News March 17, 2024
ఎమ్మెల్యేతో సవాల్.. అరగుండు కొట్టించుకున్న వ్యక్తి
AP: పుట్టపర్తి సిట్టింగ్ ఎమ్మెల్యే శ్రీధర్ రెడ్డికి తిరిగి వైసీపీ టికెట్ దక్కడంతో ఓ వ్యక్తి అరగుండు కొట్టించుకున్నాడు. వచ్చే ఎన్నికల్లో శ్రీధర్ రెడ్డికి వైసీపీ టికెట్ వస్తే అరగుండు కొట్టించుకుంటానని గతంలో సజ్జల మహేశ్వర్ రెడ్డి అనే వ్యక్తి సవాల్ విసిరాడు. తాజాగా సీఎం జగన్ ప్రకటించిన వైసీపీ జాబితాలో శ్రీధర్ రెడ్డికి చోటు దక్కింది. దీంతో మహేశ్వర్ రెడ్డి సత్యమ్మ దేవాలయం వద్ద అరగుండు చేయించుకున్నాడు.
Similar News
News January 28, 2026
అలాంటి పసుపుకే మంచి ధర: మార్కెటింగ్ శాఖ
TG: పసుపు పంట చేతికొస్తున్న నేపథ్యంలో రైతులకు వ్యవసాయ మార్కెటింగ్ శాఖ సూచనలు చేసింది. ఉడికించిన పసుపును 15 రోజులు ఎండబెట్టిన తర్వాతే మార్కెట్ యార్డులకు తీసుకురావాలని తెలిపింది. తేమ శాతం 12%లోపు ఉంటే మంచి ధర దక్కే అవకాశం ఉంటుందని పేర్కొంది. కాడి, గోల, చూర వంటి మలినాలు లేకుండా శుభ్రపరచిన పసుపును తేవాలని సూచించింది. NZB మార్కెట్ యార్డులో పచ్చి పసుపు విక్రయాన్ని పూర్తిగా నిషేధించినట్లు తెలిపింది.
News January 28, 2026
నేటి నుంచి పార్లమెంట్ బడ్జెట్ సమావేశాలు
పార్లమెంట్ బడ్జెట్ సమావేశాలు నేడు ప్రారంభం కానున్నాయి. రెండు విడతల్లో సమావేశాలను నిర్వహించనున్నారు. నేటి నుంచి FEB 13 వరకు తొలి విడత, మార్చి 9 నుంచి ఏప్రిల్ 2 వరకు రెండో విడత సెషన్ జరగనుంది. మొత్తం 30 రోజులు ఉభయ సభలు సమావేశం కానున్నాయి. ఫిబ్రవరి 1న బడ్జెట్ను ప్రవేశపెట్టనున్నారు. నిన్న జరిగిన ఆల్ పార్టీ మీటింగ్లో MGNREGA, SIR, UGC నిబంధనలు తదితర అంశాలపై చర్చలు పెట్టాలని విపక్షాలు డిమాండ్ చేశాయి.
News January 28, 2026
ప్రైవసీ ఉల్లంఘన ఆరోపణలు అవాస్తవం: వాట్సాప్
ప్రైవసీ ఉల్లంఘన <<18971131>>ఆరోపణలను<<>> WhatsApp మాతృసంస్థ Meta ఖండించింది. ‘మీ మెసేజ్లు ప్రైవేట్గానే ఉంటాయి. ఓపెన్ సోర్స్ సిగ్నల్ ప్రోటోకాల్తో ఎన్క్రిప్ట్ (హైడ్) చేస్తాం. మీ డివైజ్ నుంచి బయటకు వెళ్లే ముందే మెసేజ్లు ఎన్క్రిప్ట్ అవుతాయి. మీరు ఎవరికి పంపారో వాళ్లు మాత్రమే చదవగలరు. వాట్సాప్, మెటా వాటిని యాక్సెస్ చేయలేవు’ అని స్పష్టం చేసింది. కాగా Meta మెసేజ్లను చదవగలదని USలో దావా దాఖలవడంతో ఇలా స్పందించింది.