India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News January 30, 2025
నెక్కొండ: పంట పొలాల్లోకి దూసుకెళ్లిన కారు!
కారు ప్రమాదవశాత్తు పంట పొలాల్లోకి దూసుకెళ్లి పల్టీలు కొట్టిన ఘటన గురువారం తెల్లవారుజామున చోటు చేసుకుంది. స్థానికులు తెలిపిన వివరాలు.. నెక్కొండ నుంచి కేసముద్రం వెళ్లే రోడ్డులో అప్పలరావుపేట గ్రామ శివారు మూల మలుపు వద్ద ప్రమాదవశాత్తు కారు అదుపుతప్పి పంట పొలాల్లోకి వెళ్లి పల్టీ కొట్టింది. గమనించిన స్థానికులు పోలీసులకు సమాచారం అందించారు. పూర్తి వివరాలు తెలియాల్సి ఉంది.
News January 30, 2025
HNK: గోపాలపూర్‌ ఘటన.. ఇరు వర్గాల ఫిర్యాదు
ఇంటర్ చదువుతున్న బాలిక ఆత్మహత్య, యువకుడి గొంతు కోసిన ఘటనలో ఇరు వర్గాలపై కేసులు నమోదయ్యాయి. HNK గోపాలపూర్‌లో 2 రోజుల క్రితం తన ఇంట్లో కూతురితో ఓ యువకుడు సన్నిహితంగా ఉండటాన్ని చూసి తండ్రి సదరు యువకుడిపై దాడి చేయగా.. బాలిక ఆత్మహత్యకు పాల్పడిన విషయం తెలిసిందే. ఈ ఘటనపై ఇరు వర్గాలు పోలీస్ స్టేషన్‌లో ఫిర్యాదు చేసుకున్నాయి. బాలిక తండ్రి, మేనమామపై హత్యాయత్నం, అట్రాసిటీ.. యువకుడిపై పోక్సో కేసు నమోదు చేశారు.
News January 30, 2025
వరంగల్: జక్రియాను విచారించి వదిలేసిన అధికారులు!
పోలీసులకు పట్టుబడిన జమాత్-ఉల్ ముస్లీమీన్- ఆల్ ఇండియా ప్రెసిడెంట్, వరంగల్‌కు చెందిన జక్రియాను విచారించి ఇండియన్ ఇమిగ్రేషన్ అధికారులు వదిలేశారు. పాకిస్థాన్‌లోని కరాచీలో జమాత్ సంస్థ నడుస్తోంది. 15 మంది సభ్యులతో జమాత్ కోసం శ్రీలంకలో ఏర్పాటు చేసుకున్న సమావేశంలో పాల్గొని వస్తుండగా ఈ నెల 25న చెన్నై ఎయిర్‌పోర్టులో జక్రియా టీం పోలీసులకు పట్టుబడింది. అయితే వారి వద్ద ఎలాంటి ఆధారాలు దొరకలేదని సమాచారం.
News January 30, 2025
వరంగల్: పదో తరగతి విద్యార్థులకు స్పెషల్ టెస్ట్
పదో తరగతి విద్యార్థులకు ఫిబ్రవరి 4 నుంచి స్పెషల్ టెస్ట్ నిర్వహిస్తున్నామని వరంగల్ డీఈవో మామిడి జ్ఞానేశ్వర్ తెలిపారు. గతేడాది అక్టోబర్‌లో నిర్వహించిన సమ్మెటివ్ అసెస్‌మెంట్-1 తర్వాత నుంచి సిలబస్‌ను స్పెషల్ టెస్ట్‌కు విద్యార్థులు సన్నద్ధం కావాలని చెప్పారు.
News January 30, 2025
నేడు ఎంజీఎంలో గుండె వైద్య శిబిరం
వరంగల్ ఎంజీఎం ఆసుపత్రిలో గురువారం ఓ ప్రైవేట్ హాస్పిటల్ ఆధ్వర్యంలో సంయుక్తంగా పిల్లలకు గుండె పరీక్షల వైద్య శిబిరం నిర్వహిస్తున్నారు. గుండె సంబంధిత సమస్యలు చిన్నారులకు ఉచితంగా 2డీ ఎకో పరీక్షలు నిర్వహిస్తారని, ఉదయం 9 నుంచి సాయంత్రం 5 గంటల వరకు ఈ పరీక్షలు కొనసాగుతాయన్నారు. జిల్లాలోని ప్రజలు ఈ అవకాశాన్ని సద్వినియోగం చేసుకోవాలని డీఎంహెచ్ఓ సాంబశివరావు కోరారు.
