India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News October 17, 2024
వరంగల్: మళ్లీ తగ్గిన పత్తి ధరలు
వరంగల్ ఎనుమాముల వ్యవసాయ మార్కెట్లో బుధవారంతో పోలిస్తే నేడు పత్తి ధరలు తగ్గాయి. నిన్న క్వింటా కొత్త పత్తి ధర రూ.7,060 పలకగా.. నేడు (గురువారం) రూ.7,010కి పడిపోయింది. అలాగే పాత పత్తికి నిన్న రూ.7,450 ధర రాగా.. నేడు రూ.7,400కి తగ్గింది. పత్తి ధరలు తగ్గుతుండడంతో అన్నదాతలు ఆవేదన వ్యక్తం చేస్తున్నారు.
News October 17, 2024
HNK: బతుకమ్మ పండగకు పుట్టింటికి పంపలేదని సూసైడ్
బతుకమ్మ పండగకు పుట్టింటికి పంపలేదని వివాహిత సూసైడ్ చేసుకున్న ఘటన చేర్యాల(M) ఆకునూరులో జరిగింది. ధర్మసాగర్(M) క్యాతంపల్లికి చెందిన సౌమ్య(22)కు ఆకునూరుకు చెందిన శ్రావణ్‌కు ఇచ్చి వివాహం చేశారు. వీరికి ఏడాదిన్నర కూతురు ఉంది. బతుకమ్మకు పుట్టింటికి సౌమ్యను పంపకపోవడంతో మంగళవారం పురుగుమందు తాగి ఆత్మహత్యాయత్నం చేసింది. చికిత్స పొందుతూ సిద్దిపేటలోని ఓ ఆసుపత్రిలో బుధవారం మృతి చెందినట్లు SI నీరేశ్ తెలిపారు.
News October 17, 2024
KU డిగ్రీ, పీజీ బ్యాక్లాగ్ పేపర్లకు అనుమతి: రిజిస్ట్రార్
కేయూ పరిధిలోని డిగ్రీ, పీజీ బ్యాక్లాగ్ విద్యార్థులకు 2024- 25 విద్యా సంవత్సరం కాలపరిమితికి సంబంధించి రాత, ప్రాక్టికల్, సెమినార్ పరీక్షలు క్లియర్ చేయడానికి అనుమతి ఇస్తూ రిజిస్ట్రార్ ఆచార్య పి.మల్లారెడ్డి ఉత్తర్వులు జారీ చేశారు. విశ్వవిద్యాలయ పరిధిలోని కళాశాలల విద్యార్థులు ఈ అవకాశాన్ని వినియోగించుకోవాలని, పరీక్షా ఫీజుకు సంబంధించి మరిన్ని వివరాలకు వెబ్‌సైట్‌లో చూడవచ్చన్నారు.
News October 17, 2024
మంత్రి కొండా సురేఖను కలిసిన యశస్విని రెడ్డి
మంత్రి కొండా సురేఖను పాలకుర్తి ఎమ్మెల్యే యశస్వినిరెడ్డి కలిశారు. పాలకుర్తి నియోజకవర్గంలో చేపడుతున్న అభివృద్ధి పనుల వివరాలు, తదితర అంశాలను మంత్రి కొండా సురేఖకు ఎమ్మెల్యే వివరించి అభివృద్ధికి అన్ని విధాల సహకరించాలని కోరారు. కార్యక్రమంలో పలువురు ప్రజాప్రతినిధులు, కాంగ్రెస్ కార్యకర్తలు పాల్గొన్నారు.
News October 17, 2024
డిగ్రీ, పీజీ బ్యాక్ లాగ్ పేపర్లకు అనుమతి: రిజిస్ట్రార్
కేయూ పరిధిలోని డిగ్రీ, పిజి బ్యాక్ లాగ్ విద్యార్థులకు 2024 – 25 విద్యా సంవత్సరం కాలపరిమితికి సంబంధించి బ్యాక్లాగ్ పేపర్‌లను క్లియర్ చేయడానికి ఒక సారి అనుమతి ఇస్తూ రిజిస్ట్రార్ ఆచార్య పి.మల్లారెడ్డి ఉత్తర్వులు జారీ చేశారు. విశ్వవిద్యాలయ పరిధిలోని కళాశాలల విద్యార్థులు ఈ అవకాశాన్ని వినియోగించుకోవాలని, ప్రాసెసింగ్ ఫీజు, పరీక్షా ఫీజుకు సంబంధించి మరిన్ని వివరాలకు వెబ్‌సైట్‌లో చూడవచ్చన్నారు.
