India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News October 18, 2024
వరంగల్ మార్కెట్లో పెరుగుతున్న మొక్కజొన్న ధరలు
వరంగల్ ఎనుమాముల వ్యవసాయ మార్కెట్లో మక్కలు(బిల్టీ)కు నేడు రూ.2,470 ధర వచ్చింది. గత మూడు రోజులుగా మొక్కజొన్న ధరలు పెరుగుతూ వస్తున్నాయి. బుధవారం రూ.2,416 ధర పలికిన మక్కలు, గురువారం రూ.2420 పలికింది. నేడు మరింత ధర పెరగడంతో రైతులు కొంత ఆనందం వ్యక్తం చేస్తున్నారు. నేడు మార్కెట్కు మొక్కజొన్న తరలిరాగా క్రయవిక్రయాలు జోరుగా కొనసాగుతున్నాయి.
News October 18, 2024
సిద్ధేశ్వర ఆలయంలో భవాని మాతకు అలంకరణ
హనుమకొండ సిద్దేశ్వర ఆలయంలోని భవానీ మాతకు శుక్రవారం సందర్భంగా ఆలయ ప్రధాన అర్చకులు సురేశ్ కుమార్ ప్రత్యేక పూజలు నిర్వహించారు. అనంతరం అమ్మవారిని అలంకరించారు. ధూప, దీప నైవేద్యాలు సమర్పించారు. ఈరోజు శుక్రవారం కావడంతో భక్తులు అధిక సంఖ్యలో పాల్గొని అమ్మవారిని దర్శించుకుంటున్నారు.
News October 18, 2024
హన్మకొండలో పురాతన విగ్రహం లభ్యం
హన్మకొండలో పురాతన విగ్రహం లభ్యమయింది. న్యూ శాయంపేట అభయ ఆంజనేయ కాలనీలోని అభయాంజనేయ గుడి వద్ద గుడి అభివృద్ధి కోసం అక్కడ ఉన్న రాళ్లను తొలగిస్తుండగా గురువారం సాయంత్రం ఓ విగ్రహం బయటపడింది. దీంతో కాలనీవాసులతో పాటు.. శాయంపేట, హన్మకొండ నుంచి ప్రజలు పెద్ద ఎత్తున వచ్చి విగ్రహానికి కొబ్బరికాయలు కొట్టి పూజలు చేశారు.
News October 18, 2024
BHPL: బాలికపై వృద్ధుడి అత్యాచారయత్నం
బాలికపై వృద్ధుడు అత్యాచారయత్నం చేసిన ఘటన BHPL జిల్లా మహాముత్తారం మండలంలోని ఓ గ్రామంలో జరిగింది. SI మహేందర్ కుమార్ వివరాల ప్రకారం.. ఓ గ్రామానికి చెందిన బాలిక(12)పై అదే గ్రామానికి చెందిన రామయ్య(71).. ఇంట్లో ఒంటరిగా ఉన్న బాలికవద్దకు వెళ్లి అసభ్యంగా ప్రవర్తించాడు. దీంతో బాలిక కేకలు వేయడంతో పరారయ్యాడు. బాధితుల ఫిర్యాదు మేరకు కేసు నమోదు చేసి నిందితుడిని రిమాండ్‌కు తరలించారు.
News October 18, 2024
రాష్ట్రస్థాయి ఫొటోగ్రఫీ, షార్ట్ ఫిలిం పోటీలకు ఆహ్వానం: వరంగల్ సీపీ
పోలీస్ అమరవీరుల ప్రాణత్యాగాలను స్మరిస్తూ ఈనెల 21 నుంచి 31 వరకు వారోత్సవాలు నిర్వహించబడతాయని వరంగల్ సీపీ అంబర్ కిషోర్ ఝా తెలిపారు. ఇందులో భాగంగా పోలీసుల త్యాగాలు, పోలీసు విధుల్లో ప్రతిభను తెలిపే విధంగా ఉండే ఈ మధ్య కాలంలో తీసిన(3) ఫొటోలు, తక్కువ నిడివి(3 నిమిషాలు) గల షార్ట్ ఫిలిమ్స్ తీసి రాష్ట్రస్థాయి పోటీల కోసం ఈనెల 22లోపు కమిషనరేట్ ఆఫీస్‌లో PROకు అందజేయాలన్నారు.
