India's largestHyperlocal short
news App
Get daily news updates that are tailored for you based on your preferred language & location.
నామపత్రాల పర్వం ముగియడంతో ప్రధాన పార్టీల అభ్యర్థులు తమ గెలుపు కోసం ఓ వైపు ప్రచారం చేస్తూనే, మరోవైపు తమ ఓటు బ్యాంకు చీలకుండా వ్యూహాలు రచిస్తున్నారు. తమకు నష్టం కలిగించే స్వతంత్రులను పోటీ నుంచి తప్పించి తమకు అనుకూలంగా ప్రచారం చేయించుకోవాలనే ఆలోచనతో బుజ్జగింపుల పర్వానికి తెరతీశారు. ప్రత్యర్థి అభ్యర్థుల ఓటుబ్యాంకును గండికొట్టే స్వతంత్రులను ఎలాగైనా పోటీలో ఉండకుండా చేసేట్లు సంప్రదింపులు చేస్తున్నారు.
వర్ధన్నపేటలో జరిగిన రోడ్డు ప్రమాదంలో నలుగురు ఇంటర్ విద్యార్థులు మరణించిన విషయం తెలిసిందే. ఐదేళ్ల క్రితం సరిగ్గా అదే రోజు.. అంటే 2019 ఏప్రిల్ 24 బుధవారం కూడా ఒకే బైకుపై వెళ్తున్న ఆదిత్య(20), మురళీధర్రావు(17), రాంసాయిలు(17) పంథని గ్రామ శివారులో చెట్టును ఢీకొని అక్కడికక్కడే ప్రాణాలు విడిచారు. తిరిగి ఐదేళ్ల తర్వాత రనిల్ కుమార్, సిద్ధూ, వరుణ్ తేజ్, గణేశ్లు బైకుపై వెళ్తూ బస్సు ఢీకొని మృతి చెందారు.
వరంగల్ MP స్థానానికి 58 మంది అభ్యర్థులు నామినేషన్ దాఖలు చేసినట్లు కలెక్టర్ ప్రావీణ్య తెలిపారు. APR 18 నుంచి 25 వరకు నిర్వహించిన నామినేషన్ల స్వీకరణలో భాగంగా 58 మంది అభ్యర్థులకుగాను 89 నామినేషన్ల పత్రాలు దాఖలు చేసినట్లు వివరించారు. కాగా, MHBD పార్లమెంట్ స్థానానికి 30 మంది 56 నామినేషన్ పత్రాలు దాఖలు చేసినట్లు పేర్కొన్నారు. అయితే WGL స్థానంలో ఒక్కరోజే 24మంది, MHBD స్థానంలో 9 మంది నామినేషన్లు వేశారు.
రఘునాథపల్లి మండలంలోని ఓ కామాంధుడు బాలికపై అత్యాచారానికి పాల్పడ్డాడు. SI డి.నరేశ్ ప్రకారం.. 9వ తరగతి చదువుతున్న బాలిక(14)ను అదే గ్రామానికి చెందిన రమేశ్(30) మాయమాటలు చెప్పి పలుమార్లు అత్యాచారం చేశాడు. బాలిక ఎవరికీ చెప్పుకోలేక ఇంట్లో ముభావంగా ఉంటోంది. గమనించిన తల్లి మందలించడంతో విషయం చెప్పింది. దీంతో గురువారం పోలీసులకు ఫిర్యాదు చేశారు. నిందితుడిపై పోక్సో కేసు నమోదు చేసి దర్యాప్తు చేపట్టారు.
KU డిగ్రీ (BA/B.Com/BBA/B.Sc/BCA/B.Voc/BHM & CT) రెండవ, నాల్గవ, అరవ సెమిస్టర్ పరీక్షలు మే 6 నుంచి ప్రారంభమవుతాయని పరీక్షల నియంత్రణ అధికారి ఆచార్య ఎస్.నరసింహ చారి, అదనపు పరీక్షల నియంత్రణ అధికారి డాక్టర్ తిరుమలా దేవి ఒక ప్రకటనలో తెలిపారు. వివరాలకు విశ్వవిద్యాలయ వెబ్ సైట్ www.kakatiya.ac.inలో చూడవచ్చని అన్నారు.
