India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News December 24, 2024
వరంగల్: పెరిగిన సరకుల ధరలు
వరంగల్ నగరంలోని ఎనుమాముల వ్యవసాయ మార్కెట్లో ఈరోజు వివిధ రకాల చిరుధాన్యాల ధరలు ఇలా ఉన్నాయి. సోమవారం క్వింటా మొక్కజొన్న ధర రూ.2,505 పలకగా ఈరోజు రూ.2,510 పలికింది. అలాగే కొత్త తేజ మిర్చి ధర సోమవారం రూ.16,000 పలకగా, నేడు రూ. 16,200 పలికినట్లు రైతులు తెలిపారు. మార్కెట్లో క్రయవిక్రయాలు జోరుగా కొనసాగుతున్నాయి.
News December 24, 2024
వరంగల్ మార్కెట్లో తగ్గిన మిర్చి ధరలు
వరంగల్ ఎనుమాముల మార్కెట్లో మంగళవారం వివిధ రకాల మిర్చి ధరలు ఇలా ఉన్నాయి. తేజా మిర్చి క్వింటాకు సోమవారం రూ.15,200 ధర రాగా.. ఈరోజు రూ.15,800 ధర వచ్చింది. అలాగే 341 రకం మిర్చి క్వింటాకి నిన్న రూ.13,500 ధర రాగా నేడు రూ.12,500 ధర పలికింది. మరోవైపు వండర్ హాట్(WH) మిర్చికి నిన్న రూ.14,500 ధర పలకగా మంగళవారం రూ.13,500 పలికింది.
News December 24, 2024
అల్లు అర్జున్, సుకుమార్‌పై మల్లన్న ఫిర్యాదు
వరంగల్-ఖమ్మం-నల్గొండ పట్టభద్రుల ఎమ్మెల్సీ తీన్మార్ మల్లన్న నటుడు అల్లు అర్జున్‌పై పోలీసులకు ఫిర్యాదు చేశాడు. పుష్ప-2 సినిమాలో పోలీస్ ఆఫీసర్ స్విమ్మింగ్ పూల్‌లో ఉండగా హీరో మూత్రం పోశాడని, కొన్ని సీన్స్ పోలీసులను కించపరిచే విధంగా ఉన్నాయని మల్లన్న మండిపడ్డారు. హీరో అల్లు అర్జున్, డైరెక్టర్ సుకుమార్, నిర్మాతలపై చర్యలు తీసుకోవాలని మేడిపల్లి పోలీస్ స్టేషన్‌లో ఫిర్యాదు చేశారు.
News December 24, 2024
వరంగల్: బ్లడ్ క్యాన్సర్‌తో ట్రైనీ కానిస్టేబుల్ మృతి
వరంగల్ జిల్లాలో విషాదం నెలకొంది. కుటుంబీకులు, స్థానికుల వివరాలు.. నెక్కొండ మండలం అలంకానిపేటకు చెందిన రాకేశ్(24) హైదరాబాదులోని ఓ బెటాలియన్‌లో కానిస్టేబుల్‌గా ట్రైనింగ్ తీసుకుంటున్నాడు. ఈ క్రమంలో 15 రోజుల క్రితం జ్వరం రాగా నగరంలోని ఓ ప్రైవేట్ ఆసుపత్రిలో పరీక్షలు నిర్వహించగా బ్లడ్ క్యాన్సర్ అని తేలింది. చికిత్స తీసుకుంటూ సోమవారం మృతి చెందాడు. దీంతో రాకేశ్ కుటుంబంలో విషాద ఛాయలు అలుముకున్నాయి.
News December 24, 2024
నలుగురు వేటగాళ్ల అరెస్ట్.. రిమాండ్
ములుగు జిల్లాలో గత కొంతకాలంగా వన్య ప్రాణుల్లో ఒకటైన అటవీ జంతువు ‘ అలుగు’ను వేటాడి విక్రయాలకు పాల్పడుతున్న ముఠాను కన్నాయిగూడెం అటవీశాఖ అధికారులు దాడులు నిర్వహించి అదుపులోకి తీసుకున్నారు. కన్నాయిగూడెం మండలం భూపతిపూర్ కు చెందిన నలుగురు వ్యక్తులు ‘అలుగు’ జంతువులను వేటాడి అధిక ధరలకు విక్రయిస్తున్నారని, ఎఫ్డీఓ రమేశ్, డీఆర్వో అప్సరున్నిసా తెలిపారు. నిందితులను రిమాండుకు తరలించామన్నారు.
