India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News April 25, 2024
WGL: గుండెపోటుతో బీఆర్ఎస్ కార్యకర్త మృతి
దేవరుప్పుల మండలం మాధాపురంలో విషాదం చోటుచేసుకుంది. కుటుంబ సభ్యుల వివరాల ప్రకారం.. గ్రామానికి చెందిన బీఆర్ఎస్ కార్యకర్త గుర్రం కొమురయ్య (56) గుండెపోటుతో బుధవారం సాయంత్రం మృతి చెందారు. మరణ వార్త విన్న కుటుంబ సభ్యులు, గ్రామస్థులు కన్నీరు మున్నీరు అయ్యారు. ఆయన మృతిపట్ల పలువురు రాజకీయ నేతలు సంతాపం వ్యక్తం చేస్తున్నారు.
News April 25, 2024
ఎమ్మెల్సీ ఉప ఎన్నికకు షెడ్యూల్ విడుదల
డాక్టర్ పల్లా రాజేశ్వర్ రెడ్డి రాజీనామాతో ఏర్పడిన వరంగల్- ఖమ్మం-నల్గొండ గ్రాడ్యుయేట్ ఎమ్మెల్సీ ఉప ఎన్నికకు తెలంగాణ ఎలక్షన్ కమిషన్ షెడ్యూల్ విడుదల చేసింది. మే 2న ఎలక్షన్ నోటిఫికేషన్ విడుదల కానుంది. నామినేషన్ కి చివరి తేదీ మే 9, పోలింగ్ మే 27న జరగనుంది. ఓట్ల లెక్కింపు జూన్ 5న జరగనుంది. ఈ ఉప ఎన్నికకు సంబంధించి ఎలక్షన్ కోడ్ తక్షణమే అమలులోకి వస్తుంది.
News April 25, 2024
మే 8 నుంచి కేయూ పీడీసీ మొదటి సంవత్సరం పరీక్షలు
కాకతీయ విశ్వవిద్యాలయ పీడీసీ మొదటి సంవత్సరం (తెలుగు) పరీక్షలు మే 8 నుంచి ప్రారంభమవుతాయని పరీక్షల నియంత్రణ అధికారి ఆచార్య ఎస్.నరసింహ చారి, అదనపు పరీక్షల నియంత్రణ అధికారి డాక్టర్ తిరుమల దేవి సంయుక్త ప్రకటనలో తెలిపారు. అదేవిధంగా రెండవ సంవత్సరం పరీక్షలు మే 15 నుంచి ప్రారంభమవుతాయని అన్నారు. వివరాలకు విశ్వవిద్యాలయ వెబ్ సైట్ www.kakatiya.ac.inలో సంప్రదించాలన్నారు.
News April 25, 2024
WGL: కాంగ్రెస్‌లోకి గుండు సుధారాణి
గ్రేటర్ వరంగల్ మున్సిపల్ కార్పొరేషన్ మేయర్ గుండు సుధారాణి గురువారం కాంగ్రెస్ పార్టీలో చేరారు. ఈ మేరకు హైదరాబాద్‌లో గుండు సుధారాణికి కాంగ్రెస్ సీనియర్ నాయకులు జగ్గారెడ్డి కాంగ్రెస్ కండువా కప్పి పార్టీలోకి ఆహ్వానించారు. గత నెల రోజులుగా గుండు సుధారాణి బీఆర్ఎస్ పార్టీ కార్యక్రమాలకు దూరంగా ఉండటంతో కాంగ్రెస్‌లో చేరుతున్నారని ఊహాగానాలు వినిపించాయి. గురువారం పార్టీ మారడంతో ఊహాగానాలు నిజమయ్యాయి.
News April 25, 2024
వరంగల్ మార్కెట్లో తగ్గిన పత్తి ధర
నిన్న ప్రత్యేక సెలవు (ఎండాకాలం నేపథ్యంలో ప్రతీ బుధవారం సెలవు) అనంతరం వరంగల్ ఎనుమాముల వ్యవసాయ మార్కెట్ ఈరోజు ప్రారంభం అయింది. అయితే మొన్నటితో పోలిస్తే ఈరోజు పత్తి ధర తగ్గింది. మొన్న రూ.7,100 పలికిన క్వింటా పత్తి.. ఈరోజు రూ.7020 ధర పలికినట్లు అధికారులు తెలిపారు. మార్కెట్లో క్రయవిక్రయాల ప్రక్రియ జోరుగా కొనసాగుతోంది.