News January 30, 2025
వరంగల్: ఆసుపత్రి నిర్మాణ పనులు పరిశీలించిన వికాస్ రాజ్
వరంగల్ జిల్లాలో నిర్మిస్తోన్న సూపర్ స్పెషాలిటీ ఆసుపత్రి నిర్మాణ పనులను రాష్ట్ర ఆర్ అండ్ బీ శాఖ ప్రత్యేక ప్రధాన కార్యదర్శి వికాస్ రాజ్ వరంగల్‌కు వచ్చారు. జిల్లా కలెక్టర్ సత్యశారద దేవితో కలిసి బుధవారం ఆసుపత్రి నిర్మాణ పనులను వికాస్ రాజ్ పరిశీలించారు. ఈ కార్యక్రమంలో సంబంధిత అధికారులున్నారు.
News January 30, 2025
వరంగల్:భవన నిర్మాణాన్ని ప్రారంభానికి సిద్ధం చేయండి: కలెక్టర్
ప్రభుత్వ ఉద్యోగినుల వసతిగృహ భవనాన్ని త్వరితంగా పూర్తి చేసి ప్రారంభానికి సిద్ధం చేయాలని జిల్లా కలెక్టర్, డాక్టర్ సత్య శారద ఆదేశించారు. బుధవారం వరంగల్‌లోని దేశాయిపేట శివాలయం వద్ద తెలంగాణ రాష్ట్ర మహిళా కార్పొరేషన్ ఆధ్వర్యంలో రూ.4 కోట్ల వ్యయంతో నిర్మిస్తున్న ప్రభుత్వ ఉద్యోగినుల గృహ భవన నిర్మాణ పనుల పురోగతిని క్షేత్ర స్థాయిలో పరిశీలించారు.
News January 30, 2025
నేడు వరంగల్ జిల్లాకు హరీశ్‌రావు రాక
మాజీ మంత్రి, సిద్దిపేట ఎమ్మెల్యే తన్నీరు హరీశ్‌రావు గురువారం వరంగల్ జిల్లాకు రానున్నట్లు జిల్లా BRS పార్టీ నాయకులు తెలిపారు. పర్యటనలో భాగంగా ఉదయం 11 గంటలకు ఆయన సంగెం మండలంలో జరిగే బీఆర్ఎస్ రైతు ఆత్మహత్యల అధ్యయన కమిటీ సమావేశంలో పాల్గొంటారన్నారు. అనంతరం 2 గంటలకు కాజీపేటకు వెళ్లి బాలవికాస్ కార్యక్రమంలో పాల్గొంటారన్నారు. ఆయన పర్యటన విజయవంతం చేయాలని నాయకులు కోరారు.
News January 29, 2025
వరంగల్: ‘దరఖాస్తు ఇచ్చి దండం పెడుతున్నాం’
దరఖాస్తు ఇచ్చి దండం పెట్టినా సమస్యకు పరిష్కారం చూపలేదని వీఆర్ఏ వారసుల సంఘం రాష్ట్ర నాయకుడు, జేఏసీ జయశంకర్ జిల్లా ఛైర్మన్ చిన్నపురి హరీశ్ అన్నారు. వరంగల్ జిల్లా కేంద్రంలో బుధవారం ఆయన మాట్లాడుతూ.. 18 నెలలుగా ముఖ్యమంత్రి, మంత్రుల ఎమ్మెల్యేల చుట్టూ తిరిగినా లాభం లేదని, రాష్ట్ర వ్యాప్తంగా సమస్యల పరిష్కారానికి ఐక్య ఉద్యమాలు చేపడతామన్నారు.
News January 29, 2025
GWMC కార్పొరేటర్లతో సమావేశంలో పాల్గొన్న మాజీ MLA
GWMC కౌన్సిల్ సమావేశం నేపథ్యంలో BRSకి చెందిన కార్పొరేటర్లతో మాజీ చీఫ్ విప్ దాస్యం వినయ్ భాస్కర్ జిల్లా పార్టీ కార్యాలయంలో బుధవారం సమావేశం నిర్వహించారు. సమావేశానికి MLC పోచంపల్లి శ్రీనివాస్ రెడ్డి, మాజీ MLA పెద్ది సుదర్శన్ రెడ్డి హాజరయ్యారు. ఆయా డివిజన్ల‌లో అభివృద్ధి కార్యక్రమాలు, సంక్షేమ పథకాల అమలు, నగర ప్రజలు ఎదుర్కొంటున్న సమస్యలపై కౌన్సిల్‌లో చర్చించాల్సిన తీరుపై వారికి దిశానిర్దేశం చేశారు.
Featured News
Sorry, no posts matched your criteria.