News September 11, 2024
కేంద్రం, IOA చీఫ్ నాకు సపోర్ట్ ఇవ్వలేదు: వినేశ్ ఫొగట్
పారిస్ ఒలింపిక్స్ సమయంలో IOA చీఫ్ పీటీ ఉష నుంచి తనకు సపోర్ట్ లభించలేదని రెజ్లర్ వినేశ్ ఫొగట్ ఆరోపించారు. ‘ఆమె ఆస్పత్రికి వచ్చి ఓ ఫొటో తీసుకుని వెళ్లారు. అక్కడ కూడా పాలిటిక్స్ జరిగాయి. అందుకే నా గుండె పగిలింది. మెడల్ కోసం CASలో పిటిషన్ కూడా నేనే వేశాను. ప్రభుత్వం బాధ్యత మరిచి థర్డ్ పార్టీగా వ్యవహరించింది’ అని తెలిపారు. ఇటీవల కాంగ్రెస్లో చేరిన ఫొగట్ హరియాణా అసెంబ్లీ ఎన్నికల్లో పోటీ చేస్తున్నారు.
Similar News
News April 6, 2026
ఓవైపు ఎండలు.. మరోవైపు వానలు
AP: రాష్ట్రంలో ఓవైపు ఎండలు దంచికొడుతుండగా మరోవైపు వానలు కురుస్తున్నాయి. నిన్న మన్యం(D) వీరఘట్టం, నెల్లూరు(D) నెల్లూరుపాలెంలో అత్యధికంగా 42.4 డిగ్రీల ఉష్ణోగ్రత నమోదైంది. అటు శ్రీకాకుళం, నెల్లూరు, మన్యం తదితర జిల్లాల్లోని పలు చోట్ల వర్షాలు పడ్డాయి. ఈరోజు SKL, VZM, మన్యం, అల్లూరి, పోలవరం, అనకాపల్లి, కాకినాడ, కోనసీమ, గోదావరి జిల్లాల్లో పిడుగులతో కూడిన మోస్తరు <<19576125>>వర్షాలు<<>> పడతాయని APSDMA వెల్లడించింది.
News April 6, 2026
పిరికివాడి మనస్తత్వం ఇలా ఉంటుంది!
మేడిపండు చూడ మేలిమై యుండును
పొట్ట విచ్చి చూడ పురుగులుండు
పిరికివాని మదిని బింకమీలాగురా
విశ్వదాభిరామ! వినుర వేమ!!
తాత్పర్యం: మేడిపండు చూడటానికి ఎంతో అందంగా ఉంటుంది. కానీ దాన్ని కోసి చూస్తే పురుగులు ఎక్కువగా కనిపిస్తాయి. అలాగే పిరికివాడు పైకి చాలా ధైర్యంగా, గొప్పగా మాట్లాడుతాడు. కానీ మనసులో భయంతో నిండి ఉంటాడు.
<<-se>>#PADHYAM<<>>
News April 6, 2026
డ్రైవింగ్ లైసెన్స్ జారీకి త్వరలో కొత్త నిబంధన!
TG: డ్రైవింగ్ లైసెన్స్ మంజూరుకు త్వరలో రోడ్ సేఫ్టీ టెస్టును తప్పనిసరి చేయనున్నట్లు తెలుస్తోంది. ప్రస్తుతం లెర్నర్ లైసెన్స్ రిజిస్ట్రేషన్ టెస్ట్, డ్రైవింగ్ స్కిల్ టెస్ట్ నిర్వహించి లైసెన్స్ ఇస్తున్నారు. ఇక నుంచి వీటి కంటే ముందు రోడ్ సేఫ్టీ టెస్ట్ నిర్వహించాలని ఆర్టీఏ అధికారులు ప్రతిపాదనలు సిద్ధం చేశారు. దీనిపై ఓ కమిటీని ఏర్పాటు చేయనున్నారు. కమిటీ నివేదిక వచ్చాక కొత్త రూల్ అమల్లోకి వచ్చే అవకాశముంది.