India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News April 9, 2024
రేపు కొడకండ్లకు ఈటల, రఘునందన్ రావు
జనగామ జిల్లా కొడకండ్లకు మాజీ మంత్రి ఈటల రాజేందర్, దుబ్బాక మాజీ ఎమ్మెల్యే రఘునందన్ రావు బుధవారం రానున్నట్లు బీజేపీ మండల శాఖ నాయకులు తెలిపారు. లోక్‌సభ ఎన్నికల్లో బీజేపీ విజయమే లక్ష్యంగా రేపు కొడకండ్లలో నిర్వహించనున్న బీజేపీ బూత్ అధ్యక్షుల సమావేశంలో పాల్గొననున్నారు. వీరితో పాటు వరంగల్ పార్లమెంట్ బీజేపీ అభ్యర్థి ఆరూరి రమేశ్‌లతో పాటు.. పలువురు నాయకులు హాజరు కానున్నట్లు సమాచారం.
News April 9, 2024
ఉగాది తర్వాతే BRS వరంగల్ ఎంపీ అభ్యర్థిని ప్రకటిస్తాం: ఎర్రబెల్లి
వరంగల్ జిల్లా వర్ధన్నపేటలో నిర్వహించిన నియోజకవర్గం కార్యకర్తల సమావేశంలో మాజీ మంత్రి ఎర్రబెల్లి దయాకర్ రావు పాల్గొన్నారు. ఆయన మాట్లాడుతూ.. ఉగాది పండుగ తర్వాతే BRS వరంగల్ ఎంపీ అభ్యర్థిని ప్రకటిస్తామని అన్నారు. లోక్‌సభ ఎన్నికల్లో అభ్యర్థి గెలుపు కోసం కార్యకర్తలు, నాయకులు కృషి చేయాలని సూచించారు. బీఆర్ఎస్‌ గెలిస్తేనే తెలంగాణ గొంతుక పార్లమెంట్‌లో వినిపిస్తుందన్నారు.
News April 9, 2024
వెంకటాపురం: చేపల మార్కెట్లో వ్యక్తిపై కత్తితో దాడి
చేపల మార్కెట్లో ఓ వ్యక్తిపై కత్తితో దాడి చేసిన ఘటన వెంకటాపురం మండలంలో చోటుచేసుకుంది. మార్కెట్లో చేపల విక్రయిస్తున్న నాగేంద్రప్రసాద్ అనే వ్యక్తిపై వంశీ అనే వ్యక్తి కత్తితో దాడి చేయడంతో తీవ్ర గాయాలపాలయ్యాడు. విషయం తెలుసుకున్న ఎస్ఐ అశోక్ ఘటనా స్థలానికి చేరుకొని వివరాలను అడిగి తెలుసుకున్నారు. దాడి చేసిన వంశీని అదుపులోకి తీసుకొని పోలీస్ స్టేషన్‌కు తరలించారు.
News April 9, 2024
MHBD: ఇంటి పన్ను చెల్లిస్తే 5 శాతం మినహాయింపు
మహబూబాబాద్ పట్టణ ప్రజలు ఈ నెల 30వ తేదీలోగా ఇంటి పన్ను చెల్లిస్తే 5 శాతం మినహాయింపు ఉంటుందని మున్సిపల్ కమిషనర్ రవీందర్ తెలిపారు. పట్టణ ప్రజలు 2024-25 సంవత్సరం ఇంటి పన్ను నంబర్, పాత డిమాండ్ నోటీస్‌తో గాని చెల్లించవచ్చన్నారు. ఈ అవకాశాన్ని పట్టణ ప్రజలు సద్వినియోగం చేసుకోవాలని సూచించారు. పన్ను చెల్లింపుదారులు మున్సిపల్ కార్యాలయంలో ఏర్పాటు చేసిన ప్రత్యేక కౌంటర్‌లో చెల్లించవచ్చన్నారు.
News April 9, 2024
ఖానాపురం: కరెంట్ షాక్‌తో రైతు మృతి
వరంగల్ జిల్లా ఖానాపురం మండలంలో విషాదం చోటుచేసుకుంది. స్థానికుల వివరాల ప్రకారం.. కొడ్తె మాటు తండాకు చెందిన చందా(50) అనే రైతు విద్యుత్ షాక్‌తో సోమవారం సాయంత్రం మృతి చెందాడు. తండా శివారులోని వ్యవసాయ భూమి వద్దకు వెళ్లగా ప్రమాదవశాత్తు కరెంట్ షాక్‌తో అక్కడికక్కడే మృతి చెందినట్లు స్థానికులు తెలిపారు. పోలీసులు కేసు నమోదు చేసుకొని దర్యాప్తు చేస్తున్నారు.
News April 9, 2024
‘నెక్కొండ ఫలుదా’ ఘటన.. ఫుడ్‌సేఫ్టీ అధికారుల రిపోర్ట్ ఇదే!
