India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News August 20, 2024
MHBD: తమ్ముడి బైక్‌కు రాఖీ కట్టిన అక్క
మహబూబాబాద్ జిల్లా గూడూరు మండలం తీగలవేని శివారు బాల్యనాయక్ తండా కి చెందిన బానోతు రాజన్న ఇటీవల మరణించారు. రాజన్న ఎంతో ఇష్టంతో తీసుకున్న బైక్‌ను తన అక్క బోడ శ్రీలత ఆమె భర్త కోసం కేసముద్రం మండలం బెరువాడ తన అత్తగారింటికి తీసుకొచ్చింది. సోమవారం రాఖీ పండుగ నేపథ్యంలో బైక్‌కు రాఖీ కట్టి కన్నీరు మున్నీరుగా విలపించింది.
News August 20, 2024
రక్తంతో అభిమానాన్ని చాటుకున్న కొండా సురేఖ వీరాభిమాని
అటవీ, పర్యావరణ, దేవాదాయశాఖ మంత్రి కొండా సురేఖ జన్మదినోత్సవం సందర్భంగా సోమవారం భూపాలపల్లి వాసి, కాంగ్రెస్ కార్యకర్త నదీమ్ తన రక్తంతో మంత్రి సురేఖ బొమ్మ గీయించి అవధులు లేని తన అభిమానాన్ని చాటాడు. వరంగల్ తూర్పు నియోజకవర్గ ప్రజల సంక్షేమం, అభ్యున్నతికి శ్రమిస్తున్న మంత్రి సురేఖ నిండు నూరేళ్లు వర్ధిల్లాలన్నారు. ఆమె దిశానిర్దేశంలో కాంగ్రెస్ బలోపేతానికి అంకితభావంతో పనిచేస్తానని నదీమ్ ప్రకటించాడు.
News August 20, 2024
భూపాలపల్లి: మంత్రుల నేటి పర్యటన షెడ్యూల్ ఇదే!
నేడు భూపాలపల్లి జిల్లాలో మంత్రులు పర్యటించనున్నారు. ఉదయం 10గంటలకు కొడవటంచ లక్ష్మీనరసింహస్వామిని దర్శించుకొని, ఆలయ అభివృద్ధి పనులకు శంకుస్థాపన చేయనున్నారు. ఉదయం 11:15 గంటలకు పాండవుల గుట్టను పరిశీలించనున్నారు. మధ్యాహ్నం 1గంటలకు ఘనపూర్ చెరువును, మధ్యాహ్నం 2:15 గంటలకు కోటగుళ్లను సందర్శిస్తారు. అనంతరం ములుగు జిల్లాలోని రామప్ప, లక్నవరం చెరువును సందర్శిస్తారు.
News August 20, 2024
నేడు వరంగల్ ఎనుమాముల మార్కెట్ ప్రారంభం
3 రోజుల విరామం అనంతరం వరంగల్ ఎనుమాముల వ్యవసాయ మార్కెట్ మంగళవారం పున: ప్రారంభం కానుంది. వరుసగా రెండు వారాంతపు సెలవులు, నిన్న రాఖీ సందర్భంగా మార్కెట్ బంద్ ఉంది. నేడు ప్రారంభం కానుండగా.. రైతులు నాణ్యమైన సరుకులను మార్కెటుకు తీసుకొని వచ్చి మంచి ధర పొందాలని అధికారులు సూచించారు. కాగా ఉదయం 6 గంటల నుంచి మార్కెట్లో కొనుగోళ్లు ప్రారంభం కానున్నాయి.
News August 19, 2024
ఉమ్మడి వరంగల్ జిల్లాలో టాప్ న్యూస్..
