India's largestHyperlocal short
news App
Get daily news updates that are tailored for you based on your preferred language & location.
download Way2News app now
Warangal
News August 8, 2024
MHBD: అధికారులతో సమావేశం నిర్వహించిన హుస్సేన్ నాయక్
కర్ణాటక ప్రభుత్వ షెడ్యూల్డ్ తెగల సంక్షేమ శాఖ సీనియర్ స్థాయి అధికారులతో జాతీయ ఎస్టీ కమిషన్ మెంబర్ జాటోత్ హుస్సేన్ నాయక్ సమావేశం నిర్వహించారు. హుస్సేన్ నాయక్ మాట్లాడుతూ.. షెడ్యూల్డ్ తెగల సంక్షేమ శాఖ ఉద్యోగుల సమస్యలను వెంటనే పరిష్కరించేలా ప్రత్యేక చర్యలు తీసుకుంటామని చెప్పారు. ఈ కార్యక్రమంలో పలువురు అధికారులు పాల్గొన్నారు.
News August 8, 2024
కాజీపేట పీవోహెచ్‌కు రూ.150 కోట్లు
కాజీపేటలో రూ.521.36 కోట్లతో అభివృద్ధి చేస్తున్న పీరియాడికల్ ఓవర్ హాలింగ్(పీవోహెచ్) యూనిట్‌కు గత మార్చి వరకు రూ. 190.88 కోట్లు ఖర్చు చేశామని కేంద్ర రైల్వే మంత్రి అశ్వినీ వైష్ణవ్ అన్నారు. 2024-25 ఆర్థిక సంవత్సరంలో మరో రూ.150 కోట్లు కేటాయించామని తెలిపారు. బుధవారం లోక్‌సభలో కాంగ్రెస్ ఎంపీ చామల కిరణ్ కుమార్ రెడ్డి (భువనగిరి) అడిగిన ప్రశ్నకు ఆయన బదులిచ్చారు.
News August 8, 2024
వరంగల్ మార్కెట్లో మిర్చి రైతులకు నిరాశ
వరంగల్ ఎనుమాముల వ్యవసాయ మార్కెట్లో నిన్నటితో పోలిస్తే ఈరోజు తేజ మిర్చి మినహా ఇతర మిర్చి ధరలు భారీగా తగ్గాయి. తేజ మిర్చి క్వింటాకు బుధవారం రూ.17,500 పలకగా.. నేడు రూ.18 వేలకు చేరింది. అలాగే 341 రకం మిర్చికి నిన్న రూ.15 వేల ధర రాగా.. నేడు రూ.14 వేలకు పడిపోయింది. మరో వైపు నిన్న రూ.15,500 ధర పలికిన వండర్ హాట్(WH) మిర్చి.. నేడు రూ.14,500కి తగ్గింది.
News August 8, 2024
పాండవుల గుట్ట సమీపంలో రెండో తిరుపతి
కార్తీక పౌర్ణమి సందర్భంగా BHPL జిల్లా రేగొండ మండలం తిరుమలగిరి సమీపంలోని వెంకటేశ్వర స్వామివారి జాతరను ఘనంగా నిర్వహిస్తుంటారు. శైవత్వం, వైష్ణవత్వం కలిసి ఉండటం ఈ ఆలయ ప్రత్యేకత. కొండ కింద భాగంలో శివుని గుడి, కొండ పైభాగంలోని గుహలో వెంకటేశ్వరసామి కొలువై ఉండటంతో భక్తులు జాతరను రెండో తిరుపతిగా అభివర్ణిస్తుంటారు. ఏటా భక్తులు అధిక సంఖ్యలో హాజరై మొక్కులు తీర్చుకొని పాండవుల గుట్టను తిలకిస్తుంటారు.
News August 8, 2024
నర్సంపేట: కామెర్లతో తల్లీబిడ్డ మృతి
పచ్చ కామెర్లతో తల్లీబిడ్డ మృతి చెందిన ఘటన నర్సంపేట మండలం లక్నెపల్లిలో జరిగింది. స్థానికులు తెలిపిన వివరాలు.. తూర్పతి కావేరి(23)కి 8 నెలలు నిండాయి. ఆమెకు వారం కిందట జ్వరంతో పచ్చ కామెర్లు వచ్చాయి. స్థానికంగా చికిత్స చేయించినప్పటికి తగ్గలేదు. పరిస్థితి విషమంగా ఉండటంతో HYDలోని ఓ ఆసుపత్రిలో చేర్పించారు. మంగళవారం డెలివరీ చేయగా.. మగ శిశువు పుట్టిన కొద్దిసేపటికే మృతి చెందాడు. బుధవారం కావేరి మృతి చెందింది.
