News October 29, 2024
చంద్రబాబు చరిత్ర అదే: వైసీపీ
AP: గతంలో ఛార్జీలు పెంచడం అన్యాయమన్న ప్రజలపై బషీర్బాగ్లో గుర్రాలతో తొక్కించి, తుపాకీలతో కాల్చిన చరిత్ర చంద్రబాబుదని వైసీపీ విమర్శించింది. ఆయనకు ప్రజలంటే లెక్కలేదని, ప్రశ్నిస్తే కాల్చి పారేస్తాడని ట్వీట్ చేసింది. ఆనాడు జనరల్ డయ్యర్, నేడు చంద్రబాబు ఒక్కటేనని పేర్కొంది. 4 నెలలకే CBN పాలన ఇలా ఉంటే నాలుగేళ్లు ఎలా భరించాలని ప్రజలు బాధపడుతున్నారని రాసుకొచ్చింది.
Similar News
News December 25, 2025
రష్యాలో క్రిస్మస్ ఎప్పుడో తెలుసా?
ప్రపంచమంతటా ఇవాళ క్రిస్మస్ జరుపుకుంటున్నారు. రష్యా మాత్రం జనవరి 7న సెలబ్రేట్ చేసుకుంటుంది. దీనికో ప్రత్యేక కారణం ఉంది. 1582లో యూరప్ దేశాలు గ్రెగోరియన్ క్యాలెండర్ అనుసరించడం ప్రారంభించాయి. కానీ రష్యా ఆర్థడాక్స్ చర్చ్ జులియన్ క్యాలెండర్ను ఫాలో కావడం కొనసాగించింది. ఏళ్లు గడిచే కొద్దీ ఈ క్యాలెండర్ల మధ్య గ్యాప్ వచ్చింది. దీంతో Jan 7(జులియన్ క్యాలెండర్లో Dec 25)న రష్యా క్రిస్మస్ జరుపుకుంటుంది.
News December 25, 2025
కోహ్లీ క్రేజ్.. VHT స్కోర్ కోసం 10 లక్షల సెర్చ్లు
కోహ్లీ, రోహిత్ లాంటి స్టార్లు ఆడుతున్న విజయ్ హజారే ట్రోఫీ ప్రత్యక్ష ప్రసారం లేకపోవడంతో అభిమానులు గూగుల్ను ఆశ్రయించారు. ముఖ్యంగా కోహ్లీ లైవ్ స్కోర్ తెలుసుకునేందుకు ఎక్కువ మంది ఆసక్తి చూపారు. 10 గంటల వ్యవధిలో ఢిల్లీ-ఆంధ్రా మ్యాచ్ అప్డేట్స్ కోసం 10 లక్షలకు పైగా సెర్చ్లు నమోదయ్యాయి. ఏకంగా 1,81,818 సార్లు రీఫ్రెష్ చేశారు. నిన్నటి మ్యాచ్లో కింగ్ 101 బంతుల్లో 131 రన్స్ చేసిన విషయం తెలిసిందే.
News December 25, 2025
కనుక్కోండి చూద్దాం.. వీరిలో రోహిత్ ఎవరు?
విజయ్ హజారే ట్రోఫీలో భాగంగా నిన్న సిక్కింతో మ్యాచ్లో రోహిత్ శర్మ <<18659152>>మెరిసిన<<>> విషయం తెలిసిందే. ఈ క్రమంలో ముంబై వికెట్ కీపర్ హార్దిక్ తమోరేతో రోహిత్ ఫీల్డింగ్ చేస్తున్న ఫొటో సోషల్ మీడియాలో వైరల్ అవుతోంది. హార్దిక్ కూడా రోహిత్లా ఉండటమే ఇందుకు కారణం. అసలైన రోహిత్లా హార్దిక్ తమోరే కనిపిస్తున్నారని నెటిజన్లు కామెంట్లు చేస్తున్నారు. పేరు, జెర్సీ నంబర్ లేకపోతే కనిపెట్టలేమని అంటున్నారు. మరి మీరేమంటారు?