India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News February 24, 2025
WGL: మందుబాబులకు బ్యాడ్ న్యూస్
టీచర్ ఎమ్మెల్సీ ఎన్నికల కోడ్ కారణంగా మూడు రోజులు మద్యం అమ్మకాలు నిలిపేయాలని దుకాణదారులను పోలీసులు ఆదేశించారు. ఈ నెల 25వ తేదీ సాయంత్రం 4 గంటల నుంచి 27వ తేదీ సాయంత్రం 4 గంటల వరకు మద్యం షాపులు బంద్ కానున్నాయి. దీంతో వరంగల్, భూపాలపల్లి, జనగామ, మహబూబాబాద్, ములుగు, హనుమకొండ జిల్లాల్లోని వైన్స్, బార్ అండ్ రెస్టారెంట్లు, స్టార్ హోటళ్లలోని బార్లు, కల్లు దుకాణాలు క్లోజ్ అవుతాయి.
News February 24, 2025
నేడు వరంగల్ మార్కెట్ ప్రారంభం
రెండు రోజుల విరామం అనంతరం వరంగల్ ఎనుమాముల వ్యవసాయ మార్కెట్ సోమవారం పున:ప్రారంభం కానుంది. మొన్న, నిన్న వారాంతపు సెలవులు కావడంతో మార్కెట్ బంద్ ఉంది. దీంతో నేడు ప్రారంభం కానుండగా.. రైతులు నాణ్యమైన సరుకులను మార్కెటుకు తీసుకొచ్చి మంచి ధర పొందాలని అధికారులు సూచించారు. కాగా ఉదయం 6 గంటల నుంచి మార్కెట్లో కొనుగోళ్లు ప్రారంభమయ్యాయి.
News February 24, 2025
రాహుల్ గాంధీ వచ్చి ప్రచారం చేసినా గెలవరు: బండి
కేంద్రమంత్రి బండి సంజయ్ హాట్ కామెంట్స్ చేశారు. వరంగల్ జిల్లా పర్యటనకు వచ్చిన ఆయన మీడియాతో మాట్లాడారు. MLC ఎన్నికల్లో ఓడిపోతున్నామని కాంగ్రెస్‌కు తెలిసిపోయిందని, ఏ సర్వే చూసినా విజయం BJPదేనని తేల్చడంతో కంగుతిన్న సీఎం రేవంత్ రెడ్డి తానే స్వయంగా ఎన్నికల్లో దిగి పైసలు పంచేందుకు సిద్ధమయ్యారన్నారు. రేవంత్ కాదు కదా…రాహుల్ గాంధీ వచ్చి ప్రచారం చేసినా MLC ఎన్నికల్లో కాంగ్రెస్ గెలిచే పరిస్థితి లేదన్నారు.
News February 24, 2025
వరంగల్: నేటి ప్రజావాణి రద్దు
వరంగల్ జిల్లా కలెక్టర్ కాన్ఫరెన్స్ హాల్లో సోమవారం నిర్వహించే ప్రజావాణి రద్దు చేసినట్లు కలెక్టర్ డాక్టర్ సత్య శారద తెలిపారు. జిల్లాలోని వివిధ మండలాల, గ్రామాల ప్రజలు సమస్యల పరిష్కారం కోసం కలెక్టరేట్ రావద్దని ఆమె సూచించారు.
News February 23, 2025
బండి సంజయ్ కుమార్‌కు ఘన స్వాగతం
ఎమ్మెల్సీ ఎన్నికల ప్రచారంలో భాగంగా వరంగల్ జిల్లా కేంద్రానికి వచ్చిన కేంద్ర మంత్రి బండి సంజయ్ కుమార్‌కు కొత్తవాడలో జిల్లా బీజేపీ అధ్యక్షుడు గంటా రవికుమార్, రాష్ట్ర కార్యవర్గ సభ్యుడు పెసరు విజయ్ చందర్ రెడ్డి, నేతలు ఘన స్వాగతం పలికారు. ఎమ్మెల్సీ ఎన్నికల్లో పార్టీ గెలుపు కోసం కార్యకర్తలు కష్టపడి పని చేయాలని బండి సంజయ్ కుమార్ పిలుపునిచ్చారు.
