India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News October 19, 2024
BHPL: ఈనెల 21 నుంచి 31 వరకు పోలీసు అమరవీరుల సంస్మరణ దినోత్సవాలు: ఎస్పీ
పోలీసు అమరవీరుల సంస్మరణ దినోత్సవాలను ఈ నెల 21వ తేదీ నుంచి 31 వరకు నిర్వహిస్తున్నట్లు భూపాలపల్లి జిల్లా ఎస్పీ కిరణ్ ఖరే శనివారం తెలిపారు. విధి నిర్వహణలో ప్రాణాలర్పించిన పోలీసులను స్మరించుకునేందుకు ఈ కార్యక్రమాలు నిర్వహిస్తున్నట్లు ఎస్పీ పేర్కొన్నారు. పోలీసు అమరవీరుల బ్యానర్లను ఏర్పాటు చేస్తామన్నారు.
News October 19, 2024
పాలకుర్తి ఘటనపై జాతీయ ఎస్టీ కమిషన్ సీరియస్
పాలకుర్తి పోలీసు స్టేషన్ ఘటనపై జాతీయ ST కమిషన్ సీరియస్ అయింది. CI మహేందర్, SI సాయి ప్రసన్నలను సస్పెండ్ చేయాలంటూ పాలకుర్తి పోలీసు స్టేషన్ ఎదుట లకవత్ శ్రీను ఆత్మహత్యకు పాల్పడి ఈరోజు తెల్లవారుజామున మృతి చెందిన విషయం తెలిసిందే. మృతుడి తల్లిదండ్రులు ST కమిషన్‌ను ఆశ్రయించగా.. ST కమిషన్ మెంబర్ జాటోతు హుస్సేన్ నాయక్ ఆగ్రహం వ్యక్తం చేశారు. బాధితుని కుటుంబానికి న్యాయం చేస్తామన్నారు.
News October 19, 2024
WGL: తగ్గిన బస్ టికెట్ ఛార్జీలు
HNK జిల్లా నయీంనగర్ పెద్ద మోరీ వద్ద బ్రిడ్జి నిర్మిస్తున్న సందర్భంగా బస్సులు ములుగు రోడ్డు నుంచి తిరిగి వెళ్తుండటంతో ఆర్టీసీ అధికారులు ఏప్రిల్ 12 నుంచి హుజూరాబాద్ నుంచి హనుమకొండకు బస్సు ఛార్జీలను రూ.10 పెంచారు. ప్రస్తుతం బ్రిడ్జి నిర్మాణం పూర్తి కావడంతో శుక్రవారం నుంచి ఛార్జీలు తగ్గించారు. హుజూరాబాద్ నుంచి నిత్యం వేలాది మంది ఉద్యోగస్థులు హనుమకొండకు వెళ్లి వస్తుంటారు.
News October 19, 2024
వరంగల్: కొడుకు పుట్టినరోజు నాడే తండ్రి మృతి
వరంగల్ జిల్లా పర్వతగిరి మండలంలో శుక్రవారం కరెంట్ షాక్‌తో <<14392836>>రైతు మృతి<<>> చెందిన విషయం తెలిసిందే. కల్లెడ గ్రామానికి చెందిన బాల్లె కుమారస్వామి, సునీత దంపతులకు ప్రవళిక, మానస, సుశాంత్ సంతానం. అయితే నిన్న కొడుకు పుట్టినరోజు కావడంతో సాయంత్రం వేడుకలు ఘనంగా చేద్దామనుకున్నాడు. ఈక్రమంలో పొలానికి నీరు పెట్టి వద్దామనుకునేలోపే కరెంట్ షాక్‌కు గురయ్యాడు. ఎంతకూ ఇంటికి రాపోవడంతో భార్య పొలానికి వెళ్లిచూడగా మృతి చెందాడు.
News October 19, 2024
MHBD: GREAT.. రెండు ప్రభుత్వ ఉద్యోగాలకు ఎంపికైన యువకుడు
MHBD జిల్లా నెల్లికుదురు మండలం మేచరాజుపల్లి గ్రామానికి చెందిన యువకుడు భరత్ రెండు ప్రభుత్వ ఉద్యోగాలకు ఎంపికయ్యాడు. శుక్రవారం వెలువడిన ఫైనల్ లిస్టులో జెన్కో ఏఈ, సింగరేణి మేనేజ్‌మెంట్ ట్రైనీ సివిల్ ఉద్యోగాలకు ఎంపికయ్యాడు. ఈ సందర్భంగా కుటుంబ సభ్యులు, మిత్రులు భరత్‌ను అభినందించి శుభాకాంక్షలు తెలియజేశారు. ప్రస్తుతం సికింద్రాబాద్ రైల్వేలో జూనియర్ ఇంజినీరుగా చేస్తున్నాడు.