నెక్కొండలో ఇటీవల ఫలుదాలో ఓ వ్యాపారి వీర్యం, మూత్రం కలుపుతున్నట్లు వీడియో వైరల్ అయిన విషయం తెలిసిందే. వెంటనే సదరు వ్యాపారిని గుర్తించి అదుపులోకి తీసుకున్న పోలీసులు.. ఆ ఐస్‌క్రీం బండిలోని పదార్థాలను HYDలో ఫోరెన్సిక్ ల్యాబ్‌కు పంపారు. వాటి నివేదికను ఫుడ్ సేఫ్టీ అధికారులు విడుదల చేశారు. అందులో ఎలాంటి వీర్యం, మూత్రం ఆనవాళ్లు లేవని నిర్ధారించినట్లు WGL జోన్ ఫుడ్ సేఫ్టీ ఆఫీసర్ అమృతశ్రీ క్లారిటీ ఇచ్చారు.
News April 9, 2024
కొత్త సంవత్సరంలో మెరుగైన అభివృద్ధి సాధించాలి: కలెక్టర్
శుభాలను ఇచ్చే సంవత్సరం శ్రీ క్రోధి నామ సంవత్సరమని, ప్రజలందరూ శుభాలతో ఏప్రిల్ 9న ఉగాది పర్వదినాన్ని ఆనందోత్సవాలతో జరుపుకోవాలని, కలెక్టర్ ఆకాంక్షించారు. శ్రీ క్రోధి నామ సంవత్సరం ప్రారంభం కానున్న సందర్భంగా.. సమృద్ధిగా వానలు కురిసి, రైతుల కుటుంబాల్లో సుఖ సంతోషాలు వెల్లివిరియాలని అభిలషించారు. అలాగే కొత్త సంవత్సరంలో జిల్లా అన్ని రంగాల్లో మెరుగైన అభివృద్ధి సాధించాలని కలెక్టర్ ఆకాంక్షించారు.
News April 8, 2024
ఐనవోలు: కొత్త కళ సంతరించుకున్న మల్లన్న ఆలయం
హన్మకొండ జిల్లా ఐనవోలు మండలంలోని మల్లికార్జునస్వామి ఆలయం కొత్త శోభను సంతరించుకుంది. ఇటీవల ఓ దాత రూ.13 లక్షలతో ఇత్తడి తొడుగు, బంగారుపూతతో గర్భాలయాన్ని సుందరంగా తీర్చిదిద్దారు. దీంతో ఆలయం కొత్త రూపును సంతరించుకుంటూ, భక్తులను ఆకర్షిస్తున్నది. దాతల సహకారంతో అనేక అభివృద్ధి కార్యక్రమాలు చేపడుతున్నామని దేవస్థానం ఈవో అద్దంకి నాగేశ్వర్రావు తెలిపారు.
News April 8, 2024
పద్మాక్షి ఆలయంలో రేపటి నుంచి ప్రత్యేక కార్యక్రమాలు
హన్మకొండలో ప్రసిద్ధి చెందిన హనుమద్గిరి పద్మాక్షి దేవాలయంలో నూతన ఉగాది సందర్భంగా తొమ్మిది రోజులపాటు ప్రత్యేక కార్యక్రమాలు చేపడుతున్నట్లు అర్చకులు తెలిపారు. ఈనెల 9 నుంచి 17 వరకు రోజుకు ఒక్కో రకమైన 21 కిలోల పుష్పాలతో పుష్పయాగం శ్రీ హనుమద్గిరి పద్మాక్షి చారిటబుల్ ట్రస్ట్ ద్వారా సభ్యుల సమక్షంలో నిర్వహించబడుతున్నట్లు పేర్కొన్నారు. భక్తులు అధిక సంఖ్యలో హాజరై కార్యక్రమాలు విజయవంతం చేయాలని కోరారు.
News April 8, 2024
పేదలను మరింత పేదలుగా మార్చిన ఘనత బీజేపీది: సీతక్క
వివిధ రకాల ట్యాక్స్‌ల పేరుతో పేద ప్రజలను మరింత పేదలుగా మార్చిన ఘనత బీజేపీ పార్టీది అని మంత్రి సీతక్క అన్నారు. బోథ్, ఖానాపూర్ నియోజకవర్గాల్లో ఏర్పాటు చేసిన కాంగ్రెస్ పార్టీ విస్తృత స్థాయి సమావేశాల్లో సీతక్క పాల్గొన్నారు. గత పదేళ్ల పాలనలో బీజేపీ తెలంగాణకు చేసిందేమీ లేదని ధ్వజమెత్తారు. జీఎస్టీ పేరుతో పేద ప్రజలను బీజేపీ దోపిడీ చేస్తుందని మండిపడ్డారు.
Featured News
Sorry, no posts matched your criteria.