News August 25, 2024
పోలింగ్ తేదీని మార్చండి.. బీజేపీ ఓటమిని అంగీకరించిందన్న కాంగ్రెస్
హరియాణాలో అసెంబ్లీ ఎన్నికల పోలింగ్ తేదీని మార్చాలని ఈసీని బీజేపీ కోరింది. పోలింగ్‌కు ముందు, తర్వాత సెలవులు ఉండటంతో ఓటింగ్‌పై ప్రభావం చూపే అవకాశం ఉందని లేఖలో పేర్కొంది. ఈ ప్రతిపాదనతో కాషాయ పార్టీ నేతలు ఇప్పుడే పరాజయాన్ని అంగీకరించారని కాంగ్రెస్ నేత, మాజీ CM భూపిందర్ సింగ్ హుడా విమర్శించారు. కాగా బీజేపీ అభ్యర్థనపై ఈసీ స్పందించాల్సి ఉంది. హరియాణాలో 90 స్థానాలకు అక్టోబర్ 1న పోలింగ్ జరగనుంది.
Similar News
News January 29, 2025
ప్రయాగ్‌రాజ్‌లో 8-10 కోట్ల భక్తులున్నారు: యోగి
ప్రస్తుతం ప్రయాగ్‌రాజ్‌లో 8-10 కోట్ల మంది ఉన్నారని యూపీ సీఎం యోగి ఆదిత్యనాథ్ అన్నారు. నిన్న 5 కోట్ల మంది పవిత్రస్నానాలు చేశారన్నారు. రాత్రి మౌని అమావాస్య ఘడియలు రాగానే భక్తులు ఒక్కసారిగా బారికేడ్ల ముందుకు వచ్చారని తెలిపారు. తొక్కిసలాట జరగ్గానే అధికారులు వెంటనే స్పందించి సహాయ చర్యలు చేపట్టారని వెల్లడించారు. ప్రస్తుత పరిస్థితి నియంత్రణలోనే ఉందన్నారు. ప్రజలు సహకరించాలని కోరారు.
News January 29, 2025
ఆత్మీయ భరోసా అర్హుల గుర్తింపుపై కీలక ఆదేశాలు
TG: ‘ఇందిరమ్మ ఆత్మీయ భరోసా’ అర్హుల గుర్తింపును ఫిబ్రవరి 2లోగా పూర్తి చేయాలని అధికారులను పంచాయతీ రాజ్ శాఖ ఆదేశించింది. లబ్ధిదారుల వివరాలను అదే రోజు సా.5గంటల లోపు ఆన్‌లైన్‌లో నమోదు చేయాలని సూచించింది. ఆ తర్వాత మార్పులు, చేర్పులకు అవకాశం ఉండదని పేర్కొంది. ఈ పథకం కింద భూమి లేని వ్యవసాయ కూలీలకు ప్రభుత్వం ఏడాదికి ₹12వేలు అందించనుంది. ఇప్పటికే తొలి విడతలో పలువురికి ₹6వేల చొప్పున జమ చేసింది.
News January 29, 2025
ఘోర విషాదం.. 20 మంది మృతి?
మహా కుంభమేళాలో జరిగిన తొక్కిసలాటలో 20 మంది మరణించినట్లు తెలుస్తోంది. 100 మంది భక్తులు గాయపడ్డారు. వారికి మేళా సమీపంలో ఏర్పాటు చేసిన తాత్కాలిక వైద్య శిబిరాల్లో చికిత్స అందిస్తున్నారు. ఘటనపై అత్యవసర సమీక్ష నిర్వహించిన సీఎం యోగి ఆదిత్యనాథ్ యుద్ధప్రాతిపదికన సహాయక చర్యలు చేపట్టాలని అధికారులను ఆదేశించారు. శిబిరాల్లో ఉన్న క్షతగాత్రులను ఆసుపత్రులకు తరలించాలని సూచించారు. ఘటనపై మోదీ, షా ఆరా తీశారు.