News September 22, 2024
రాజకీయ లబ్ధి కోసమే చంద్రబాబు తప్పుడు ఆరోపణలు.. మోదీకి జగన్ లేఖ
AP: తిరుమల లడ్డూ వివాదంపై ప్రధాని మోదీకి మాజీ సీఎం జగన్ లేఖ రాశారు. సీఎం చంద్రబాబు రాజకీయ లబ్ధి కోసమే తప్పుడు ఆరోపణలు చేశారని ఆరోపించారు. ‘2014-19లో 14-15 సార్లు నెయ్యి ట్యాంకర్లు రిజెక్ట్ అయ్యాయి. 2019-24లో 18 సార్లు రిజెక్ట్ చేశాం. 2 నెలల కింద ఒక ట్యాంకర్ రిజెక్ట్ అయింది. అలాంటప్పుడు లడ్డూల తయారీలో ఈ నెయ్యిని వాడేందుకు వీలులేదు. దీనిపై వాస్తవాలను నిగ్గు తేల్చండి’ అని కోరారు.
Similar News
News November 29, 2025
వాస్తు శాస్త్రం ప్రకారం.. పడక గది ఏ కొలతల్లో ఉండాలి?
పడక గది సుమారు 10×12, 10×15, 12×15, 15×18 అడుగుల కొలతల్లో ఉండాలని వాస్తు నిపుణులు కృష్ణాదిశేషు సూచిస్తున్నారు. ‘కొలతలు శాస్త్ర సమ్మతంగా ఉండటంతో పాటు అందుబాటులో ఉన్న స్థలం, అవసరాలను కూడా దృష్టిలో పెట్టుకోవాలి. కొలతలు వాస్తు నియమాలకు అనుగుణంగా ఉంటూనే, గది సౌకర్యవంతంగా ఉండేలా చూసుకోవడం చాలా ముఖ్యం. ఇది ఇంట్లో సానుకూల శక్తిని పెంచుతుంది’ అని వివరిస్తున్నారు. <<-se>>#Vasthu<<>>
News November 29, 2025
‘మాతృ సంరక్షణ’లో ఏపీకి అంతర్జాతీయ గుర్తింపు
AP: మాతృత్వ ఆరోగ్య సంరక్షణలో వైద్య ఆరోగ్య శాఖకు అంతర్జాతీయ గుర్తింపు లభించింది. ‘మిడ్ వైఫరీ’ శిక్షణను అత్యుత్తమ విధానం కింద ‘ఇంటర్నేషనల్ కాన్ఫడరేషన్ ఆఫ్ మిడ్ వైవ్స్’ సంస్థ(నెదర్లాండ్స్) ఎంపికచేసింది. 2026 JUN 14-18 తేదీల్లో లిస్బాన్(పోర్చుగల్)లో జరిగే సదస్సులో ప్రజెంటేషన్ ఇవ్వాలని వైద్య ఆరోగ్య శాఖను ఆహ్వానించినట్లు కమిషనర్ వీరపాండియన్ తెలిపారు. కాగా అధికారుల కృషిని మంత్రి సత్యకుమార్ అభినందించారు.
News November 29, 2025
రేపు మావోయిస్టుల బంద్… ఏజెన్సీలో హై అలర్ట్
ఈనెల 18, 19 తేదీల్లో జరిగిన ఎన్‌కౌంటర్లలో మావోయిస్టు అగ్రనేత హిడ్మా సహా పలువురు మృతి చెందడం తెలిసిందే. ఇవి బూటకపు ఎన్‌కౌంటర్లని ఆరోపిస్తూ వాటికి నిరసనగా మావోయిస్టు పార్టీ ఈనెల 30 (ఆదివారం)న బంద్‌కు పిలుపు ఇచ్చింది. దీంతో పోలీసు, కేంద్ర భద్రతా బలగాలు విస్తృత తనిఖీలు చేపట్టాయి. ప్రజాప్రతినిధులు, అధికారులు మారుమూల ప్రాంతాల్లో పర్యటించవద్దని సూచించాయి. ఏజెన్సీ ఏరియాకు RTC సేవలు నిలిచిపోనున్నాయి.