News October 19, 2024
వరంగల్ మార్కెట్‌కు రెండు రోజులు సెలవులు
వరంగల్ ఎనుమాముల వ్యవసాయ మార్కెట్‌కు 2 రోజులు సెలవులు రానున్నాయి. శనివారం వారాంతపు యార్డు బంద్, ఆదివారం సాధారణ సెలవు నేపథ్యంలో మార్కెట్ బంద్ ఉండనుంది. కావున రైతులు విషయాన్ని గమనించి ఈ 2 రోజులు మార్కెట్‌కి సరుకులు తీసుకొని రావద్దని, విషయాన్ని గమనించాలని అధికారులు సూచిస్తున్నారు.
News October 19, 2024
ఉమ్మడి వరంగల్ జిల్లాలో క్రైమ్ న్యూస్..
> BHPL: కడుపునొప్పి భరించలేక మహిళా ఆత్మహత్య
> JN: డ్రైవింగ్ నేర్చుకుంటూ.. కుంటలోకి దూసుకెళ్లిన కారు
> MHBD: సైబర్ నేరాల పట్ల ప్రజలు అప్రమత్తంగా ఉండాలి: SP
> WGL: బారులో గొడవ.. పలువురికి గాయాలు!
> MHBD: అందనాలపాడులో పిడుగు పడి మహిళా మృతి
> HNK: PDS బియ్యం సీజ్
> NSPT: నాటు సారా స్వాధీనం
> MLG: ఉరేసుకొని యువతి ఆత్మహత్య
News October 18, 2024
గ్రూప్ 3 పరీక్షను పకడ్బందీగా నిర్వహించాలి: టీజీపీఎస్సీ ఛైర్మన్
గ్రూప్ 3 పరీక్ష నిర్వహణకు ఎంపిక చేసిన కేంద్రాలను వెబ్సైట్ లో అప్ లోడ్ చేయాలని తెలంగాణ రాష్ట్ర పబ్లిక్ సర్వీస్ కమిషన్ చైర్మన్ మహేందర్ రెడ్డి తెలిపారు.TGPSC ఛైర్మన్ సభ్యులు గ్రూప్ 3 పరీక్ష నిర్వహణపై అన్ని జిల్లాల కలెక్టర్లతో వీడియో కాన్ఫరెన్స్‌ నిర్వహించారు. గ్రూప్ 3 పరీక్ష నిర్వహణకు సంబంధించి వివిధ అంశాలను చర్చించారు.
News October 18, 2024
ఉచిత మెగా హెల్త్ క్యాంపు సద్వినియోగం చేసుకోవాలి: సజ్జనార్
వరంగల్ పోలీస్ కమిషనరేట్ పరిధిలో విధులు నిర్వహిస్తున్న పోలీస్ సిబ్బందికి ఈనెల 19న శనివారం ఉదయం 9 నుంచి భీమారం శుభం పోలీస్ కళ్యాణ వేదికలో ఉచిత మెగా హెల్త్ క్యాంప్ నిర్వహిస్తున్నట్లు పోలీస్ కమిషనర్ అంబర్ కిషోర్ ఝా ప్రకటనలో తెలిపిన విషయం తెలిసిందే. దీన్ని ప్రశంసిస్తూ TGSRTC ఎండి సజ్జనార్ ‘X’లో పోస్ట్ చేశారు. ఉచిత మెగా హెల్త్ క్యాంపును పోలీస్ సిబ్బంది సద్వినియోగం చేసుకోవాలని కోరారు.
News October 18, 2024
వరంగల్ మార్కెట్లో చిరుధాన్యాల వివరాలు
వరంగల్ ఎనుమాముల వ్యవసాయ మార్కెట్లో నేడు సూక పల్లికాయ ధర పెరిగింది. నిన్న రూ.5,560 ధర పలకగా.. నేడు రూ.6,100కి పెరిగింది. అలాగే 5531 రకం మిర్చికి నిన్న రూ.13,500 ధర రాగా.. నేడు రూ.13వేలు అయింది. మరోవైపు పచ్చి పల్లికాయకు రూ.4,750 ధర వచ్చినట్లు వ్యాపారులు తెలిపారు.
Featured News
Sorry, no posts matched your criteria.