News December 16, 2024
నాగబాబు ప్రమాణస్వీకార తేదీపై చంద్రబాబు, పవన్ చర్చ!
AP: సీఎం చంద్రబాబుతో డిప్యూటీ సీఎం పవన్ కళ్యాణ్ భేటీ అయ్యారు. సచివాలయంలో సమావేశమైన వీరిద్దరూ నాగబాబు మంత్రి పదవి, ప్రమాణ స్వీకార తేదీపై నిర్ణయం తీసుకోనున్నట్లు తెలుస్తోంది. నామినేట్ పదవుల తుది జాబితా, ఇతర అంశాలపైనా చర్చించనున్నట్లు సమాచారం. చంద్రబాబు, పవన్ భేటీ ముగిసిన తర్వాత నాగబాబు ప్రమాణ స్వీకార తేదీని ప్రకటించే అవకాశం ఉంది.
Similar News
News December 19, 2025
టెన్త్ పరీక్ష ఫీజు చెల్లింపునకు రెండ్రోజుల అవకాశం!
AP: టెన్త్ పబ్లిక్ పరీక్ష ఫీజు చెల్లింపునకు ఇవాళ, రేపు అవకాశం కల్పించినట్టు ప్రభుత్వ పరీక్షల విభాగం డైరెక్టర్ శ్రీనివాసులు రెడ్డి తెలిపారు. విద్యార్థులు రూ.500 ఫైన్తో HMల లాగిన్ ద్వారా ఫీజు చెల్లించవచ్చన్నారు. తక్కువ వయస్సున్న విద్యార్థులు వయసు మినహాయింపు ఫీజును బోర్డ్ ఆఫ్ సెకండరీ ఎడ్యుకేషన్ వెబ్సైట్లో చెల్లించవచ్చని పేర్కొన్నారు. ఒకేషనల్ విద్యార్థులూ ఇదే సైట్లో ఫీజులు కట్టొచ్చని చెప్పారు.
News December 19, 2025
మంచి ఆదాయ మార్గం.. రాజశ్రీ కోళ్ల పెంపకం
రాజశ్రీ కోళ్లు అధిక రోగ నిరోధక శక్తిని కలిగి తీవ్రమైన వ్యాధులను సైతం తట్టుకుంటాయి. ఇవి తక్కువ సమయంలో అధిక బరువు పెరుగుతాయి. కేవలం 8 వారాల వయసులోనే 500 గ్రాముల బరువు, 20 వారాల వ్యవధిలో రెండున్నర కిలోల వరకు బరువు పెరుగుతాయి. 160 రోజుల వ్యవధిలో గుడ్లను పెట్టడం ప్రారంభించి ఏడాదికి 160-180 గుడ్లు పెడతాయి. మాంసం, గుడ్లు రెండింటి కోసం పెంచేవాళ్లకు రాజశ్రీ మంచి ఎంపిక అంటున్నారు వెటర్నరీ నిపుణులు.
News December 19, 2025
గంభీర్ కోచ్ కాదు.. మేనేజర్: కపిల్ దేవ్
టీమ్ ఇండియాకు గంభీర్ మేనేజర్ మాత్రమేనని క్రికెట్ దిగ్గజం కపిల్ దేవ్ అన్నారు. ‘కోచ్ అనే పదాన్ని అనవసరంగా ఉపయోగిస్తున్నారు. గంభీర్ కోచ్ కాదు.. మేనేజర్ అంతే. లెగ్ స్పిన్నర్ లేదా వికెట్ కీపర్కు గంభీర్ కోచ్ ఎలా అవుతారు. స్కూల్, కాలేజీల్లో నేర్పేవాళ్లు నా దృష్టిలో కోచ్. ఆటగాళ్ల బాగోగులు చూసుకోవడమే ప్రస్తుత కోచ్ పని. వాళ్లను ప్రోత్సహించి, స్ఫూర్తి నింపి, సౌకర్యంగా ఉండేలా చూసుకోవాలి’ అని చెప్పారు.