News January 6, 2025
ఎల్లుండి ఏపీలో కేంద్ర బృందం పర్యటన
ఏపీలో ఖరీఫ్-2024 కరువు పరిస్థితులను కేంద్ర బృందం అధ్యయనం చేయనుంది. కేంద్ర వ్యవసాయ&రైతు సంక్షేమ శాఖ జాయింట్ సెక్రటరీ పెరిన్ దేవీ నేతృత్వంలోని మూడు బృందాలు ఎల్లుండి అన్నమయ్య, చిత్తూరు, శ్రీసత్యసాయి, అనంతపురం జిల్లాల్లో పర్యటించి పరిస్థితులను విశ్లేషించనున్నాయి. గురువారం సాయంత్రం కేంద్ర బృందం సీఎంతో సమావేశం కానుంది.
Similar News
News January 26, 2026
ఇంట్లో ఫారిన్ కరెన్సీ ఎంత ఉంచుకోవచ్చు?
ఇంట్లో విదేశీ కరెన్సీ నోట్లు ఉంచుకోవడానికి పరిమితి ఉంది. RBI&FEMA నిబంధనల ప్రకారం ఎలాంటి కాల పరిమితి లేకుండా USD 2,000 (లేదా దానికి సమానమైన విదేశీ కరెన్సీ) నోట్లు, ట్రావెలర్స్ చెక్స్ ఉంచుకోవచ్చు. ఒకవేళ అంతకు మించితే 180 రోజుల్లోగా అధికారిక డీలర్(బ్యాంక్) ద్వారా సరెండర్ చేయాలి లేదా RFC అకౌంట్లో జమ చేయాలి. విదేశీ నాణేలపై ఎలాంటి పరిమితి లేదు. అన్లిమిటెడ్గా ఉంచుకోవచ్చు.
News January 26, 2026
అమెరికాకు చైనా అణు రహస్యాలు లీక్?
చైనా మిలిటరీ ఆఫీసర్ జనరల్ జాంగ్ యూక్సియా తమ దేశ అణు ఆయుధాల టెక్నికల్ డేటాను USకి లీక్ చేసినట్లు ఆరోపణలు వస్తున్నాయి. భారీ మొత్తంలో లంచాలు తీసుకున్నారని, అధికార దుర్వినియోగానికి పాల్పడినట్లు ఆరోపణలు ఉన్నాయని వాల్ స్ట్రీట్ జర్నల్ పేర్కొంది. దీనిపై చైనా రక్షణ శాఖ విచారణ జరుపుతున్నట్లు సమాచారం. షీ జిన్పింగ్కు అత్యంత సన్నిహితుడిగా పేరొందిన జాంగ్ యూక్సియాపై ఇలాంటి ఆరోపణలు రావడం సంచలనంగా మారింది.
News January 26, 2026
ప్చ్ శాంసన్.. 9 ఇన్నింగ్స్లలో 104 పరుగులు
టీ20Iల్లో ఓపెనర్గా సంజూ శాంసన్ ఫెయిల్యూర్ కొనసాగుతోంది. 2025 జూన్ నుంచి 9 ఇన్నింగ్స్లలో 104 పరుగులు (Avg 11.55, SR 133.33) మాత్రమే చేశారు. వీటిలో ఒక్కసారి మాత్రమే పవర్ ప్లేలో నాటౌట్గా నిలిచారు. ఈ 9 ఇన్నింగ్స్ల స్కోర్లు 26(20), 5(7), 3(6), 1(3), 16(7), 37(22), 10(7), 6(5), 0(1)గా ఉన్నాయి. తాజాగా NZ సిరీస్లో ఫెయిల్ అవుతుండటంతో తుది జట్టులో ఆయనకు స్థానం దక్కే అవకాశాలు క్రమంగా తగ్గిపోతున్నాయి.