News August 8, 2024
తెలంగాణ ఫుడ్ కమిషన్ సమీక్ష సమావేశంలో పాల్గొన్న కలెక్టర్
తెలంగాణ ఫుడ్ కమిషన్ వరంగల్ జిల్లా పర్యటనలో భాగంగా కమిషన్ సభ్యులు ఛైర్మన్ గోలి శ్రీనివాస్ రెడ్డి రెండ్రోజులుగా జిల్లా వ్యాప్తంగా పర్యటిస్తున్నారు. పర్యటన చివరి రోజు జిల్లాలోని పలు అంగన్వాడీ కేంద్రాలను, వసతి గృహాలను, రేషన్ దుకాణాలను తనిఖీ చేశారు. తనిఖీ అనంతరం బుధవారం జిల్లా కలెక్టరేట్ సమావేశ మందిరంలో కలెక్టర్ సత్య శారద దేవితో కలిసి సమావేశం నిర్వహించారు.
News August 7, 2024
ఉమ్మడి జిల్లాలో నేటి క్రైమ్ న్యూస్
> MHBD: రైలు నుంచి జారిపడి వ్యక్తి మృతి
> HNK: ఎస్బిఐ ఎటిఎంలో చోరీకి యత్నం
> WGL: ఇద్దరు పిల్లలతో సహా తల్లి అదృశ్యం
> HNK: పేకాట కేంద్రంపై పోలీసుల దాడి
> WGL: అట్రాసిటీ కేసులో మహిళకు రిమాండ్
> MHBD: నిషేధిత ఉత్పత్తులపై పోలీసుల తనిఖీలు
News August 7, 2024
ఉమ్మడి జిల్లాలో నేటి టాప్ న్యూస్
> MLG: కార్పొరేట్ కంపెనీలు గ్రామాలకు తరలిరావాలి: సీతక్క
> HNK: కలెక్టర్ కార్యాలయంలో 2వ ఆర్థిక సంఘ సమావేశం
> WGL: జిల్లా వ్యాప్తంగా చేనేత దినోత్సవ వేడుకలు
> MHBD: ఉమ్మడి జిల్లాలోని పలు ప్రాంతాల్లో వర్షం.. అలుగులు దుంకుతున్న చెరువులు
> WGL: మార్కెట్లో పెరిగిన మిర్చి ధర, తగ్గిన పత్తి ధర
> MLG: జిల్లాలో మరో అద్భుతమైన జలపాతం
> JN: ఈ కోనేరులో స్నానం చేస్తే పాపాలు తొలుగుతాయి!
News August 7, 2024
తాడ్వాయి: ‘గ్రామపంచాయతీ సిబ్బందిని కాపలాగా పెట్టాలి’
తాడ్వాయి మండలంలో మంగళవారం రాత్రి నుంచి వర్షం కురుస్తోంది. దీంతో మండలంలోని నార్లాపూర్-పడిగాపూర్ గ్రామాల మధ్య ఉన్న జంపన్నవాగు భారీగా ప్రవహిస్తుండటంతో ఆయా గ్రామాలకు రాకపోకలు నిలిచిపోయాయి. వరద ప్రాంతాలను పరిశీలించడానికి వచ్చిన ములుగు డీఎంహెచ్‌వో అప్పయ్య జంపన్న వాగును పరిశీలించారు. జంపన్నవాగు వద్ద గ్రామపంచాయతీ సిబ్బందిని కాపలా పెట్టాలని గ్రామపంచాయతీ కార్యదర్శి ధర్మేందర్‌ను ఆదేశించారు.
News August 7, 2024
నెక్కొండలో ఇంటర్సిటీ సూపర్ ఫాస్ట్ రైలు హాల్టింగ్
వరంగల్ జిల్లా నెక్కొండ రైల్వే స్టేషన్లో గుంటూరు-సికింద్రాబాద్ మధ్య నడిచే ఇంటర్సిటీ సూపర్ ఫాస్ట్ ఎక్స్‌ప్రెస్ రైలు హాల్టింగ్‌కు రైల్వే అధికారులు ఆమోదించారు. గత కొన్నాళ్లుగా నెక్కొండలో పలు రైళ్లకు హాల్టింగ్ ఇవ్వాలనే డిమాండ్ కొనసాగుతోంది. ఇందులో ఇంటర్సిటీ రైలు హాల్టింగ్ డిమాండ్ ఉంది. రైల్వే ఉన్నతాధికారులు స్పందించి రాను, పోను హాల్టింగ్ ఇచ్చారు.
Featured News
Sorry, no posts matched your criteria.