India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News July 24, 2024
వరంగల్: స్వల్పంగా పెరిగిన పత్తి ధర
వరంగల్ ఎనుమాముల వ్యవసాయ మార్కెట్లో 3 రోజులుగా పత్తి ధర స్వల్పంగా పెరుగుతూ వస్తోంది. సోమవారం రూ.7,150 పలికిన క్వింటా పత్తి ధర మంగళవారం రూ.7,180కి చేరింది. నేడు మరికొంత పెరిగి రూ.7,230 అయింది. వర్షాలు కురుస్తున్న నేపథ్యంలో రైతులు తేమ లేని, నాణ్యమైన సరుకులు మార్కెట్‌కు తీసుకురావాలని వ్యాపారులు సూచిస్తున్నారు.
News July 24, 2024
బొగత: ఈత సరదా.. యువకుడి మృతి
బొగత జలపాతంలో నీట మునిగి మంగళవారం ఒకరు <<13691227>>మృతి చెందిన<<>> విషయం విదితమే. ఎనుమాముల మార్కెట్ సమీపంలోని సుందరయ్యనగర్‌కు చెందిన జశ్వంత్(19) స్నేహితులతో కలిసి బొగత సందర్శనకు వెళ్లాడు.స్నేహితులందరూ ఈత కొట్టేందుకు కొలనులో దిగారు. ఈక్రమంలో జశ్వంత్ నీట మునిగాడు.గంటసేపు శ్రమించగా అతడి మృతదేహం రక్షణ సిబ్బందికి దొరికింది. ఒక్కగానొక్క కొడుకుకు 19 ఏళ్లకే నూరేళ్లు నిండాయా అంటూ తల్లిదండ్రులు గుండెలవిసేలా రోదించారు.
News July 24, 2024
వరంగల్: బడ్జెట్‌పై అసంతృప్తి!
కేంద్ర ప్రభుత్వ బడ్జెట్లో వరంగల్ జిల్లాకు నిరాశే ఎదురైంది. విభజన హామీల్లో భాగంగా మంజూరైన ములుగు గిరిజన వర్సిటీకి ఈ పద్దులో నిధులు దక్కుతాయని ప్రజలు ఆకాంక్షించారు. కానీ బడ్జెట్‌ ప్రసంగంలో దీనిపై ఎలాంటి ప్రస్తావన రాలేదు. వరంగల్ జిల్లాలో నిర్మిస్తున్న కాకతీయ మెగా జౌళి పార్కుకు కేంద్రం నుంచి ఎలాంటి నిధులు విడుదల కాలేదు. దీంతో వరంగల్ వాసులు కేంద్ర ప్రభుత్వ బడ్జెట్‌పై అసంతృప్తి వ్యక్తం చేస్తున్నారు.
News July 23, 2024
ఉమ్మడి వరంగల్ జిల్లాలో నేటి క్రైమ్ న్యూస్..
☞MLG: బొగత జలపాతంలో పడి యువకుడు మృతి
☞ BHPL: ఆర్డీవో వాహనం ఢీకొని ఇద్దరికీ గాయాలు
☞MHBD: గుడుంబా తరలిస్తున్న వారిపై కేసు నమోదు
☞MLG: ధర్మవరంలో ఇద్దరిపై కుక్కల దాడి
☞ WPT: గుడుంబా స్థావరాలపై ఎక్సైజ్ శాఖ దాడులు
☞ MHBD: జిల్లాలో దొంగల బీభత్సం
☞ WGL: స్మగ్లింగ్‌‌కు పాల్పడుతున్న ఇద్దరి అరెస్టు
News July 23, 2024
ఉమ్మడి జిల్లాలో నేటి టాప్ న్యూస్
>బడ్జెట్లో కాజీపేట కోర్సు ఫ్యాక్టరీ ఊసే లేదు: కేటీఆర్, హరీష్ రావు> అసెంబ్లీ సమావేశాలకు హాజరైన ఉమ్మడి జిల్లా మంత్రులు, ఎమ్మెల్యేలు> శాసనమండలిలో ప్రతిపక్ష నేతగా సిరికొండ మధుసూదనాచారి> కేంద్ర బడ్జెట్లో తెలంగాణకు తీవ్ర అన్యాయం జరిగింది: ఎంపీలు కావ్య, బలరాం నాయక్> HNK ప్రసూతి ఆస్పత్రిని తనిఖీ చేసిన కలెక్టర్ ప్రావీణ్య>MLG తగ్గుముఖం పడుతున్న గోదావరి
News July 23, 2024
BREAKING: బొగత జలపాతంలో యువకుడి మృతి
ములుగు జిల్లా వాజేడు మండలం బొగత జలపాతం వద్ద విషాదం జరిగింది. స్నేహితులతో కలిసి సరదాగా జలపాతం చూసేందుకు వచ్చిన వరంగల్ జిల్లాకు చెందిన జశ్వంత్(19) అనే యువకుడు కొలనులో గల్లంతై మృతి చెందాడు. ఉద్ధృతంగా ప్రవహిస్తున్న జలపాతంలోకి ఎవరూ దిగొద్దని ఇప్పటికే అటవీశాఖ, పోలీసులు పలుమార్లు హెచ్చరికలు జారీ చేశారు. అధికారుల మాటలను పెడచెవిన పెట్టి జలపాతంలోకి దిగి ప్రాణాలు కోల్పోతున్నారని స్థానికులు అంటున్నారు.