> HNK: ఆర్టీసీ బస్సును ఆపి సోదరుడికి రాఖీ కట్టిన అక్క
> MLG: సీఎం రేవంత్ రెడ్డికి రాఖీలు కట్టిన మంత్రులు కొండా సురేఖ, సీతక్క
> JN: మానవత్వం చాటుకున్న ఎంపీ కడియం కావ్య
> WGL: పాకాల సరస్సు వద్ద పర్యాటకుల సందడి
> MHBD: జిల్లాలోని పలు ప్రాంతాల్లో వర్షం
> WGL: పలు కార్యాలయాల్లో ప్రజావాణి కార్యక్రమం
> BHPL: మంత్రుల పర్యటన ఏర్పాట్లను పరిశీలించిన గండ్ర
News August 19, 2024
స్పీకర్‌కు రాఖీ కట్టిన మంత్రి సీతక్క
ఆడ బిడ్డలను రక్షించుకుంటూ అన్నిరంగాల్లో రాణించే విధంగా ప్రోత్సహిద్దామని రాష్ట్ర పంచాయతీరాజ్ శాఖ మంత్రి సీతక్క అన్నారు. అసెంబ్లీ స్పీకర్ గడ్డం ప్రసాద్ కుమార్, మంత్రి దామోదర రాజనర్సింహ, టీపీసీసీ వర్కింగ్ ప్రెసిడెంట్ జగ్గారెడ్డి, ఇతర నేతలకు సీతక్క రాఖీ కట్టి శుభాకాంక్షలు తెలిపారు. కార్యక్రమంలో మహిళా నేతలు పాల్గొన్నారు.
News August 19, 2024
డిప్యూటీ సీఎంకు రాఖీ కట్టిన మంత్రి సీతక్క
డిప్యూటీ సీఎం భట్టి విక్రమార్కకు రాష్ట్ర పంచాయతీరాజ్ శాఖ మంత్రి సీతక్క రాఖీ కట్టారు. ఇందిరమ్మ రాజ్యంలో ఏర్పడిన ప్రజా ప్రభుత్వం మహిళల సంక్షేమమే లక్ష్యంగా, వారి రక్షణే ధ్యేయంగా మహిళలను మహాలక్ష్ములుగా చూసుకుంటుందని డిప్యూటీ సీఎం చెప్పారు. కార్యక్రమంలో ఎమ్మెల్యే రాగమయి, మహిళా నేతలు, తదితరులు పాల్గొన్నారు.
News August 19, 2024
మంత్రి కొండా సురేఖకి సీఎం బర్త్- డే విషెస్
రాష్ట్ర దేవాదాయ శాఖ మంత్రి కొండా సురేఖకు సీఎం రేవంత్ రెడ్డి జన్మదిన శుభాకాంక్షలు తెలియజేశారు. నిత్యం ప్రజాసేవలో నిమగ్నమవుతూ .. రాష్ట్రాభివృద్ధికి పాటుపడడంలో భగవంతుడు వారికి సంపూర్ణ ఆయురారోగ్యాలు ప్రసాదించాలని ఆకాంక్షించారు. అటు పలువురు మంత్రులు, ఎమ్మెల్యేలు, నేతలు సోషల్ మీడియా వేదికగా మంత్రికి శుభాకాంక్షలు తెలిపారు.
News August 19, 2024
ఉమ్మడి వరంగల్ జిల్లాలో పెరుగుతున్న కుక్కల బెడద
ఉమ్మడి వరంగల్ జిల్లాలో కుక్కల బెడద రోజురోజుకు ఎక్కువ అవుతోంది. ప్రజలు ఇంటి నుంచి బయటికి రావాలంటే జంకుతున్నారు. రోజూ కుక్కలతో ఎన్నో ప్రమాదాలు జరుగుతున్నాయి. వాటి నుంచి ప్రాణాలను కాపాడలని హైకోర్టు హెచ్చరించినా.. క్షేత్రస్థాయిలో భయం తొలగడం లేదు. కాగా, ఆదివారం ములుగు జిల్లా వెంకటాపురం మండలం నూగూరులో ఓ పిచ్చికుక్క ఏడుగురిపై దాడి చేయడం భయందోళనకు గురి చేస్తోంది.
News August 19, 2024
BHPL: మేడిగడ్డకు స్వల్ప వరద ప్రవాహం
కాళేశ్వరం ప్రాజెక్టులోని మేడిగడ్డ బ్యారేజీకి స్వల్పంగా వరద ప్రవాహం పెరిగింది. ఎగువ ప్రాంతంలో వర్షాలు కురుస్తుండడంతో వరద నీరు చేరుతోంది. శుక్రవారం 1,57,690 క్యూసెక్కుల ప్రవాహం ఉండగా రెండు లక్షల 2,12,030 క్యూసెక్కులకు పెరిగింది. 85 గేట్లు ఎత్తి ఎగువ నుంచి వస్తున్న వరద నీటిని అధికారులు కిందికి వదులుతున్నారు.
Featured News
Sorry, no posts matched your criteria.