News September 30, 2024
‘తండేల్’ సాంగ్ షూటింగ్లో చైతూ-సాయి పల్లవి
నాగచైతన్య, సాయిపల్లవి జంటగా చందూ మొండేటి తెరకెక్కిస్తోన్న ‘తండేల్’ చిత్రీకరణ శరవేగంగా సాగుతోంది. ప్రస్తుతం సినిమాలోని శివపార్వతుల సాంగ్ చిత్రీకరణ జరుగుతోందని మేకర్స్ తెలిపారు. ఈ మేరకు షూటింగ్ ఫొటోలను పంచుకున్నారు. ఇందులో డాన్సర్లతో కలిసి చైతూ, సాయి పల్లవి స్టెప్పులేసే సన్నివేశాన్ని చూపించారు. ఇద్దరి కాంబో చూడముచ్చటగా ఉందని అభిమానులు కామెంట్స్ చేస్తున్నారు.
Similar News
News December 29, 2025
ప్రజల్లో విశ్వాసం పెంచాలి: ప్రకాశం కలెక్టర్
ప్రజల్లో విశ్వాసం పెంచడమే లక్ష్యంగా పోలీసులు పని చేయాలని కలెక్టర్ రాజాబాబు అన్నారు. ఒంగోలులోని ఓ ఇంజినీరింగ్ కళాశాలలో సోమవారం నిర్వహిస్తున్న పోలీస్ శాఖ వార్షిక నేర సమీక్ష సమావేశంలో ఎస్పీ హర్షవర్ధన్రాజుతో కలిసి కలెక్టర్ పాల్గొన్నారు. కలెక్టర్ మాట్లాడుతూ.. నేరాల నియంత్రణతోపాటు సత్వర విచారణ, బాధితులకు న్యాయం జరిగేలా చూడాలన్నారు. విచారణలో సాంకేతిక పరిజ్ఞానం విస్తృతంగా ఉపయోగించాలన్నారు.
News December 29, 2025
NCDCలో ఉద్యోగాలకు దరఖాస్తుల ఆహ్వానం
నేషనల్ కో-ఆపరేటివ్ డెవలప్మెంట్ కార్పొరేషన్(NCDC) 4యంగ్ ప్రొఫెషనల్ పోస్టులకు దరఖాస్తులు కోరుతోంది. అర్హతగల వారు DEC 31వరకు ఆఫ్లైన్లో అప్లై చేసుకోవచ్చు. పోస్టును బట్టి CA-ఇంటర్మీడియట్, ICWA-ఇంటర్మీడియట్, ఎంకామ్ ఉత్తీర్ణతతో పాటు పని అనుభవం ఉండాలి. అభ్యర్థుల గరిష్ఠ వయసు 32ఏళ్లు. షార్ట్ లిస్ట్, ఇంటర్వ్యూ ఆధారంగా ఎంపిక చేస్తారు. జీతం రూ.25,000-రూ.40,000 చెల్లిస్తారు. వెబ్సైట్: https://www.ncdc.in
News December 29, 2025
అనర్హత వేటు తప్పింది: కేసీఆర్ మళ్లీ వస్తారా..?
TG: అసెంబ్లీకి KCR అలా వచ్చి, రిజిస్టర్లో సంతకం చేసి వెళ్లిపోయారు. దీంతో రూల్ ప్రకారం 6 నెలలు సభకు హాజరు కాకుంటే MLA పదవిపై పడే అనర్హత వేటు తప్పింది. ఈసారి సెషన్స్లో జల వివాదాలపై చర్చిద్దామని, KCR రావాలని CM రేవంత్ సహా మంత్రులు సవాల్ విసిరారు. అంతకుముందు KCR వ్యాఖ్యలపై దుమారం చెలరేగింది. ఈ నేపథ్యంలో తెలుగు రాష్ట్రాల మధ్య జల వివాదంపై చర్చ కోసం KCR మళ్లీ సభకు వస్తారా? అనేది ఆసక్తికరంగా మారింది.