News October 18, 2024
MHBD: వీడ్కోలు సమావేశంలో పాల్గొన్న సభ్యుడు
ఢిల్లీలోని NCST కార్యాలయంలో సీనియర్ ఐఏఎస్ ఆఫీసర్, నేషనల్ కమిషన్ ఫర్ షెడ్యూల్ ట్రైబ్స్ కార్యదర్శి అల్కతివారి వీడ్కోలు సమావేశంలో జాతీయ ST కమిషన్ సభ్యులు, మహబూబాబాద్ జిల్లా వాసి జాటోత్ హుస్సేన్ నాయక్ పాల్గొన్నారు. నిత్యం ప్రజల్లో ఉంటూ నిజాయితీగా సేవలు అందించే అధికారులను ప్రజలు ఎల్లప్పుడూ గుండెల్లో పెట్టుకొని చూసుకుంటారన్నారు.
News October 17, 2024
డిగ్రీ మొదటి సెమిస్టర్ పరీక్ష ఫీజు నోటిఫికేషన్
నవంబర్ నెలలో ప్రారంభమయ్యే కాకతీయ విశ్వవిద్యాలయ డిగ్రీ(రెగ్యులర్ & బ్యాక్ లాగ్) మొదటి సెమిస్టర్ పరీక్ష ఫీజు నోటిఫికేషన్‌ను విశ్వవిద్యాలయ పరీక్షల నియంత్రణ అధికారి ఆచార్య ఎస్.నరసింహ చారి నేడు విడుదల చేశారు. అపరాధ రుసుము లేకుండా ఈనెల 28 వరకు, అపరాధ రుసుము రూ.50లతో నవంబర్ 2 వరకు కళాశాల ద్వారా చెల్లించవచ్చని అన్నారు. మరిన్ని వివరాలు విశ్వవిద్యాలయ వెబ్ సైట్ www.kakatiya.ac.inలో చూడవచ్చని తెలిపారు.
News October 17, 2024
ఖిలా వరంగల్ సందర్శించిన ఫొటోను ట్వీట్ చేసిన సజ్జనార్
తెలంగాణ రాష్ట్ర రోడ్ & ట్రాన్స్పోర్ట్ కార్పొరేషన్ ఎండి వీసీ సజ్జనార్ గతంలో వరంగల్‌లో ఎస్పీగా విధులు నిర్వర్తించారు. 16 ఏళ్ల క్రితం వరంగల్‌లో విధులు నిర్వహిస్తున్న క్రమంలో సజ్జనార్ తన సతీమణితో కలిసి ఖిలా వరంగల్ కోటను సందర్షించారు. కోటలో తన సతీమణితో దిగిన ఫొటోను ఈరోజు ‘X’లో పోస్ట్ చేసి ఆ మధుర స్మృతిని జ్ఞప్తికి తెచ్చుకున్నారు. ఎంతటి బిజీ లైఫ్ ఉన్నా.. ఫ్యామిలీతో గడిపిన క్షణాలు మధురమైనవన్నారు.
News October 17, 2024
వరంగల్ మార్కెట్లో చిరుధాన్యాల ధరల వివరాలు
వరంగల్ ఎనుమాముల వ్యవసాయ మార్కెట్లో గురువారం వివిధ రకాల చిరు ధాన్యాల ధరలు ఇలా ఉన్నాయి. సూక పల్లికాయ నిన్న రూ.6,640 ధర పలకగా.. నేడు రూ.5560కి పడిపోయింది. అలాగే 5531 రకం మిర్చికి నిన్నటి లాగే రూ.13,500 ధర రాగా నేడు కూడా అదే ధర వచ్చిందని వ్యాపారులు తెలిపారు. మక్కలు(బిల్టీ) ధర నిన్న రూ. 2416 ధర పలకగా.. నేడు రూ.2420 పలికింది.
News October 17, 2024
వరంగల్ పాలిటెక్నిక్ కాలేజీకి రూ.28 కోట్ల నిధులు
వరంగల్ ప్రభుత్వ పాలిటెక్నిక్ కాలేజీ నూతన భవనానికి నిధులు మంజూరు చేయాలని విద్యార్థులు పలుమార్లు అధికారులు, ప్రజా ప్రతినిధులకు వినతిపత్రాలు అందజేశారు. ఇటీవల కళాశాల విద్యార్థులు, పూర్వ విద్యార్థులు పశ్చిమ ఎమ్మెల్యే నాయిని రాజేందర్ దృష్టికి తీసుకెళ్లారు. దీంతో కాలేజీకి రూ.28 కోట్లు మంజూరు చేస్తూ ప్రభుత్వం ఉత్తర్వులు జారీ చేసింది.
Featured News
Sorry, no posts matched your criteria.