News July 23, 2024
WGL: సీఎంను కలిసిన మంత్రి కొండా సురేఖ
అసెంబ్లీ సమావేశాల సందర్భంగా సీఎం రేవంత్ రెడ్డిని రాష్ట్ర దేవాదాయ శాఖ మంత్రి కొండా సురేఖ మర్యాదపూర్వకంగా కలిశారు. అనంతరం ఉమ్మడి వరంగల్ జిల్లాకు సంబంధించిన పలు అంశాలపై సీఎం రేవంత్ రెడ్డితో మంత్రి కొండా సురేఖ కాసేపు చర్చించారు. కార్యక్రమంలో ఉమ్మడి వరంగల్ జిల్లాకు చెందిన ఎమ్మెల్యేలు పాల్గొన్నారు.
News July 23, 2024
వరంగల్ మార్కెట్లో స్థిరంగా మొక్కజొన్న ధర
వరంగల్ ఎనుమాముల వ్యవసాయ మార్కెట్లో ఈరోజు మొక్కజొన్న ధర రూ.2,750 పలికింది. గత 3 రోజులుగా ధరల్లో ఎలాంటి మార్పులు కనిపించడం లేదు. ధరలు స్థిరంగా ఉండటం, గత రెండు నెలలుగా మక్కలకు అధిక ధర రావడంతో రైతులు సంతోషం వ్యక్తం చేస్తున్నారు. కాగా, మార్కెట్లో మొక్కజొన్నలు తరలివస్తున్నట్లు వ్యాపారస్తులు చెబుతున్నారు.
News July 23, 2024
సరస్వతి, లక్ష్మి బ్యారేజీలకు కొనసాగుతున్న వరద నీరు
భూపాలపల్లి జిల్లాలో కాళేశ్వరం ప్రాజెక్టులో భాగంగా నిర్మించిన అన్నారం(సరస్వతి) బ్యారేజ్, మేడిగడ్డ(లక్ష్మి) బ్యారేజీలకు వరద నీరు కొనసాగుతోంది. సరస్వతి బ్యారేజీకి 16,800 క్యూసెక్కుల నీరు రాగా, అంతే స్థాయిలో 66 గేట్ల ద్వారా నీటిని దిగువకు వదులుతున్నారు. అలాగే మేడిగడ్డ బ్యారేజీకి 8,52,240 క్యూసెక్కుల వరద నీరు రాగా.. 85 గేట్ల ద్వారా అంతే స్థాయిలో నీటిని అధికారులు దిగువకు వదులుతున్నారు.
News July 23, 2024
వరంగల్: స్వల్పంగా పెరిగిన పత్తి ధర
వరంగల్ ఎనుమాముల వ్యవసాయ మార్కెట్లో ఈరోజు పత్తి ధర స్వల్పంగా పెరిగింది. సోమవారం క్వింటా పత్తి ధర రూ.7,150 పలకగా.. నేడు రూ.7,180 పలికింది. అంతర్జాతీయ మార్కెట్లో పత్తికి ఉన్న డిమాండ్‌ను బట్టి మార్కెట్ ధరల్లో హెచ్చుతగ్గులు ఉంటాయని అధికారులు చెబుతున్నారు. మార్కెట్లో కొనుగోళ్ల ప్రక్రియ జోరుగా కొనసాగుతోంది.
Featured News
Sorry, no posts matched your criteria.