News February 23, 2025
కేయూ పీజీ పరీక్షల షెడ్యూల్ విడుదల
కాకతీయ యూనివర్సిటీ పరిధిలో వాయిదా పడిన అన్ని పీజీ కోర్సులకు(రెగ్యులర్, సప్లిమెంటరీ) సంబంధించిన మొదటి సెమిస్టర్ పరీక్షల షెడ్యూల్ విడుదలైంది. మార్చి 3, 5, 7, 10, 12, 15 తేదీల్లో పీజీ మొదటి సెమిస్టర్ పరీక్షలను మధ్యాహ్నం 2 నుంచి సా.5 గంటల వరకు నిర్వహించనున్నట్లు కేయూ పరీక్షల నియంత్రణ అధికారి రాజేందర్ తెలిపారు. విద్యార్థులు ఈ విషయాన్ని గమనించాలని సూచించారు.
News February 23, 2025
నేడు వరంగల్ జిల్లాకు బండి సంజయ్
నేడు బీజేపీ జాతీయ ప్రధాన కార్యదర్శి, కేంద్ర మంత్రి బండి సంజయ్ కుమార్ జిల్లాకు రానున్నారు. నల్గొండ-వరంగల్-ఖమ్మం ఉపాధ్యాయుల ఎమ్మెల్సీ ఎన్నికల ప్రచారంలో భాగంగా రానున్నట్లు జిల్లా బీజేపీ అధ్యక్షుడు గంటా రవికుమార్ తెలిపారు. ఉ.11 గంటల 30 నిమిషాలకు బొల్లికుంట వాగ్దేవి ఇంజినీరింగ్ కళాశాలలో ఉపాధ్యాయులతో సమావేశం నిర్వహించనున్నారు.
News February 23, 2025
వరంగల్: మహా శివరాత్రి.. మరో 3 రోజులే!
శివరాత్రి వేడుకలకు ఓరుగల్లు పెట్టింది పేరు. WGL నగరంలోని వేయి స్తంభాల గుడి, సిద్ధేశ్వరాలయం, మెట్టుగుట్ట సహా పలు దేవాలయాలు భక్తులతో పండుగరోజు నిండిపోతాయి. ఐనవోలు(HNK), రామప్ప(ములుగు), కాళేశ్వరాలయం(BHPL), పాలకుర్తి సోమేశ్వర(జనగామ), కురవి వీరభద్రస్వామి(MHBD) దేవాలయాలు జాగారం ఉన్న శివ భక్తులతో కిటకిటలాడతాయి. రాత్రంతా భక్తుల భజనలు, కీర్తనలతో దద్దరిల్లుతాయి. మీరు ఏ గుడికి వెళ్తున్నారో కామెంట్ చేయండి.
News February 23, 2025
విద్యార్థులతో కలిసి షార్ట్ ఫిలిం చూసిన కలెక్టర్
వరంగల్ ఎన్ఎన్ నగర్ ప్రభుత్వ పాఠశాలలో నిర్వహించిన స్ఫూర్తి కార్యక్రమానికి జిల్లా కలెక్టర్ సత్య శారద హాజరయ్యారు. అనంతరం విద్యార్థులతో కలిసి షార్ట్ ఫిలిం వీక్షించారు. వచ్చే 15 ఏళ్లలో ప్రపంచాన్ని శాసించే స్థాయిలో భారత యువత ముందుకు పోతుందన్నారు. పదవ తరగతిలో 9.7 జీపీఏ సాధించే విద్యార్థులతో కలిసి భోజనం చేస్తారని కలెక్టర్ విద్యార్థులతో హామీ ఇచ్చారు.
News February 22, 2025
ప్రత్యేక ప్రజావాణిలో ఆర్జీలు స్వీకరించిన వరంగల్ కలెక్టర్
వరంగల్ జిల్లా కలెక్టరేట్ సమావేశం మందిరంలో దివ్యాంగులకు, వయోవృద్ధులకు కోసం ప్రత్యేకంగా ఏర్పాటు చేసిన ప్రజావాణి కార్యక్రమంలో జిల్లా కలెక్టర్ సత్య శారద పాల్గొన్నారు. దివ్యాంగులు వయోవృద్ధుల నుంచి వినతి పత్రాలను సేకరించారు. వారిచ్చిన ఆర్జీలను పరిశీలించి సాధ్యమైనంత త్వరలో పూర్తి చేయాలని సంబంధిత అధికారులను ఆదేశించారు.
Featured News
Sorry, no posts matched your criteria.