్ని చూసిన తల్లిదండ్రులు, కుటుంబ సభ్యులు బోరున విలపించారు.
Featured News
Sorry, no posts matched your criteria.