15 వరంగల్ ఎస్సీ పార్లమెంటరీ నియోజకవర్గ స్థానానికి గురువారం నాటికి మొత్తం 58 మంది నామినేషన్లు వేశారని వరంగల్ జిల్లా రిటర్నింగ్ అధికారి పి. ప్రావీణ్య తెలిపారు. మొత్తం 89 నామినేషన్ల సెట్లు స్వీకరించామని అన్నారు. రేపు ఈ నామినేషన్ల పరిశీలన చేస్తామని తెలిపారు. అనంతరం నామినేషన్ల తిరస్కరణ, స్వీకరణ విషయాలని తెలియజేస్తామన్నారు.
ఉమ్మడి వరంగల్ జిల్లాలో గురువారం ఓపెన్ టెన్త్, ఇంటర్ పరీక్షలు ప్రారంభమైనాయని ఆ జిల్లా విద్యాశాఖ అధికారులు వెల్లడించారు. ఈ సందర్భంగా భూపాలపల్లి టెన్త్ లో 86.6%, ఇంటర్లో 85.60% మంది విద్యార్థులు హాజరయ్యారని డీఈవో రామ్ కుమార్ అన్నారు. వరంగల్ లో టెన్త్ లో 86%, ఇంటర్లో 90 శాతం విద్యార్థులు హాజరయ్యారని డీఈవో వాసంతి అన్నారు. ములుగు జిల్లాలో టెన్త్ లో 80%, ఇంటర్లో 80% హాజరయ్యారని డిఇఓ పాణిని తెలిపారు.
దేవరుప్పుల మండలం మాధాపురంలో విషాదం చోటుచేసుకుంది. కుటుంబ సభ్యుల వివరాల ప్రకారం.. గ్రామానికి చెందిన బీఆర్ఎస్ కార్యకర్త గుర్రం కొమురయ్య (56) గుండెపోటుతో బుధవారం సాయంత్రం మృతి చెందారు. మరణ వార్త విన్న కుటుంబ సభ్యులు, గ్రామస్థులు కన్నీరు మున్నీరు అయ్యారు. ఆయన మృతిపట్ల పలువురు రాజకీయ నేతలు సంతాపం వ్యక్తం చేస్తున్నారు.
డాక్టర్ పల్లా రాజేశ్వర్ రెడ్డి రాజీనామాతో ఏర్పడిన వరంగల్- ఖమ్మం-నల్గొండ గ్రాడ్యుయేట్ ఎమ్మెల్సీ ఉప ఎన్నికకు తెలంగాణ ఎలక్షన్ కమిషన్ షెడ్యూల్ విడుదల చేసింది. మే 2న ఎలక్షన్ నోటిఫికేషన్ విడుదల కానుంది. నామినేషన్ కి చివరి తేదీ మే 9, పోలింగ్ మే 27న జరగనుంది. ఓట్ల లెక్కింపు జూన్ 5న జరగనుంది. ఈ ఉప ఎన్నికకు సంబంధించి ఎలక్షన్ కోడ్ తక్షణమే అమలులోకి వస్తుంది.
కాకతీయ విశ్వవిద్యాలయ పీడీసీ మొదటి సంవత్సరం (తెలుగు) పరీక్షలు మే 8 నుంచి ప్రారంభమవుతాయని పరీక్షల నియంత్రణ అధికారి ఆచార్య ఎస్.నరసింహ చారి, అదనపు పరీక్షల నియంత్రణ అధికారి డాక్టర్ తిరుమల దేవి సంయుక్త ప్రకటనలో తెలిపారు. అదేవిధంగా రెండవ సంవత్సరం పరీక్షలు మే 15 నుంచి ప్రారంభమవుతాయని అన్నారు. వివరాలకు విశ్వవిద్యాలయ వెబ్ సైట్ www.kakatiya.ac.inలో సంప్రదించాలన్నారు.
Sorry, no posts matched your criteria.