News June 6, 2024

CBNను కలిసేందుకు వచ్చిన సీఐడీ చీఫ్.. వెనక్కి పంపిన అధికారులు

AP: చంద్రబాబును కలిసేందుకు వచ్చిన సీఐడీ చీఫ్ సంజయ్‌ను అధికారులు వెనక్కి పంపారు. మర్యాదపూర్వక భేటీ పేరుతో ఉండవల్లిలోని చంద్రబాబు నివాసానికి రాగా.. అనుమతి లేదనడంతో కానిస్టేబుళ్లు ఆయన కారును వెనక్కి పంపారు. ఎన్నికల ఫలితాలు రాగానే విదేశాలకు వెళ్లేందుకు సంజయ్ సెలవు పెట్టారు. ప్రస్తుతం సెలవు కూడా రద్దు చేసినట్లు సమాచారం. స్కిల్ స్కామ్ కేసులో చంద్రబాబు అరెస్టు వ్యవహారంలో సంజయ్ కీలకంగా వ్యవహరించారు.