India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News August 14, 2024
వరంగల్: మార్కెట్‌లో నేటి పత్తి ధర రూ.7150
ఎనుమాముల మార్కెట్‌లో పత్తి గరిష్ఠంగా రూ.7150 లు పలికింది. రూ.5000-6500 వరకు పత్తి నాణ్యతను బట్టి వ్యాపారస్తులు కొనుగోలు చేస్తున్నారు. మొత్తంగా బుధవారం మార్కెట్‌కు 150 పత్తి బ్యాగులు వచ్చినట్లు మార్కెట్ వ్యాపారస్తులు, మార్కెట్ కమిటీ వారు తెలిపారు. కాగా, ఇదే పత్తి ధర నిన్న రూ.7180 లు గరిష్ఠంగా పలికింది. కాగా, నిన్నటికి ఇవాళ్టికి పత్తి ధరలో రూ.30 వ్యత్యాసం కనపడింది.
News August 14, 2024
NIRF 2024లో NIT-వరంగల్‌కి స్థానం
కేంద్ర విద్యా మంత్రిత్వ శాఖ(MOE) విడుదల చేసిన నేషనల్ ఇన్‌స్టిట్యూషనల్ ర్యాంకింగ్ ఫ్రేమ్ వర్క్(NIRF) 2024లో NIT-వరంగల్ స్థానం సంపాదించింది. ఇంజినీరింగ్ కేటగిరీలో 21వ ర్యాంక్ సాధించిందని డైరెక్టర్ బిద్యధర్ సుబుధి ఓ ప్రకటనలో తెలిపారు. ఓవరాల్ కేటగిరీలో 53వ ర్యాంక్ పొందిందన్నారు. మేనేజ్‌మెంట్ విభాగంలో మొదటిసారి పాల్గొని 100వ ర్యాంక్‌ను పొందిందని వారు పేర్కొన్నారు.
News August 14, 2024
ములుగు: విద్యార్థి కార్తీకకు సీఎం రేవంత్ రెడ్డి హామీ
ములుగు జిల్లాలోని గురుకుల పాఠశాల భవనం పైనుంచి కిందపడి తీవ్ర గాయాల పాలైన విద్యార్థిని కార్తీకకు సీఎం రేవంత్ అండగా ఉంటామని హామీ ఇచ్చారు. మంగళవారం మంత్రి సీతక్క విద్యార్థిని ఆరోగ్య పరిస్థితులపై నిమ్స్ వైద్యుల వద్దకు వెళ్లి ఆరా తీశారు. కాగా, కార్తీక ఈనెల 9న ప్రమాదవశాత్తు మూడో అంతస్తు నుంచి పడిపోయిన విషయం తెలిసిందే. నడుము భాగంలో తీవ్ర గాయాలు కాగా, కార్తీక చికిత్స పొందుతోంది.
News August 14, 2024
ఉమ్మడి వరంగల్ జిల్లాలో జాతీయ జెండా ఎగరవేసేది వీరే
స్వాతంత్ర్య దినోత్సవం సందర్భంగా ఉమ్మడి వరంగల్ జిల్లాల్లోని ఆయా జిల్లాలో జెండా ఎగరవేసే వారిని ప్రభుత్వం ప్రకటించింది. హనుమకొండ జిల్లాలో మంత్రి కొండా సురేఖ, వరంగల్‌లో మంత్రి పొంగులేటి శ్రీనివాసరెడ్డి జాతీయజెండా ఎగురవేయనున్నారు. ములుగు జిల్లాలో మంత్రి సీతక్క, మహబూబాబాద్ జిల్లాలో ప్రభుత్వ విప్ రాంచందర్ నాయక్, భూపాలపల్లిలో అటవీశాఖ ఛైర్మన్ పోడెం వీరయ్య, జనగామలో ప్రభుత్వ విప్ బీర్ల ఐలయ్య ఎగరవేస్తారు.
News August 14, 2024
ములుగు గ్రామ పంచాయతీ ఐడియా సూపర్
ములుగు గ్రామ పంచాయతీ అధికారుల ఐడియా బాగుందని ప్రజలు కితాబు ఇస్తున్నారు. జాతీయ రహదారితో పాటు ఇతర కాలనీ రోడ్లలో పనులు చేసే సిబ్బంది రోడ్డు ప్రమాదాల బారిన పడకుండా ప్లకార్డులు ప్రదర్శిస్తున్నారు. గో స్లో ములుగు గ్రామపంచాయతీ వర్క్ ఇన్ ప్రోగ్రెస్ అంటూ బోర్డులను పెట్టుకొని పని చేస్తున్నారు. వాహనదారులు గమనించి నెమ్మదిగా వెళ్తున్నారని, పని ప్రదేశంలో జీపీ సిబ్బందిపై ప్రమాదాలు తగ్గుతున్నాయని ఈఓ రఘు చెప్పారు.