News April 25, 2024
నర్సంపేట: ఆసుపత్రి బోర్డుపై తప్పులు!
నర్సంపేట ప్రభుత్వ ఆసుపత్రి బోర్డుపై తప్పులు దొర్లడంతో స్థానికులు ముక్కున వేలేసుకున్నారు. నర్సంపేటకు మంజూరైన జిల్లా ప్రభుత్వ ఆసుపత్రి, మెడికల్ కళాశాలను తాత్కాలికంగా పాత ఆసుపత్రిలో నిర్వహించేందుకు అధికారులు చర్యలు చేపట్టారు. ఇందులో భాగంగా ఆసుపత్రి గేటు ముందు బోర్డును ఏర్పాటు చేసి.. తెలుగు, ఇంగ్లిష్‌లలో పేర్లు రాశారు. ఇంగ్లిష్‌లో పలు తప్పులు దొర్లాయి. మరి సరి చేస్తారో లేదో చూడాలి.
News April 25, 2024
ఉమ్మడి జిల్లాలో వరంగల్ లాస్ట్
ఇంటర్ ఫలితాల్లో వరంగల్ జిల్లా వెనకబడింది. ఫస్టియర్ ఫలితాల్లో 24వ స్థానం సాధించగా.. సెకండియర్ ఫలితాల్లో 26వ స్థానంలో నిలిచింది. సెకండియర్ ఫలితాల్లో ములుగు జిల్లా 82.95 శాతంతో తొలి స్థానంలో, ఫస్టియర్ ఫలితాల్లో 70.01శాతంతో 3వ స్థానంలో నిలిచింది. కాగా, WGL 2021-22లో రాష్ట్రంలో ఫస్ట్, సెకండియర్ ఫలితాల్లో 25వ స్థానంలో నిలవగా.. 2022-23లో ఫస్టియర్‌లో 27వ స్థానం, సెకండియర్ ఫలితాల్లో 33వ స్థానంలో నిలిచింది.
News April 25, 2024
WGL: పరీక్షల్లో ఫెయిల్.. ఇద్దరు విద్యార్థులు బలవన్మరణం
పరీక్షల్లో ఫెయిల్ అయ్యారనే మనస్తాపంతో ఇద్దరు ఇంటర్ విద్యార్థులు బలవన్మరణానికి పాల్పడ్డారు. మహబూబాబాద్ జిల్లా రెడ్యాలకు చెందిన యశస్విని ఫస్టియర్ ఎకనామిక్స్ ఫెయిల్ కావడంతో బావిలో దూకి ఆత్మహత్య చేసుకుంది. కాగా, డోర్నకల్ మండలానికి చెందిన భార్గవి ఫస్టియర్ బోటనీలో ఫెయిల్ కావడంతో ఉరేసుకుని బలవన్మరణానికి పాల్పడింది.
News April 25, 2024
HNK: ఇంటర్ ఫలితాల్లో బాలికలదే హవా!
ఇంటర్ ఫస్టియర్ ఫలితాల్లో రాష్ట్రంలో HNK జిల్లా 6వ స్థానంలో నిలిచిన విషయం తెలిసిందే. జిల్లా వ్యాప్తంగా 18,533 మంది పరీక్ష రాయగా.. 11,578 మంది పాసయ్యారు. ఈ క్రమంలోనే HNKకు చెందిన తొగర సాత్విక MPCలో 470 మార్కులకు గాను 466 మార్కులు సాధించారు. దీంతో అందరి అభినందనలు పొందుతున్నారు. జిల్లా వ్యాప్తంగా 8,905 మంది బాలికలకు గానూ 6,224 మంది పాసయ్యారు. బాలికలు 69.79 శాతం, బాలురు 55.49 శాతం ఉత్తీర్ణత సాధించారు.
News April 25, 2024
ప్రారంభమైన ఎనుమాముల మార్కెట్
వరంగల్ ఎనుమాముల వ్యవసాయ మార్కెట్ సాధారణ సెలవుల అనంతరం నేడు మార్కెట్లో క్రయవిక్రయాలు ప్రారంభమయ్యాయి. కావున ఈ విషయాన్ని రైతులందరూ గమనించాలని మార్కెట్ అధికారులు తెలిపారు. రైతులు తమ సరుకులు మార్కెట్‌కు తరలించే సమయంలో పలు సూచనలు, జాగ్రత్తలు పాటిస్తే మంచి ధర పలుకుతుందని అధికారులు తెలిపారు.
Featured News
Sorry, no posts matched your criteria.