News October 17, 2024
ఉమ్మడి వరంగల్ జిల్లాలో క్రైమ్ న్యూస్..
> JN: గుండెపోటుతో హోం-గార్డు మృతి
> BHPL: సైబర్ నేరాలపై అవగాహన సదస్సు
> MLG: రోడ్డు ప్రమాదంలో ఒకరి మృతి
> NSPT: పొగాకు ఉత్పత్తులను స్వాధీనం చేసుకున్న పోలీసులు
> JN: ఆకస్మికంగా వ్యక్తి మృతి
> HNK: అక్రమంగా గుడుంబా తరలిస్తే చర్యలు
> BHPL: పంపు బ్యాటరీ పేలి వ్యక్తికి గాయాలు
> JN: చిల్పూరులో పోలీసుల కార్దన్ సెర్చ్
> PLK: విస్నూరులో విద్యుత్ షాకుతో పాడి గేదె మృతి
News October 16, 2024
ములుగు: చదివిన పాఠశాలలోనే టీచరుగా!
పుట్టి పెరిగిన గ్రామం, ప్రాథమిక విద్య నేర్చుకున్న పాఠశాలలోనే ప్రభుత్వ టీచర్ ఉద్యోగాన్ని జాడి కళ్యాణి సాధించారు. ములుగు జిల్లా వెంకటాపురం మండలం వాడగూడెంకు చెందిన కళ్యాణి 1వ తరగతి నుంచి 5వ తరగతి వరకు తమ గ్రామంలోని ప్రాథమిక పాఠశాలలోనే విద్యను అభ్యసించారు. ఆమె ఇటీవల డీఎస్సీ ఫలితాల్లో ఎస్జీటీ ఉపాధ్యాయురాలిగా ఎంపికై తాను చదివిన పాఠశాలలోనే చేరారు.
News October 16, 2024
వరంగల్ మార్కెట్లో చిరు ధాన్యాల ధరలు ఇలా..
వరంగల్ ఎనుమాముల వ్యవసాయ మార్కెట్లో నిన్నటితో పోలిస్తే ఈరోజు పలు రకాల చిరు ధాన్యాల ధరలు పెరిగాయి. సూక పల్లికాయ నిన్న రూ.6,500 ధర పలకగా.. నేడు రూ.6,640 ధర పలికింది. అలాగే పచ్చి పల్లికాయ రూ.4700, 5531 రకం మిర్చికి నిన్నటి లాగే రూ. 13,500 ధర వచ్చింది. మరోవైపు పసుపు క్వింటాకి రూ.11,359 ధర వచ్చిందని రైతన్నలు తెలిపారు.
News October 16, 2024
వరంగల్: పతనమవుతున్న మొక్కజొన్న ధరలు
వరంగల్ ఎనుమాముల వ్యవసాయ మార్కెట్లో మొక్కజొన్న ధరలు క్రమంగా తగ్గుతూ వస్తున్నాయి. 2 నెలల క్రితం వరకు మార్కెట్ చరిత్రలో ఎన్నడూ లేనివిధంగా రికార్డు ధరలు నమోదు చేసిన మొక్కజొన్న.. గత కొద్ది రోజులుగా తగ్గుతూ వస్తున్నాయి. గతంలో రూ.3 వేలకు పైగా పలికిన క్వింటా మక్కలు(బిల్టి) ధర క్రమంగా పతనమై వస్తూ నేడు రూ.2416కి చేరినట్లు వ్యాపారులు తెలిపారు.
News October 16, 2024
సమాచారం ఇవ్వండి.. బహుమతి పట్టండి: వరంగల్ సీపీ
వరంగల్ పోలీస్ కమిషనరేట్ పరిధిలో ఎవరైనా వ్యక్తులు గంజాయి, ఇతర మత్తు పదార్థాలను విక్రయిస్తున్నా, రవాణా చేస్తున్నా, లేదా వినియోగిస్తున్నట్లు సమాచారం తెలిస్తే తక్షణమే 87125 84473 నంబర్‌కు ఫోన్ చేసి సమాచారం ఇవ్వాలని సీపీ అంబర్ కిషోర్ ఝా తెలిపారు. సమాచారం ఇచ్చిన వారి వివరాలు గోప్యంగా ఉంచుతామన్నారు. పెద్ద మొత్తంలో గంజాయి సమాచారం తెలిపిన వారికి భారీగా నగదు బహుమతి అందజేస్తామని తెలిపారు.
Featured News
Sorry, no posts matched your criteria.