News August 14, 2024
WGL: ఎనుమాముల, కేసముద్రం మార్కెట్‌కు సెలవులు
ఉమ్మడి వరంగల్ జిల్లాలోని ఎనుమాముల, కేసముద్రం వ్యవసాయ మార్కెట్‌కు అధికారులు ఐదు రోజుల పాటు సాధారణ సెలవులు ప్రకటించారు. ఈనెల 14 నుంచి 19 వరకు సెలవులు ప్రకటిస్తున్నట్లు మార్కెట్ ప్రత్యేక హోదా కార్యదర్శులు మంగళవారం ఓ ప్రకటనలో తెలిపారు. రైతులు సెలవు రోజుల్లో మార్కెట్‌కు సరుకు తీసుకువచ్చి ఇబ్బందులు పడవద్దని సూచించారు.
News August 14, 2024
వరంగల్: విష జ్వరాలతో జాగ్రత్త
వర్షాకాలం నేపథ్యంలో ఉమ్మడి వరంగల్ జిల్లాలో విషజ్వరాలు ప్రబలుతున్నాయి. ఇప్పటికే పరిసరాలను శుభ్రంగా ఉంచుకోవాలని మున్సిపల్ అధికారులు అవగాహన కల్పించినప్పటి డెంగీ, మలేరియా, టైఫాయిడ్ బారిన పడుతున్నారు. జ్వరం వచ్చిన తర్వాత తలనొప్పి, వాంతులు, కండరాలు, కీళ్లనొప్పులు మొదలగు లక్షణాలు ఉంటే ఆస్పత్రికి వెళ్లాలని వైద్యాధికారులు తెలిపారు. సీజనల్ వ్యాధులు రాకుండా జాగ్రత్త తీసుకోవాలని సూచిస్తున్నారు.
News August 14, 2024
వరంగల్ నగర ఏకీకరణకు మరో ఉద్యమం: సంపత్ రెడ్డి
వరంగల్, హనుమకొండగా విస్తరించి ఉన్న వరంగల్ మహా నగరాన్ని ఒకే జిల్లాగా గుర్తించేందుకు మరో ఉద్యమం చేపట్టనున్నట్లు మహానగర ఏకీకరణ పునర్నిర్మాణ కమిటీ తీర్మానించింది. మంగళవారం కాజీపేటలోని బాలవికాస కేంద్రంలో కమిటీ అధ్యక్షుడు సంపత్ రెడ్డి అధ్యక్షతన రౌండ్ టేబుల్ సమావేశం నిర్వహించారు. మాజీ మేయర్ డాక్టర్ రాజేశ్వరరావు, కమిటీ కన్వీనర్ వెంకటనారాయణ, కర్ర యాదవ రెడ్డి, సుధాకర్, తదితరులు పాల్గొన్నారు.
News August 14, 2024
WGL: నగరంలో ఈనాటి కార్యక్రమాలు
* బంగ్లాదేశ్‌లో హిందువులపై జరుగుతున్న దాడులను నిరసిస్తూ హనుమకొండ చౌరస్తాలోని సుభాష్ చంద్రబోస్ విగ్రహం వద్ద ఉదయం 10 గంటలకు హిందూ సంఘాల ఆధ్వర్యంలో నిరసన కార్యక్రమం.
* ఉదయం 10 గంటలకు వరంగల్ చౌరస్తాలో హిందూ పరిరక్షణ సమితి ఆధ్వర్యంలో నిరసన సభ.
* కేయూ సబ్ స్టేషన్ పరిధిలో ఉదయం 9 గంటల నుంచి 11 వరకు విద్యుత్ సరఫరాలో అంతరాయం
News August 14, 2024
మంత్రి సీతక్కను కలిసిన హీరోయిన్ రెజీనా
MLG: సచివాలయంలో మంత్రి సీతక్కను హీరోయిన్ రెజీనా మర్యాదపూర్వకంగా కలిశారు. తాము తలపెట్టిన రూరల్ విమెన్ లీడర్ షిప్ ప్రోగ్రాంకు ముఖ్యఅతిథిగా హాజరుకావాలని మంత్రి సీతక్కను హీరోయిన్ రెజీనా కోరారు. అనంతరం పలు అంశాలపై మంత్రి సీతక్కతో హీరోయిన్ చర్చించారు. కార్యక్రమంలో పలువురు నేతలు పాల్గొన్నారు.
Featured News
Sorry, no posts matched your criteria.