News September 9, 2024
చంద్రబాబు, లోకేశ్ను చూస్తుంటే గర్వంగా ఉంది: బ్రాహ్మణి
AP: చంద్రబాబును అరెస్టు చేసి ఏడాదయిన సందర్భంగా కోడలు బ్రాహ్మణి Xలో ఎమోషనల్ పోస్టు చేశారు. ‘చంద్రబాబును అక్రమంగా అరెస్టు చేసి లోకేశ్ను అడ్డుకున్నప్పుడు ఇక ప్రజలకు దిక్కెవరని బాధపడ్డాం. అరెస్టును తట్టుకోలేక ఎంతో మంది చనిపోతుంటే తల్లడిల్లిపోయాం. నిజమే గెలిచాక తమ ప్రాణాలకంటే మిన్నగా ఆరాధించే ప్రజల రుణం తీర్చుకోవడానికి కష్టపడుతున్న CBN, లోకేశ్ను చూస్తుంటే గర్వంగా అనిపిస్తుంది’ అని పేర్కొన్నారు.
Similar News
News January 3, 2026
ప్రముఖ నటుడికి యాక్సిడెంట్
ప్రముఖ నటుడు ఆశిష్ విద్యార్థి రోడ్డు ప్రమాదంలో గాయపడ్డారు. గువాహటిలో భార్య రూపాలీతో కలిసి రోడ్డు దాటుతుండగా వేగంగా వచ్చిన బైక్ ఢీకొట్టింది. స్థానికులు వెంటనే ఆశిష్ దంపతులను హాస్పిటల్కు తరలించారు. తనకు స్వల్ప గాయాలైనట్లు ఆయన SM ద్వారా వెల్లడించారు. తన భార్యను ఇంకా పరిశీలనలో ఉంచారని చెప్పారు. అభిమానులు ఆందోళన చెందవద్దన్నారు. ఆశిష్ విద్యార్థి తెలుగులో పోకిరి, చిరుత సహా అనేక సినిమాలు చేశారు.
News January 3, 2026
మంచి పశుగ్రాసానికి ఉండాల్సిన లక్షణాలు
పాడి పశువులకు అందిచే గ్రాసం రుచిగా, ఎక్కువ మాంసకృత్తులు కలిగి ఉండాలి. తక్కువ కాలంలో కోతకు వచ్చి ఎక్కువ దిగుబడి ఇచ్చేదిగా ఉండాలి. నీటి ఎద్దడిని తట్టుకొని ఏ దశలో కోసినా రుచికరంగా ఉండాలి. ఎలాంటి విష పదార్థాలు ఉండకూడదు. అన్ని కాలాల్లో మంచి దిగుబడిని ఇవ్వాలి. అన్ని రకాల నేలల్లో తక్కువ నీటితో సాగు చేసుకోగలినదై ఉండాలి. తెగుళ్లను తట్టుకునేలా, కోసిన తర్వాత రోజుల తరబడి నిల్వచేసుకొనుటకు వీలుగా ఉండాలి.
News January 3, 2026
సుదర్శన చక్రం ఆవిర్భావం, విశిష్టత
రాక్షసుల ఆగడాల నుంచి లోకాన్ని రక్షించడానికి శక్తిమంతమైన ఆయుధం అవసరమని భావించిన విష్ణుమూర్తి, శివుడిని ప్రార్థించారు. శివపురాణం ప్రకారం.. శివుడే అత్యంత విధ్వంసకరమైన సుదర్శన చక్రాన్ని విష్ణువు కోసం సృష్టించి బహుకరించాడు. ఒక్కసారి ప్రయోగిస్తే లక్ష్యాన్ని ఛేదించి తిరిగి వచ్చే ఈ దివ్యాయుధం, ధర్మస్థాపనలో కీలక పాత్ర పోషించింది. సృష్టికర్త శివుడు కాగా, దానిని ధరించి లోక కల్యాణం గావించింది మహావిష్ణువు.