News December 23, 2024
HNK: సిద్దేశ్వరునికి ప్రత్యేక అలంకరణ
హన్మకొండలో దక్షిణ కాశీగా పేరుగాంచిన స్వయంభూ లింగం శ్రీ సిద్దేశ్వర స్వామి ఆలయంలో నేడు మార్గశిర మాసం సోమవారం ఆలయ అర్చకులు సిద్దేశ్వరునికి ప్రత్యేక అలంకరణ చేశారు. అనంతరం విశేష పూజలు నిర్వహించారు. చుట్టుపక్కల భక్తులు స్వామివారిని దర్శించుకుని తీర్థ ప్రసాదాలు స్వీకరించారు. ఈ కార్యక్రమంలో ఆలయ అర్చకులు సురేశ్ తదితరులున్నారు.
News December 23, 2024
సింగరేణి ఆవిర్భావ దినోత్సవ శుభాకాంక్షలు తెలిపిన మంత్రి
సింగరేణి ఆవిర్భావ దినోత్సవం సందర్భంగా సింగరేణి కార్మికులు, వారి కుటుంబసభ్యులు, అధికారులకు మంత్రి కొండా సురేఖ ప్రత్యేక శుభాకాంక్షలు తెలిపారు. అనేక ఒడిదుడుకులను ఎదుర్కొంటూ 135 ఏండ్ల సుదీర్ఘ చరిత్ర కల్గిన సింగరేణి ప్రగతి పథాన సాగుతూ దేశానికి వెలుగులు నింపుతుండటం రాష్ట్రానికి గర్వకారణమన్నారు. సింగరేణి మరో శత వసంతాలు ఉజ్వలంగా దేశంలోనే అగ్రగామి సంస్థగా నిలవాలని మనసారా కోరుకుంటున్నట్లు ట్వీట్ చేశారు.
News December 23, 2024
భద్రకాళి అమ్మవారికి ఈరోజు అలంకరణ ఇదే
ఓరుగల్లు ప్రజల ఇలవేల్పు భద్రకాళి అమ్మవారిని ఈరోజు అర్చకులు ప్రత్యేకంగా అలంకరించారు. నేడు అష్టమి తిథి, సోమవారం సందర్భంగా అర్చకులు అమ్మవారికి విశేష పూజలు చేస్తున్నారు. అమ్మవారిని దర్శించుకునేందుకు భక్తులు ఉదయం నుంచే తరలి వస్తున్నారు. ఆలయానికి వచ్చిన భక్తులకు ఎలాంటి ఇబ్బందులు లేకుండా ఆలయ అధికారులు ఏర్పాట్లు చేశారు.
News December 23, 2024
వరంగల్ జిల్లాలో మొదలైన వరినాట్లు
ఉమ్మడి వరంగల్ జిల్లా వ్యాప్తంగా వరి నాట్లు మొదలయ్యాయి. కూలీలు పాటలు పాడుతూ నాట్లు వేస్తుండటంతో పంట పొలాల్లో సందడి వాతావరణం నెలకొంది. అయితే పలు చోట్ల ఇప్పుడే మడులు ఏర్పాటు చేసుకొని నారు అలుకుతుండగా.. పలు గ్రామాల్లో మాత్రం నాట్లు వేస్తున్నారు. అంతేకాదు.. చలి, మంచు కురుస్తుండటంతో నారు సైతం ఎదగకపోవడం, ఎరుపెక్కడం వంటి ఇబ్బందులను రైతులు ఎదుర్కొంటున్నారు. మీ పొలంలో నాటు పూర్తయితే కామెంట్ చేయండి.
News December 23, 2024
సమ్మక్క-సారలమ్మలను దర్శించుకున్న కలెక్టర్లు
మేడారం సమ్మక్క-సారలమ్మ వన దేవతలను ఆసిఫాబాద్ జిల్లా కలెక్టర్ ధోత్రే వెంకటేశ్, భద్రాద్రి కొత్తగూడెం జిల్లా కలెక్టర్ జితేశ్ వి పటేల్‌లు కుటుంబ సభ్యులు, బంధుమిత్రులతో కలిసి వనదేవతలను దర్శించుకున్నారు. ఈ సందర్భంగా పూజార్లు, ఎండోమెంట్ అధికారులు ఆలయ సాంప్రదాయాల ప్రకారం డోలు వాయిద్యాలతో వారికి ఘనంగా స్వాగతం పలికారు. అనంతరం సమ్మక్క సారలమ్మలకు పసుపు, కుంకుమ, చిరే, సారే సమర్పించి మొక్కులు తీర్చుకున్నారు.
Featured News
Sorry, no posts matched your criteria.